محمد سيد طنطاوى

محمد سيد طنطاوى ( قرية سليم، محافظة سوهاج ، 28 اكتوبر 1928 - الرياض ، 10 مارس 2010 ) شيخ الجامع الازهر من سنة 1996 لغاية وفاته فى 10 مارس 2010. لقب بـ " الإمام الاكبر شيخ الجامع الازهر ". نال تعليمه الدينى و هو صغير فى الاسكندرية. يعتبر من شيوخ الازهر المستنيرين و من احسن المتخصصين فى علوم التفسير.

محمد سيد طنطاوي
معلومات شخصيه
الاسم الكامل	محمد سيد عطية طنطاوي[1]
الميلاد	28 أكتوبر 1928 طما، محافظة سوهاج،  مصر
الوفاة	10 مارس 2010 (العمر: 81 سنه) الرياض،  السعوديه
مكان الدفن	المملكه العربيه السعوديه
مواطنه	مصر
مذهب دينى	شافعي
العقيده	أهل السنة
مناصب
الامام الاكبر (49 )
في المنصب 1996  – 2010
جاد الحق على جاد الحق   احمد الطيب
الحياه العمليه
المدرسه الام	جامعة الازهر
شهاده جامعيه	دكتوراه [2]
المهنه	فقيه ،  ومحدث ،  واستاذ جامعه ،  وسياسى ،  وكاتب
اللغات المحكيه او المكتوبه	عربى [3]
الاهتمامات	شيخ الجامع الأزهر
موظف فى	جامعة الازهر

أخد الدكتوراة فى علوم التفسير و الحديث بدرجة امتياز سنة 1966 ، و عمل مدرس فى كلية اصول الدين فى القاهرة ، و فى 28 اكتوبر 1986 تم تعينه مفتي الديار المصريه ، و فى سنة 1996 ظل شيخ الازهر.

يعتبر من شيوخ الازهر المستنيرين اللى بيدو صوره كويسه و متحضره عن الاسلام فى فتره إعتبر فيها العالم إن الاسلام عقيده ارهابيه بتقوم على القهر و الظلم.

تعرض لحمله متعسفه من متطرفين و عرب بسبب موقفه من النقاب و قوله ان النقاب مجرد عاده ثقافيه و اجتماعيه مالهاش علاقه بالاسلام كدين. و شنت عليه قنوات تلفزيونيه عربيه حمله مسعوره خاصة قناة الجزيره بتاعة مشيخة قطر وصلت لحد التهجم على الازهر و مصر نفسها. واتهمته بإنه " يشارك بحملة صليبية ضد الاسلام "

اتوفى الشيخ محمد سيد طنطاوى فى الرياض فى السعوديه بنوبه قلبيه فى 10 مارس 2010 بعد ما قاد الازهر فى ظروف صعبه وسط منطقه مضطربه انتشر فيها التطرف و العنف و الابتزاز الدينى و السياسى. اتعرف محمد سيد طنطاوى بالإعتدال و التسامح و الاستناره. نعته بلاد كتيره كان منها الجزاير اللى وصفه رئيسها بـ" الإمام المتنور والمعتدل " ، و وصفه الكاردينال جان لوي توران مسئول الفاتيكان و رئيس المجلس الأسقفى للحوار بين الاديان بإنه كان " رجل سلام وحوار ". مسك بعده منصب الإمام الاكبر و شيخ الازهر, الشيخ احمد محمد الطيب.