محمد صلاح (لعيب كورة قدم)

بدا محمد صلاح حياته الكروية كناشئ فى نادى المقاولون العرب [9] لعب محمد صلاح اول مباراة له فى الدوري المصري الممتاز فى 3 مايو 2010 ضد نادي المنصورة فى مباراة انتهت بالتعادل 1-1. فى موسم 2010–11, واصبح صلاح لعيب اساسي فى الفريق, و سجل اول هدف فى 25 ديسمبر 2010 امام نادي الاهلي فى مباراة انتهت بالتعادل 1-1. و ظهرت قدراته و مهاراته العالية و سرعته الرهيبة و داه زاد من اهتمام الاعلام له. و كان قريب من الانتقال لنادى الزمالك قبل الانتقال لـ بازل السويسرى, قبل ما يوقف انتقاله رئيس نادي الزمالك ممدوح عباس, بحجة صغر سنه و قلة خبرته و لعب صلاح اول مبارياته فى الدوري الممتاز, و هوا عنده 18 سنه, و شارك بديل فى مباراة امام نادي المنصورة, و احرز اول هدف ليه فى الدورى الممتاز قدام النادى الاهلى فى نفس الموسم, فى 25 ديسمبر 2010 فى المباراة تعادل فيها الفريقين1-1.

فى سنة 2012 و بعد مستواه الممتاز مع نادي المقاولين العرب, كان صلاح فى طريقه للتوقيع مع نادى الزمالك فى صفقه ما تمتش بسبب رئيس النادي وقتها ممدوح عباس, و اتعاقد مع بازل السويسرى فى ابريل 2012 فى صفقه بـ 2 مليون يورو, و احرز صلاح اول هدف رسمى ليه فى الدوري السويسري قدام نادى لوزان, و كسب مع بازل ببطولة كاس سويسرا, و تم اختياره كافضل لعيب افريقى صاعد سنة 2012, و احسن لعيب فى الدورى السويسرى سنة 2013.

محمد صلاح مع نادى بازل سنة 2013

و بعد ما احرز هدفين فى شباك تشيلسي الانجليزى فى دورى ابطال اوروبا موسم 2013 – 2014, كان سبب فى اهتمام الصحف العالمية عموما و الانجليزيه خصوصا بالكلام عليه و متابعته فى الماتشات. و بعد احداث كارثة ستاد بورسعيد رتب بازل مباراه وديه مع منتخب مصر تحت 23 سنة. و كان الماتش فى 16 مارس 2012 فى استاد رانكوف فى بازل. و ما شاركش صلاح الا فى الشوط التانى, لكن جاب جولين, و انتهى الماتش بفوز منتخب مصر بنتيجة 4-3.[10] بعد الماتش, دعى نادي بازل محمد صلاح علشان يتدرب مع الفريق لمدة اسبوع, و فى 10 ابريل 2012, وقع محمد صلاح لنادى بازل السويسرى, بعقد لمدة 4 سنين ابتدا من 15 يونيو 2012.[11][12] و اتنقل محمد صلاح لـ بازل السويسرى فى صفقه قياسيه بالنسبه لنادى المقاولين العرب, بـ 2 مليون يورو, بالاضافه لاحتفاظ النادي المصرى بنسبه لو قرر بازل بيعه فى المستقبل.

مبداش محمد صلاح مشاركاته مع بازل اساسى, لكن كان على دكة الاحتياط, ففى 23 يونيو 2012 لعب فى مباراة ضد نادي ستيوا بوخارست الرومانى انتهت بخسارة بازل 4-2. بعدكده لعب اول مباراه رسميه مع بازل فى الدور التمهيدى من بطولة دورى ابطال اوروبا, ضد نادي مولده النرويجى فى يوم 8 اغسطس 2012, و دخل بديل فى الدقيقة 74. و احرز اول هدف فى الدوري السويسري, فى الاسبوع التانى من منافسات الدوري, و فدام نادي لوزان جاب محمد صلاح الجول الاول ليه و التانى لفريقه, و كسب بازل فى الماتش ده بنتيجة 2-0. استمر محمد صلاح فى التهديف, لكن المرادى كان فى الدور الربع النهائى من بطولة دوري اوروبا, ففى 11 ابريل سنة 2013, جاب اول هدف اوروبى ضد توتنهام هوتسبير, و اتاهل بازل للدور اللى بعده بعد ما هزمو توتنهام هوتسبير بضربات الجزاء بعد التعادل 4-4 فى مجموع المباراتين.[13] و فى الدور نص النهائى من بطولة دورى اوروبا, سجل صلاح ضد تشيلسى على استاد ستامفورد بريدج, لكن بازل خسرت 2-5 فى مجموع المباراتين.[14] و برغم خيبة الامل فى المنافسات الاوروبيه, كسب بازل فى موسم 2012-13 من الدورى السويسرى,[15] و بقى وصيف فى مسابقة كاس سويسرا.[16] و زاد اهتمام الصحف المصريه و العالميه بمحمد صلاح, بعد ما شارك فى بطولة دورى اوروبا, و جاب جولين فى شبكة توتنهام هوتسبير و تشيلسى الانجليزيين. و حصل محمد صلاح لقب احسن لعيب فى الدوري السويسرى سنة 2013, و اخد جايزة الاتحاد الافريقي لكورة القدم لافضل لعيب صاعد فى افريقيا سنة 2012.[17]

