كريم عامر
عبد الكريم نبيل سليمان عامر, معرف بـ”كريم عامر“ (إتولد 1984) هو بلوجر مصرى و كان طالب حقوق. السلطات المصريه قبضت عليه بسبب الپوستات اللى ع البلوج بتاعه اللى إعتبروها ضد الدين و بتهين رئيس الجمهوريه. فى 22 فبراير, 2007, فى اسكندريه, مكان سكنه, كريم إتحكم عليه بتلات سنين سجن بتهمة إهانة الاسلام و التحريض ع الفتنه و سنه كمان بتهمة إهانة الريس المصرى وقتها حسنى مبارك.[1]
| ||||
---|---|---|---|---|
![]() | ||||
معلومات شخصيه | ||||
الميلاد | 17 يونيه 1984 (39 سنة) | |||
مواطنه | ![]() | |||
الحياه العمليه | ||||
المدرسه الام | جامعة الازهر | |||
المهنه | كاتب ، وصحفى | |||
اللغه الام | اللغه المصريه الحديثه | |||
اللغات المحكيه او المكتوبه | عربى ، واللغه المصريه الحديثه | |||
اول مره يتقبض عليه
السلطات المصريه قبضت علي كريم عامر بعد ما نشر شوية پوستات على البلوج بتنقد بشده دور الإسلامويين فى المظاهرات الطائفيه فى اسكندريه فى 2005, بسبب مسرحيه إتمثلت فى كنيسة اسكندريه المصريه الارتودوكسيه,[2] و رد الفعل العنيف بتاع الاسلامويين اللى اعتبرو ان المسرحيه كان فيها اهانه للاسلام.[3]
طرده من الازهر
على اول 2006, كريم إتطرد من جامعة الازهر فرع دمنهور, عشان نقد شوية موجّهين مواليين للنظام فى الجامعه اللى اعتبره نظام فاسد و كتب فى البلوج بتاعه ان ”الدكاتره و الشيوخ فى الازهر اللى ... بيقفو ضد اى حد بيفكر بحرّيه“ هتبقى ”نهايتهم فى مزبلة التاريخ“. هو بردو نشر كتابات بتدعى للعلمانيه و حقوق الستات.
كريم قال على الجامعه انها ”الجامعة بتاعة الإرهاب“ و قال ان المؤسسه بتخنق الفكر الحر.[1]
إداريين الجامعه كمان قدمو بلاغ رسمى لمكتب المدعى العام ضد كريم اتهموه فيه بإنه ”بينشر إشاعات بتهدد الأمن العام“ و ”بيهين رئيس الجمهوريه“.
نهاية فترة العقاب
كريم عامر كان المفروض يطلع من السجن يوم 5 نوفمبر بعد ما خلصت فترة حبسه, لكن فيه ظابط امن دوله إحتجزه بشكل مش قانونى و إعتدى عليه بالضرب و التعذيب فى قسم الفراعنه فى اسكندريه.[4] جمال عيد مدير الشبكه العربيه لمعلومات حقوق الانسان علق على الحدث بإن:
” | الممارسات الساديه ضد مسجون مش مسلّح, هى اللى بتخلق جو الكره ضد البوليس عامة و ظباط مباحث امن الدوله بالذات و ان كريم عامر قضى فعلا سنين العقاب الاربعه كاملين و بقى واجب إنه يفرج عنه. فليه بيعتدو عليه بالضرب و بيحتجزوه بشكل مش قانونى؟ [...] وزير الداخليه لازم يعرف دلوقتى مين اللى بيسوأ سمعة وزارته. هما الظباط بتوعه اللى بيتعدو على مسجون مش مسلّح جه وقت الافراج عنه, ولا مين اللى حيعرف عن الجرايم اللى حصلت فعلا؟ | “ |
حاجات مهمة
- "Egypt blogger jailed for 'insult'". w:en:BBC News. 2007-02-22. Retrieved 2007-02-27.
- The play itself was performed in 2003, but only became an issue in 2005 when DVDs of the performance began to circulate in Alexandria.
- Moger, R. and J. Ehab. (2005). "All over a play: Sectarian riots leave three dead and more than 100 injured" Archived 2011-07-08 at the Wayback Machine. Cairo Magazine. Retrieved November 15, 2006.
- Freedom House: Blogger Illegally Detained and Beaten in Egypt Archived 2010-11-20 at the Wayback Machine
- الشبكه العربيه لمعلومات حقوق الإنسان: (إنجليزى) - (عربى) قبل ما يفرج عن كريم عامر و بعد ما قضى 4 سنين فى السجن, ظابط أمن دوله بيعتدى عليه و بيحبسه بشكل مش قانونى. (10 نوفمبر, 2010)
- مصراوى: استنكار حقوقي لاعتداء الأمن على البلوجر كريم عامر Archived 2010-11-13 at the Wayback Machine