متحف الاثار المصريه

متحف الاثار المصرية او المتحف المصرى، (اتعرف زمان بـ الأنتيكخانه) هو متحف فى مصر بيعتبر من اهم متاحف العالم، اتأسس فى بولاق فى القاهره، سنة 1858، و اتنقل لقصر الخديوى اسماعيل فى الجزيره سنة 1891، و فضل هناك حتى سنة 1901 الى بناء المتحف الحالى فى ميدان التحرير على مساحة 13.600 م من تصميم المهندس المعمارى الفرنسى مارسيل دورجانون, بيرجع الفضل فى انشاء متحف للأثار المصرية لعالم الاثار و المصرولوجى مارييت.

 متحف الاثار المصريه
 
 
التأسيس 1902[1][2] 
البلد
مصر  
التقسيم الادارى القاهره  
المكان ميدان التحرير  
المؤسس مارييت  
تاريخ الافتتاح الرسمى 1902 
مختلف عن المتحف المصرى الكبير  
رمز جيونيمز 7922588 
الموقع الرسمى الموقع الرسمى (انجليزى ) 
إحداثيات: 30°02′52″N 31°14′00″E  
خريطة
متحف الاثار المصرية- القاهرة

بيتكون المتحف المصرى من تلت تدوار، الدور الأرضى فيه الاثار التقيله، زى التماثيل الضخمه، مترتبه ترتيب زمنى, فى الدورين التانى و التالت فيه أثار مصريه قيمه زى كنوز توت عنخ امون و موميات ملوك مصر, المتحف فيه مكتبه كبيره و قسم للتصوير و قسم للصيانه.

الإعتداء على المتحف المصرى

من 25 يناير 2011 احتشد مصريين بأعداد ضخمه فى ميدان التحرير للمطالبه بسقوط نظام حسنى مبارك، و إكمن المتحف المصرى فى ميدان التحرير بقى موقفه خطير و معرض للحرق او النهب. كل المهتمين بأثار مصر و تاريخها حطوا ايديهم على قلوبهم من التفكير فى الكارثه اللى ممكن تحصل خاصة مع انتشار الجهالات و انعدام الوعى الأثرى و التاريخى بين كتير من مصريين بدايات القرن الواحد و عشرين. و فعلاً اتعرض المتحف لعمليات اعتداء ، ففى صبحية 29 يناير 2011 اكتشف زاهى حواس وزير الدوله لشئون الاثار وقتها عن طريق كاميرات المتحف ان فيه تحف اثريه متبعتره هنا و هناك على ارضية المتحف و اكتشف ان فيه تحف اتكسرت. بعد مراجعة مبدئيه و سجلات المتحف اتبين ان تمن حتت اثريه اختفت من الفاترينات اللى اتكسرت منهم اربع حتت اتلاقوا مرميين بره المتحف. لكن لسه التقرير النهائى ما خلصش و هيوضح عدد التحف اللى اتنهبت. اثار تانيه كتيره مش فى المتحف اتنهبت من المخازن المتحفيه و المقابر الفرعونيه و فيه اثار اتدمرت بالكامل منها مقبرة " كن آمون " فى تل المسخوطه فى الاسماعيليه اللى دمرها الحراميه بالكامل.

شوف كمان

صور من داخل المتحف

لينكات برانيه

مصادر
  1. اسم مُستخدِم ويكيميديا: https://www.wikidata.org/wiki/Special:CentralAuth?target=Египатски_музеј_у_Каиру
  2. اسم مُستخدِم ويكيميديا: https://www.wikidata.org/wiki/Special:CentralAuth?target=Египатски_музеј_у_Каиру — العنوان : ROR Data — الاصدار v1.19 — https://dx.doi.org/10.5281/ZENODO.7644942
 متحف الاثار المصريه على مواقع التواصل الاجتماعى
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.