لبنان

لبنان (فرنساوى: Liban; رسمى: الجمهوريه اللبنانيه, فرنساوى: République libanaise) دولة صغيرة من دول البحر المتوسط و هى ليها حدود مع سوريا فى الشمال و الشرق و اما من ناحية الجنوب فليها حدود مع اسرائيل واستقلت عن فرنسا سنة 1943. لبنان مساحتها 10,452 كيلو متر مربع و عدد سكانها بيزيد شوية عن اربعة مليون.من بعد الاستقلال و لحد الحرب الاهليه (1975-1990) و لبنان كانت مثال للحرية و التعددية فى الشرق الاوسط و كانت مشهورة باسم سويسرا الشرق بسبب و السلام و الرخاء و الغنى النسبى اللى كان سكانها عايشين فيه. عاصمتها بيروت و من مدنها المهمه صيدا و صور. مع مصر بتعتبر لبنان من المراكز الثقافيه و الحضاريه النادره فى منطقة الشرق الاوسط. من لبنان خرج عدد كبير من الكتاب و الفنانين لهم وزن من امثال جبران خليل جبران و ايليا ابو ماضى و جرجى زيدان و مى زياده و غيرهم ، و كان للبنانيين عطاء كبير فى نشر الاداب و الفنون الحديثه فى اواخر القرن 19 و بدايات القرن العشرين و بالذات فى مصر وفيها النهارده حركة نشر و ترجمه نشاط.

 لبنان
(بالفرنساوى: République libanaise)[1] 
 
لبنان
لبنان
علم
لبنان
لبنان
شعار
 
الشعار الوطنى
(بالانجليزى: Lebanon Passion for Living) 
النشيد :نشيد لبنان الوطنى  
الاسم الاصلى (بالعربى: الجمهورية اللبنانية) 
رمز يونيكود 🇱🇧 
الارض و السكان
إحداثيات 33°50′00″N 35°46′00″E  [2]
القاره اسيا  
مسطحات مائيه قريبه البحر المتوسط  
اعلى قمه جبل القرنه السوداء  
اخفض نقطه
المساحه
عاصمه بيروت  
اللغه رسميه عربى [3]،  ولغه فرنساوى  
التعداد السكانى
متوسط العمر
الحكم
رئيس لبنان   نجيب ميقاتى  
رئيس وزرا لبنان   حسان دياب (21 يناير 2020–) 
التأسيس و السياده
التاريخ
تاريخ التأسيس 22 نوفمبر 1943 
معامل جينى
الرقم
مؤشر التنميه البشريه
المؤشر
معدل البطاله
اقتصاد
معدل الضريبه القيمه المضافه
السن القانونيه
بيانات تانيه
العمله ليره لبنانيه  
دومين اعلى مستوى .lb  
أرقام التعريف البحريه 450 
ايزو 3166-1 الفا-2 LB 
رمز التيليفون الدولى +961 
علم لبنان
موقع لبنان على الخريطه

تاريخ لبنان و انفتاحها على العالم و اتصالها بأوروبا عبر الزمن ادوها ميزه حضاريه و مرونه فى التعامل مع الثقافات و ده انعكس بطريقه ايجابيه على شعبها اللى اتعرف بالتمدن و الحداثه و التجاوب مع متغيرات العصر و التوليرانسيه و القدره على هضم الافكار الجديده و عشان كده رغم صغر حجم لبنان الجغرافى لكن اثرها كان كبير فى حركة النهضه و التطور اللى شافتها منطقة الشرق الأوسط من بدايات القرن العشرين و لعب اللبنانيين دور ضخم فى تأسيس و تطوير الصحافه و الكتابه و الادب و المسرح فى مصر. لكن فى الظروف الكاحله اللى حصلت مع التطورات السياسيه و العسكريه حوالين لبنان و جواها فى التلت الاخير من القرن العشرين فانفتاح لبنان و تسامحها وسط منطقه متخلفه بينتشر فيها العنف كان خرم استغلته عناصر من بره و جوه فدخلت لبنان فى مشاكل كتيره و معقده كان افظعها الحرب الاهليه اللى اندلعت فى 1975.

اصل الاسم

اسم لبنان متاخد من الجدر السامى ( الكنعانى ) ل ب ن و اللى معناه ابيض و دا فى احتمال كبير يكون اشارة للتلج اللى بيغطي جبل لبنان فى الشتا. الاسم دا مذكور فى العهد القديم و كمان فى ملحمة جلجاميش ( سنة 2900 ق ع ح )و فى نصوص اثرية تانية.

