محمد حسنين هيكل

محمد حسنين هيكل (23 سبتمبر 1923 - 17 فبراير 2016) صحفى و مؤرخ مصرى ، بدا حياته الصحفيه ايام لما كانت مصر مملكه . بعد ثورة 23 يوليه بقت ليه علاقه بالظباط الاحرار و جمال عبد الناصر و يقى مطلع على الاحوال السياسيه فى مصر لمده أكتر من خمسين سنه [7] . و كان رئيس جورنال الاهرام.

 محمد حسنين هيكل
 
معلومات شخصيه
الميلاد 23 سبتمبر 1923 [1][2][3][4] 


القاهره  

الوفاة 17 فبراير 2016 (93 سنة)[5][1][2][3][4] 


القاهره  

سبب الوفاة فشل كلوى  
مواطنه
مصر  
الحياه العمليه
المدرسه الام الجامعه الامريكيه فى القاهره  
المهنه صحفى ،  وسياسى ،  وكاتب  
الحزب الاتحاد الاشتراكى العربى  
اللغات المحكيه او المكتوبه عربى [6] 
بداية فترة العمل 1942 

دوره فى الحياه السياسيه

بعد ثورة يوليه و قرب هيكل من مواقع الاحداث فى خمسينات و ستينات القرن العشرين محمد حسنين هيكل بقا له دور مهم فى الحياه السياسيه المصريه داخلياً و خارجياً ، و فى فترة السبعينات مع تغيير نظام الحكم فى مصر فضل قريب من الرئيس انور السادات لحد ما اختلف معاه و بعد عن نظام الحكم.

معاهدة السلام

بعد ما عقد الرئيس السادات معاهدة السلام المصريه الاسرائيليه بعد اتفاقيات كامب ديفيد مع اسرائيل و قدر يسترد بقية سينا ، انضم هيكل للكتاب و الصحفيين اللى هاجمو الاتفاقيه و صوروها بطريقه سلبيه ساعات بدعم من الانظمه العربيه اللى رفضت الاتفاقيه، فإتقبض عليه هو و عدد كبير من الكتاب و الصحفيين فى عمليه اتسمت " اعتقالات سبتمبر ". بعد إغتيال الرئيس السادات فى اكتوبر 1981 افرج الرئيس الجديد حسنى مبارك عن هيكل و المعتقلين. بعد الافراج عن هيكل الف كتاب سماه " خريف الغضب " انتقد فيه الرئيس السادات و سياسته من وجهة نظره.

أهمية هيكل
محمد حسنين هيكل على الشمال مع ام كلثوم و نجيب محفوظ

قرب هيكل من جمال عبد الناصر و نظام الحكم فى مصر فى فترة خمسينات و ستينات القرن العشرين خلاه مطلع على وقائع و احداث الفتره المهمه دى من تاريخ مصر. هيكل عاصر قيام ثورة 23 يوليه و حرب السويس و حرب 1967 و انتقال السلطه من نظام جمال عبد الناصر لأنور السادات و التحولات السياسيه و الاقتصاديه اللى واكبت التغيير. بالإضافه لكده هيكل كانت ليه علاقات بصحفيين و سياسيين بره مصر فكان مطلع كمان على وجهات النظر الخارجيه فيما يخص مصر. ده ادى هيكل معلومات كتيره و بقى مؤرخ مهم جداً لفتره مهمه من تاريخ مصر خاصة انه نشيط فى التدوير على المستندات التاريخيه اللى ليها علاقه بالفتره دى.

بطبيعة الحال هيكل بسبب قربه من جمال عبد الناصر و نظام حكمه و بعدين ابعاده فى عهد انور السادات و حسنى مبارك خلاه منحاز لسياسة جمال عبد الناصر و عداءه للسادات و مبارك و سياستهم.

هيكل عمل سلسله من البرامج التأريخيه على قناة الجزيره اظهر فيها براعه تأريخيه لكن بعداء لنظم الحكم اللى جت بعد جمال عبد الناصر و عشان كده بتكمن أهميته أكتر فى الجانب التأريخى لفترة الخمسينات و الستينات عن ارائه اللى ما قدرش يحيدها.

لينكات برانيه

مصادر
  1. مُعرِّف المكتبة الوطنيَّة الفرنسيَّة (BnF): https://catalogue.bnf.fr/ark:/12148/cb12038801j — باسم: Mohamed Heikal — المؤلف: مكتبة فرنسا الوطنية — العنوان : اوپن ڈیٹا پلیٹ فارم — الرخصة: رخصة حرة
  2. مُعرِّف دليل الألماس العام: https://opac.diamond-ils.org/agent/18131 — باسم: Muḥammad Ḥasanayn Haykal
  3. مٌعَرِّف الموسوعة الكُرواتيَّة (LZMK ID): https://www.enciklopedija.hr/Natuknica.aspx?ID=24762 — باسم: Muhammad Hassanein Heikal — المؤلف: داليبور بروزوڤيك و توميسلاڤ لادان — العنوان : Hrvatska enciklopedija — الناشر: Miroslav Krleža Lexicographical Institute — ISBN 978-953-6036-31-8
  4. مُعرِّف شخص في أرشيف مُونزِينجِر (Munzinger): https://www.munzinger.de/search/go/document.jsp?id=00000012817 — باسم: Mohamed Hassanein Heikal — تاريخ الاطلاع: 9 اكتوبر 2017
  5. http://www.britannica.com/biography/Muhammad-Hassanein-Heikal
  6. http://data.bnf.fr/ark:/12148/cb12038801j — تاريخ الاطلاع: 10 اكتوبر 2015 — المؤلف: مكتبة فرنسا الوطنية — الرخصة: رخصة حرة
  7. There isn't a target in Afghanistan worth a $1m missile - Mohamed Heikal, the Arab world's foremost political commentator, Guardian, Stephen Moss, October 10, 2001
 محمد حسنين هيكل على مواقع التواصل الاجتماعى
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.