مجره

المجره (بالانجليزى Galaxy) هى تجمعات كبيره بتحتوى على مليارات النجوم و الكواكب و الاقمار و الكويكبات و النيازك, و بتحتوى كمان غبار كونى و ماده مظلمه[1] و بقايا نجميه و فيها مجالات مغناطيسيه. احجام المجرات و اعداد النجوم فيها ممكن تكون بين كم الف و دى بتتسمي المجرات القزمه و مكن توصل لمية ترليون نجم و دى بتتسمى المجرات العملاقه, كل المجرات مركز ثقلها هو المدار ليها.

المجرات بتتصنف حسب شكلها المرئى و فيه تلات فئات رئيسه هيه: الاهليجيه و الحلزونيه و الغير المنتظمه.

العلما بيقولو ان كتير من المجرات فيها ثقب اسود كيبر فى نواتها النشطه زى مجره درب التبانه اللى فيها الثقب الاسود الكبير اللى اسمو «الرامى ا» فى مركزها و اللى ليه كتله اكبر من كتله شمسنا باربع ملايين مره. تقديريا فيه حوالى 170 مليار مجره فى الكون المنظور, بس الاكتشافات العلميه الحديثه اتنبات بوجود ترليونات من المجرات, على مسافات ممكن توصل لملايين الفراسخ, و داه حسب كتله المجره و حجمها.[2]

مصادر
  1. yvette. "NASA - NASA Finds Direct Proof of Dark Matter". www.nasa.gov (in الإنجليزية). Retrieved 2020-05-10.
  2. "Astronomers unveil the farthest galaxy". phys.org (in الإنجليزية). Retrieved 2020-05-10.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.