مع بداية موسم 2013-14, جاب جول محمد صلاح فى اول ظهور ضد آرو فى 13 تموز 2013.[18] و جاب اول جول ليه فى تشامبيونز ليج بعد شهر ضد نادى مكابى تل ابيب فى الدور التالت من التصفيات اللى بتاهل لتشامبيونز ليج.[19] بعد كده جاب جولين فى شبكة بطل الدورى البلغارى الممتاز نادى لودوجوريتس رازجراد فى الدور الفاصل.[20] فى 18 سبتمبر 2013, جاب محمد صلاح جول التعادل ضد تشيلسى فى الماتش اللى انتهى بمكسب لفريقه 2-1, على ملعب ستامفورد بريدج بـ لندن. فى مرحلة العوده من دور المجموعات فى تشامبيونز ليج, و بالتحديد فى 26 نوفمبر وعلى سانت جاكوب بارك, اكد صلاح موهبته و جاب جول مره تانيه هدف الفوز الوحيد, و كسب نادى بازل للمرة التانيه على نادى تشيلسى.[21] اجمالا, قعد صلاح مع نادى بازل موسم و نص لعب فيهم 79 ماتم وجاب 20 جول فى كل البطولات اللى لعبها.[22]

محمد صلاح مع نادى تشيلسى سنة 2014

قميص صلاح فى غرفة ملابس نادى تشيلسى فى موسم 2013-2014

للمرة الثانيه صلاح بين عروض كثيره اهمهم تشيلسى و ليفربول الانجليزى, و على عكس رغبة كل متابعيه, اختار صلاح اللعب لاصحاب التيشيرت الازرق, لكن كان جمهوره عايزه يروح لنادى اقل من تشيلسى, علشان تكون فرصة لعبه اكتر, و جاب صلاح اول جول ليكسامكه للبلوز قدام فريق ارسنال فى ماتش انتهى بفوز تشيلسى 6-0 .

و فى 26 يناير 2014, اعلن نادى تشيلسى عن انتقال محمد صلاح للـنادى اللندنى ,[23] بصفقه ماعلنوش عنها, لكن قدرتها الصحافة الانجليزيه بـ 11 مليون جنيه استيرلينى تقريبا يساوى 9.3 مليون يورو , وقدر يخطفه من نادى ليفربول اللى اتفاوض معاه مدة تزيد عن شهرين.[24][25]

محمد صلاح مع فيورنتينا سنة 2015

مكانتش اوضاع صلاح فى تشيلسى مرضية لطموحه ولا لجمهوره, لانه فضل فى دكة البدلا لفترات طويلة, علشان كده كان قراره بالرحيل فى اعارة لمدة 6 شهور لنادى فيرونتينا الايطالى فى فبراير 2015, جزء من صفقة انتقال خوان كوادرادو من فيرونتينا الايطالى لتشيلسى الانجليزى, ولعب صلاح اول مرة قدام اتلانتا فى 8/2/2015 فى الماتش اللى كسبت فيه فيرونتينا 3-2 فى يوم 3 فبراير 2015, انتقل صلاح لـ فيورنتينا الايطالى فى اعارة لمدة ست شهور ويكون للنادى الحق فى التجديد معاه لموسم تانى, ويعتبر الانتقال ده جزء من صفقة انتقال كوادرادو لـ تشيلسى.[26][27] جاب صلاج اول جول مع فيورينتينا فى ماتشهم ضد ساسولو اللى انتهى بمكسب لفيورينتينا بنتيجة 3-1. وكانت هى المباراة التانيه له, والاولى ليه كاساسى وفيها جاب الهدف الاول وعمل اسيست فى الجول التانى وجاب جوله التانى مع الفريق ضد تورينو بعد ما دخل بديل فى الدقيقة 66 وكانت النتيجة 0-0 فجاب الجول الاول لفريقه فى الدقيقة 85 وبعد دقيقتين عادل النتيجة الفريق التانى علشان تنتهى 1-1. ولعب بديل ضد الانتر وجاب الهدف الوحيد فى الماتش وهدية التلت نقط لفريقه. وفى الدورى الاوروبى لعب محمد صلاح ذهاب وعودة دور ال16 اساسى ضد توتنهام وجاب الجول التانى فى ماتش العودة علشان يؤكد فوز الفيولا وصعوده لدور التمانيه بنتيجة 3-1 فى مجموع الماتشين. وفى اول ماتشاته فى كاس ايطاليا, وبالتحديد فى الدور نص النهائى قدام يوفينتوس, جاب محمد صلاح هدفين للفيولا وخلصت المباراة بفوزهم بنتيجة 2-1. وخسارة اليوڤينتوس باقدام صلاح بعد 47 مباراة ورا بعض على ملعبهم من غير خسارة, كمان كان اول لاعيب يجيب جولين فى شبكة اليوفى فى موسم 2014-15.[28][29] وبعد مباراة مصر ضد غينيا الاستوائية الودية رجع محمد صلاح للفيولا وكمل التالق بتاعه وجاب الجول التانى[30] فى شبكة فريق سامبدوريا فى الدورى الايطالى و لعب محمد صلاح ماتش الذهاب من نص نهائى الدورى الاوروبى و فى الماتش ده كسب فيورنتينا 2-0 وقدم صلاح اداء عالى فى الماتش وجه دور ماتش اشبيلية وخسر الفريق 0-3 وبرغم كده اختاروا صلاح فى التشكيلة المثالية. .