التاريخ
معبد المسله فى بيلوس

لبنان ليها تاريخ قديم ممكن عمره اكتر من سبع-ت-الاف سنة و العلما بيعتقدو ان مدينة بيبلوس (جبيل) اللبنانيه هى اقدم مدينه فى العالم لسه مسكونة لحد دلوقتى. اللبنانيين شعب عريق بترجع جذورهم للفنيقيين لكن لبنان اتعربت بعد ماستولى عليها العرب. فى العصور الوسطى المدن اللبنانيه زى بيروت و صور كانت من أهم موانى مملكة بيت المقدس لغاية ماطرد الأشرف خليل سلطان مصر الصليبيين من ساحل الشام ( 1290-1291 ).

العلاقات الثقافيه اللبنانيه المصريه
  • العلاقات الثقافيه مع لبنان علاقات قديمه و مهمه و ده اللى أكده السفير اللبناني فى مصر و ده لما حضر مؤتمر مصر فى عيون اللبنانيين و اللى كان ضمن البرنامج الثقافي الدولي مصر فى عيون العالم , و حضره برضو كتير من الفنانين اللبنانيين و منهم مادلين طبر و اللى بتحضر المؤتمر بدعوه من السفاره اللبنانيه على اعتبار انها وجه اعلامي و سينمائي و بتجمع بين المعرفه بالمجتمعين ( زى ما أكد السفير اللبناني فى تصريحاته , و كان المؤتمر بحضور احمد غانم مؤسس مصر فى عيون العالم [4]) .

السكان

لبنان فيها 17 دين و طايفة رسمية بتعترف بيهم الدولة. و من سنة 1932، و بسبب الحساسية الشديدة لموضوع الدين، ف مافيش اى احصاء رسمي لانتماءات السكان الدينية . بيذكر موقع السي اى اية ان حوالي 59.7% من سكان لبنان مسلمبن (سنة و شيعة و دروز و علويين و اسماعيليين) و حوالي 39% من المسيحيين (موارنة و روم ارثودوكس و روم كاتوليك و ارمن و بروتوستانت و اقباط).

و بالاضافة لل 4 مليون لبناني اللى عايشين جوا لبنان ف فيه حوالي 18 مليون لبناني مهاجرين ل دول زي السعودية و فرنسا و اوستراليا و برازيل و امريكا

اللغه اللبنانى

العربى هو اللغه الرسميه المفروضه بالدستور. الفرنساوي بردو لغه رسميه فى لبنان مع العربى و بتعتبر رسميه و بتستخدم على البنكنوت (مع العربى) و على المباني الرسميه و ورق البوسته. الفرنساوى مستخدم بشكل واسع ، خصوصا فى الاغراض الاداريه و بيتدرس فى مدارس كتيره كلغه اولى مع العربي. واللبنانيين بيتكلموا انجليزي وفرنساوي كويس زائد لغتهم اللبنانى. فى الستينات حاول عالم اللغات اللبنانى سعيد عقل يكتب اللبنانى بحروف لاتينى عددها (37) بس الحكومة اللبنانيه رفضت الفكره بشدة بسبب الضغط اللى مارسوه عرب جامعة الدول العربيه. فيه مجموعة من العلما من جامعة موسكو و جامعة القاهره اتوصلو فى دراسه ان 45 % من الكلمات اللبنانى ماهياش عربى.[5][6]

لينكات خارجيه

بوابة لبنان

دول البحر المتوسط
دول افريقيا:  مصر  ●   ليبيا  ●   تونس  ●   الجزاير  ●   المغرب
دول اوروبا: Espagne اسپانيا  ●   اليونان  ●   البانيا  ●   مونتينيجرو  ●   البوسنه و الهرسك  ●   كرواتيا  ●   سلوڤينيا  ●   مالطا  ●   ايطاليا  ●   موناكو  ●   فرنسا
دول آسيا:  قبرص  ●   توركيا  ●   اسرائيل  ●   فلسطين  ●   سوريا  ●   لبنان

مصادر
  1. موجز تاريخ لبنان Archived 2014-10-06 at the Wayback Machine، تعرف على لبنان تاريخه
  1. http://cnig.gouv.fr/wp-content/uploads/2020/02/CNT-PVM_r%C3%A9vis%C3%A9_2020-01-27-1.pdf
  2.   {{cite web}}: Empty citation (help)
  3. الباب: 11
    1. * خبر منقول عن وكالة أنباء الشرق الأوسط و منشور فى البوابة نيوز حول احدي فاعليات البرنامج الثقافي مصر فى عيون العالم .
  5. معهد اللغه اللبنانى, بيدرس اللغه المحكيه اللبنانيه
  6. سايت "فينيقيا" تاريخ اللغه المحكيه اللبنانيه
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.