لور دكاش
لور جورج دكاش مطربة وممثلة مارونية لبنانية مصرية، اتولدت فى بيروت يوم 24 مارس 1917. اتوفت فى القاهرة 12 اكتوبر 2005 عن 88 سنة. هيه بنت تاجر منسوجات و قماشات لبناني غني اسمه جورج دكاش. اشتهرت سنة 1939 بأغنيتها امنت بالله اللى لحنها فريد غصن. درست الموسيقى على ايد عازف العود بترو طراو و الملحن سليم الحلو. اتاثرت بالترانيم الكنسية. اشتغلت فى الراديو المصري من سنة 1945. اتميزت بالعزف على العود و تلحين الاغاني. قدمت عشرات الاغاني من كل قوالب الغنا، زى الدور و الموشح و القصيدة و الطقطوقة و المنولوج و الموال. كانت نجمة دايمة فى حفلات الراديو المصري من نُص الأربعينات فى سينما قصر النيل و ريڤولي و راديو وفي الباخرة سودان. استقرت فى مصر لغاية موتها. ليها فى الراديو المصري أكتر من 500 اغنية. اتجوزت مرتين: الأولانية من لبناني و مستمرتش طويل، و التانية من المهندس المصري سليمان الامير و خدت الجنسية المصرية من جوازها منه و إبنها الوحيد مات فى حوادث لبنان[عايز توضيح]. كانت بترتل فى رتبة خميس الأسرار ايام الحد جوّا كنيسة مار مارون للرهبنة المريمية المارونية فى مصر الجديدة فى القاهرة. اتشيع جثمانها من الكنيسة المارونية فى القاهرة.
| ||||
|---|---|---|---|---|
| معلومات شخصيه | ||||
| تاريخ الميلاد | 24 مارس 1917 | |||
| تاريخ الوفاة | 12 اكتوبر 2005 (88 سنة) | |||
| مواطنه |  | |||
| الحياه العمليه | ||||
| المهنه | ممثله | |||
| المهنه | ممثله | |||
اشهر أغانيها
- امنت بالله نور جمالك آية من الله - للشاعر التونسي مصطفى خريف، الحان اللبناني فريد غصن
- لا مستحيل
- أنا طبعي كده
- أنا قلت لك الحب نعيم
- مستحيل تقدر تنسيني الليالي
- اول نظرة
- ليل الأشواق لايليا ابو ماضى
- كل اللى شافوكي لصالح جودت
- قطتي الغضبى لنزار قبانى
- يا روح سعد قد سكنت قلوبنا غنتها لسعد زغلول
افلامها
- الموسيقار
- يا تحب يا تقب سنة 1994 وغنت فيه امنت بالله
اوپريت
الرجل السعيد
تكريمها
اتكرمت فى مهرجان لندرو فيرتيه الفرنساوي.