محمد صلاح مع نادى ليفربول سنة 2017

[31]

|روما 2016–15 الدورى الايطالى الممتاز

الارقام الاولى فى قسم النتيجه و التسجيل تخص المنتخب المصرى.

#	التاريخ	الملعب	المنافس	النتيجة	النتيجة النهائية	المنافسة
1	8 اكتوبر 2011	ستاد القاهرة الدولى, القاهرة	نيجر	2–0	3–0	تصفيات كاس الامم الافريقية 2012
2	27 فبراير 2012	ملعب ثانى بن جاسم, الدوحة	كينيا	1–0	5–0	مباراة ودية
3	29 مارس 2012	ملعب الخرطوم, الخرطوم	Uganda	1–1	2–1	مباراة ودية
4	31 مارس 2012	ملعب الخرطوم, الخرطوم	تشاد	1–0	4–0	مباراة ودية
5	22 مايو 2012	استاد المريخ, ام درمان	توجو	2–0	3–0	مباراة ودية
6				3–0
7	10 يونيه 2012	ملعب 28 سبتمبر, كوناكرى	جينيا	3–2	3–2	تصفيات افريقيا لكاس العالم 2014
8	15 يونيه 2012	ملعب برج العرب, الاسكندرية	افريقيا الوسطى	2–1	2–3	تصفيات كاس الامم الافريقية 2013
9	6 فبراير 2013	ملعب فيسنتى كالديرون, مدريد	Chile	1–2	1–2	مباراة ودية
	22 مارس 2013	ملعب برج العرب, الاسكندرية	سوازيلاند	2–0	10–0	مباراة ودية غير رسمية
				3–0
10	9 يونيه 2013	الملعب الوطنى للرياضات, هرارى	زيمبابوى	2–1	4–2	تصفيات افريقيا لكاس العالم 2014
11				3–1
12				4–2
13	16 يونيه 2013	ملعب ماتشافا, مابوتو	موزمبيق	1–0	1–0	تصفيات افريقيا لكاس العالم 2014
14	14 اغسطس 2013	ملعب الجونة, الجونة	Uganda	2–0	3–0	مباراة ودية
15	10 سبتمبر 2013	ملعب الجونة, الجونة	جينيا	3–2	4–2	تصفيات افريقيا لكاس العالم 2014
16	5 مارس 2014	ملعب تيفولى الجديد, انسبروك, النمسا	البوسنه و الهرسك	2–0	2–0	مباراة ودية
17	30 مايو 2014	ملعب تشيلى الوطنى, سانتياغو, تشيلى	Chile	1–0	2–3	مباراة ودية
18	10 اكتوبر 2014	الملعب الوطنى, غابورون, بوتسوانا	قالب:Country data BOT	2–0	2–0	تصفيات كاس الامم الافريقية 2015
19	15 اكتوبر 2014	ملعب القاهرة الدولى, القاهرة, مصر	قالب:Country data BOT	2–0	2–0	تصفيات كاس الامم الافريقية 2015
20	19 نوفمبر 2014	ملعب مصطفى بن جنات, المنستير, تونس	Tunisia	1–0	1–2	تصفيات كاس الامم الافريقية 2015