كمال الملاخ

كمال وليم يونان الملاخ ( اسيوط، 26 اكتوبر 1918 او 1920 - القاهره ، 29 اكتوبر 1987 ) كاتب و صحفي وعالم اثار واديب مصرى ومؤسس مهرجانات السينما. اسس الجمعيه المصريه لكتاب ونقاد السينما فى سنه 1973.واسس برضه مهرجانات القاهره و الاسكندريه السينمائيه . كمان اسس مهرجان مجاويش السينمائي بالبحر الاحمر, ومهرجان أسوان السينمائي اللى استمروا لسنوات وتوقفوا قبل وفاته.

كمال الملاخ
 

معلومات شخصيه
الميلاد 26 اكتوبر 1918 [1] 


مصر  

تاريخ الوفاة 29 اكتوبر 1987 (69 سنة)[1] 
مواطنه
مصر  
الحياه العمليه
المدرسه الام جامعة القاهره  
المهنه صحفى  
اللغه الام عربى  
اللغات المحكيه او المكتوبه عربى  
كمال الملاخ
كمال الملاخ
كمال الملاخ وزاهى حواس

اتولد كمال الملاخ فى اسيوط سنة 1918 و فيه روايه تانيه بتقول انه اتولد سنة 1920. بعد ما خلص تعليمه المدرسى دخل كلية الفنون الجميله فى جامعة القاهره قسم عماره و اخد البكالريوس سنة 1943 و بعدين دخل معهد الدراسات العليا للآثار فى كلية الاداب جامعة القاهرة و اخد ماجستير فى اللغه المصريه القديمه و الاثار سنة 1948.

بدأ كمال الملاخ حياته الوظيفيه كمهندس معمارى و بعدين ظابط احتياط فى سلاح المهندسين و بعدها بقى مدرس فى كلية الفنون الجميله و فى معهد السينما و الجامعه الامريكيه فى القاهره. حياته الصحفيه بدأها كرسام و بعدين كناقد فنى فى جورنال الاهرام سنة 1950. اشتغل كمان استاذ زائر فى كلية الاثار فى جامعة القاهره، و فى كلية الفنون الجميله و فى المعهد العالى للسينما.

شارك فى ترميم تمثال ابو الهول و الاهرامات ، و كان عضو فى الجمعيه الجغرافيه العالميه فى امريكا اللى اختارته عضو فخرى فيها ، و كان كمان عضو فى المجلس الاعلى لهيئة الاثار و فى مجلس تحرير جورنال الاهرام ، و اختارته وزارة الثقافه عشان يمثل مصر فى افتتاح معرض توت عنخ امون فى لندن فى سبعينات القرن العشرين.

كمال الملاخ نال تكريم كبير فى مصر و بره مصر. فى مصر حصل على جايزة الدوله التشجيعيه فى الاداب سنة 1970 و جايزة الدوله التقديريه سنة 1982، و كرمته ايطاليا بوسام الثقافه و لبنان ادته وسام الأرز بدرجة فارس.


مراكب الشمس

دخل كمال الملاخ التاريخ بإكتشافه مراكب الشمس فى 26 مايو سنة 1954 و ده كان اكتشاف فريد لأثر من اثار الملك خوفو صاحب الهرم الكبير ، وبتتعرض دلوقتى بمتحف ملحق بمنطقة اهرامات الجيزة. مراكب الشمس اتلاقت فى حفرتين جنب هرم خوفو و كمال الملاخ اشرف على ترتيبها و ترقيمها و تركيبها و فى الاخر قدرت الدنيا تشوف مراكب الشمس كان شكلها ايه من 5000 سنه. كمال الملاخ كان وقتها مدير اعمال الاثار و رئيس قسم الهندسه فى هيئة الاثار المصريه.

الصحافه

اشتغل كمال الملاخ فى جورنال الاخبار (جورنال) وكان ريس القسم الفني لدار اخبار اليوم (جورنال) وكان بيرسم يوميات 'الأخبار' و 'اخر ساعة' و'أخبار اليوم' و'الجيل الجديد' وكان برضه بيرسم مقالات توفيق الحكيم ومحمد التابعى وعباس العقاد وسلامه موسى وكامل الشناوى ومحمد حسنين هيكل.

وبعد مااستقال فى صيف 1957 من مصلحة الاثار ومن جرنال الأخبار راح واشتغل فى جورنال الاهرام و بقى نايب رئيس التحرير لغاية ما اتحال ع المعاش لكن فضل يحرر الصفحه الفنيه الاخيره المشهوره من الاهرام لاخر يوم فى حياته .

كتبه

الف كمال الملاخ 32 كتاب منها:

  • اغاخان
  • خمسون سنة من الفن
  • حكايات صيف
  • صالون من ورق

جوايز

  • وسام الدولة المصريه لاكتشافه مراكب الشمس ( عهد جمال عبد الناصر ).
  • جايزة الدولة التشجيعية فى ادب الرحلات سنة 1970 ( عهد انور السادات ).
  • جايزة الدوله التقديريه سنة 1982 ( عهد حسنى مبارك ).
  • وسام الثقافه من الحكومه الايطاليه.
  • وسام الأرز بدرجة فارس من لبنان.

لينكات خارجيه

  1. مُعرِّف المكتبة الوطنيَّة الفرنسيَّة (BnF): https://catalogue.bnf.fr/ark:/12148/cb11914128p — باسم: Kamāl al- Mallāẖ — المؤلف: مكتبة فرنسا الوطنية — العنوان : اوپن ڈیٹا پلیٹ فارم — الرخصة: رخصة حرة
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.