كساد كبير

العالم كان كله شغال و بيتعامل بنظريات ادم سميث و غيره من الاقتصاديين الليبرالين, ماعدا فى روسيا كانو بيطبقوا من سنة 1917 اقتصاد شمولى متجاب من نظريات كارل ماركس و فريدريك انجلز و لينين, اللى كانت بتقوم عن تحديد السوق لكل حاجة من اول المرتابات لحد المنتج كامعمل بتكلفة و حيتباع بسعر كام و معتمدين على نظرية الايد الخفيه بتاعة ادم سميث اللى بتقول ان السوق حيضبط نفسه بنفسه بدون تدخل من اى جهة و انها ماشيا بنظام العرض و الطلب, مثلا يعنى لما الاسعار تزيد الطلب على البضايع دى حيقل و دا حيخلى الاسعار تقل غصب عنها لوحدها بعدة فترة عشان تتباع, الحكومة مكنش ليها اى دور فى الاقتصاد و متخصصة فى تلت حاجات بس اللى هما الامن و العدالة و الدفاع اللى بيتسموا الحاجات العامة (Public needs/collective needs) و دى بتبقى حاجات كل المواطنين فى البلد محتاجينها بغض النظر عن امكانياتهم الماديه. النظرية دى كانت ماشيه تمام اوى لحد سنة 1931 لما حصل الكساد الكبير و نظرية الايد الخافيه فشلت خالص انها تحل الازمة المالية اللى ضربت العالم كله و شردت ملاين عشان مفيش بيع ولا شرا ولا فى انتاج اى حاجة و خلت ناس كتير تبص لنظريات كارل ماركس و الاقتصاد الشيوعى كحل للازمة.

كينز كان شايف ان الحكومة لازم يبقى ليها دور فى الاقتصاد, محددش الدور اد ايه, بس لازم تعمل حاجة عشان تساعد الاقتصاد فى البلد, يعنى مثلا تشترى المنتاجات من المصانع فكدا المصانع حتجيب ارباح و العمال حيلاقوا شغل و ياخدوا مرتابات و بكدا حل مشكلة بطالة و ممكن الحكومة تتصرف فى المنتاجات اللى اشتراتها فى المصانع انها تبيعها للناس بسعر يقدروا عليه فى وسط الازمة الماليه, و بكدا يكون خلى فى عرض و طلب, لحد ما الامور ترجع طبيعى تانى. كينز كمان طالب ان لازم يكون فى وجود للقطاع العام و بيبقى جنب القطاع الخاص و يبقوا الاتنين سوا يطوروا و يحسنوا اقتصاد البلد, و اللى ميقدرش القطاع الخاص و المستثمرين يعملوه القطاع العام و الحكومه تعمله و كده. اهم حاجة ان الحكومة تبقى عارفه هى بتعمل ايه و كله يبقى لمصلحة البلد. كينز قدر يطلع العالم من الكساد الكبير و طور و غير الاقتصاد للابد. فى ناس بترفض نظريات كينز الاقتصاديه, زى مجموعات من الراسمالين اللى بيرفضوا اى وجدود للقطاع العام و الحكومه فى الاقتصاد و الشيوعيين اللى بيرفضوا اى وجود للراسمالين و القطاع الخاص و ان كله لازم يبقى قطاع سنة و الحكومة لازم تشتغل فى الاقتصاد. نظرية كينز فى النص ما بين الاقتصاد الراسمالى المطلق و الاقتصاد الشيوعى. بعد الازمة الماليه فى 2008 فى دول كتير ابتدت ترجع تطبق نظريات كينز بعد ما كانو ماشين بنظام اقتصاد السوق الحر.

الحرب العالميه الاولى سببت مشاكل كتير. الكساد الكبير زود المشاكل اكتر و سبب تضخم اقتصادى كبير و بطاله.

المبدأ الحافز لانشاء صندوق النقد الدولى سنة 1945 كان علشان تجنب تكرار الكساد الكبير تحقيق النمو الاقتصادى بعد الحرب العالميه التانيه .

• الكساد الكبير – صور وتسجيلات صوتيه و مرئيه على ويكيميديا كومونز
• الكساد الكبير على موقع كيورا - Quora
• الكساد الكبير معرف مخطط فريبيس للمعارف الحره
• الكساد الكبير معرف المكتبه الوطنيه الفرنسيه (BnF)
• الكساد الكبير معرف مايكروسوفت اكاديمك
• الكساد الكبير معرف مايكروسوفت اكاديمك
• الكساد الكبير معرف مكتبه الكونجرس (LCAuth)
• الكساد الكبير معرف ملف استنادى متكامل