محمد طه
محمد طه مغنى شعبى مصرى اسمه بالكامل "محمد طه مصطفى ابو دوح"، اتولد فى بلد أبوه "طهطا" بصعيد مصر فى 24 سبتمبر 1922، واتربى فى بلدأمه "عزبة عطا الله سليمان" بقرية "سندبيس" التابعة لمركز "قليوب".
- فنان"بلدي" شعبى تلقائى صاحب الـ10 الاف موال من غير اى إعداد وكان بيؤلف ويلحن ويغنى، كمان كان صاحب فرقة موسيقية وشركة اسطوانات
- غني على مسارح الفن الشعبي فى القاهرة ، ومنها قهاوى حى "الحسين" و"السيدة زينب" اللى كان بيغنى فيها فى احتفالات بالموالد والمناسبات الدينية
- فى سنة 1954 تصادف أنه استمع ليه الإذاعيان "طاهر ابو زيد" و"ايهاب الأزهرى" وهو بيغنى فى قهوه "المعلم علي الأعرج" بالحسين، فجابوه للاذاعة فسجل شويه من مواويله
- زكريا الحجاوى ضم "محمد طه" ل"فرقة الفلاحين للفنون الشعبية" اللى كلفته "وزارة الثقافة" بتشكيلها
- ضمه الإذاعي جلال معوض لإحياء حفل اضواء المدينة، فى غزة
- غنى فى الاحتفال بعيد الثورة قدام جمهور يتقدمه جمال عبد الناصر و عبد الحكيم عامر وكمال الدين حسين وغيرهم من القادة
- كون فرقته الموسيقية الخاصة "الفرقة الذهبية للفنون الشعبية" وضم ليها أخوه "شعبان طه" اللى يشبهه كمان ضمت الفرقة عازفين للناى والأرغول والكمان والعود والطبلة، وهي الفرقة اللى لازمته فى كل حفلاته وأسفاره ووبرضه فى الافلام اللى شارك فيها.
- كون شركة لطباعة اسطواناته سماها شركة "ابن البلد"
| ||||
|---|---|---|---|---|
 | ||||
| معلومات شخصيه | ||||
| الميلاد | 24 سبتمبر 1922 | |||
| الوفاة | 12 نوفمبر 1996 (74 سنة)[1] | |||
| مواطنه |  | |||
| الحياه العمليه | ||||
| المهنه | مغنى | |||
| المهنه | مغنى | |||
شارك بالغنا فى 30 فيلم زى
ابن الحتة، بنات بحري، أشجع رجل فى العالم، خلخال حبيبي، شقاوة رجالة، السفيرة عزيزة، الزوج العازب، دعاء الكروان، المراهق الكبير، ملك البترول، زوجة ليوم واحد، رحلة العجائب، دستة مجانين.
اتوفي فى 12 من نوفمبر 1996 فى حي شبرا
له 8 اولاد، اكبرهم "صالح" وهو الوحيد اللى ورث حلاوة الصوت عن أبوه، وغني مرة فى برنامج تليفزيوني وعمره 16 سنه لكن أبوه منعه.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.