كابو فيردا

كابو ڤيردا Cabo Verde ، الراس الخضرا ، ( بالعربى: الرأس الاخضر ، بالانجليزى كاب فيردى Cape Verde ). جمهورية كابو فيردا República de Cabo Verde هى دوله افريقيه عباره عن أرخبيل بتتكون منه مجموعة جزر فى شرق المحيط الاطلنطى ، قدام ساحل افريقيا الغربى قدام موريتانيا و السينيجال. كابو ڤيردا مساحتها حوالى 4،000 كيلومترا مربع (1،500 ميل مربع) , عدد السكان حوالى 500،000 . عاصمة كابو ڤيردا هى مدينة برايا Praia. اللغه الرسميه برتغالى. عملتها: اسكودو كابو فيردى Escudo do Cabo Verde ، رئيسها الحالى هو بيدرو بيريس Pedro Pires . ديانة معظم السكان: مسيحيه كاتوليكيه. الاقتصاد بيعتمد على السياحه و صيد الأسماك و تصدير الملح الطبيعى. فى سنة 2010 زار الجزر حوالى 380.000 سايح. فيه اعداد كبيره من الكابوفيرديين عايشين فى البرتغال و اعداد من البرتغاليين عايشين فى كابو فيردا بسبب الارتباط التاريخى بين البلدين ان كابو فيردا كانت زمان مستعمره برتغاليه ، و غير البرتغاليين فيه كمان اوروبيين بيعيشو فى الجزر و بالذات الطليانه اللى بيتركزو فى جزيرة بوا فيستا بسبب امتلاكهم اعداد من الاوتيلات و الرستورانات. معدل الجريمه فى كابو فيردا منخفض الجزر مافيهاش حيوانات خطره زى الوحوش و التعابين لكن فيها طيور و حشرات و حيوانات أليفه و نسانيس ( فى شمال جزيرة سانتياجو ) ، ومافيهاش امراض وبائيه مستوطنه لكن حالات حمى الدينجو بتظهر ساعات فى المناطق الغابيه بسبب الناموس لكن فى العاده مابتمثلش وباء ضخم لدرجه تهدد السياحه و نادر ظهورها فى الجزر اللى مافيهاش غابات زى جزر سال او بوا فيستا.

كابو فيردا
(بالپورتوجالى: República de Cabo Verde)
كابو فيردا علم	كابو فيردا شعار
الشعار الوطنى (بالپورتوجالى: Paz, Trabalho, Pátria)،  و(بالألمانى: Friede, Arbeit, Vaterland)،  و(بالانجليزى: No stress)
النشيد :
الاسم الاصلى	(بالپورتوجالى: República de Cabo Verde)
رمز يونيكود	🇨🇻
الارض و السكان
إحداثيات	15°55′00″N 24°05′00″W  [1]
القاره	افريقيا
مسطحات مائيه قريبه	المحيط الاطلنطى
اعلى قمه	جبل پيكو دو فوجو
اخفض نقطه
المساحه
عاصمه	برايا
اللغه رسميه	لغه بورتوجالى
التعداد السكانى
متوسط العمر
الحكم
أعلى منصب	خوسيه ماريا نيفيس (9 نوفمبر 2021–)
التأسيس و السياده
	التاريخ
تاريخ التأسيس	5 يوليه 1975
معامل جينى
الرقم
مؤشر التنميه البشريه
المؤشر
اقتصاد
معدل الضريبه القيمه المضافه
معدل معرفة القراءه و الكتابه
بيانات تانيه
العمله	ايسكودو جزر الراس الاخضر
دومين اعلى مستوى	.cv
أرقام التعريف البحريه	617
الموقع الرسمى	الموقع الرسمى
ايزو 3166-1 الفا-2	CV
رمز التيليفون الدولى	+238

العلم و الشعار بتوع كابو ڤيردا

مكان كابو ڤيردا عـلى الخريطه

جزر كابو ڤيردا

اهم جزرها : سانتياجو Santiago اللى فيها العاصمه برايا ، و جزيرة سال Sal اللى بتعتبر اهم جزر كابو فيردا السياحيه بسبب بلاچاتها الجميله و فيها اعداد كبيره من الأوتيلات. كلمة " سال " برتغاليه معناها " ملح " اللى اتسمت الجزيره على اسمه بسبب انتشار ملاحات الملح الطبيعى فيها ، و جزر برافا Brava ، و ساو فيسينتا Sao Vicente ، و بوا فيستا Boa Vista القريبه من جزيرة سال و مشهوره ببلاچاتها الصالحه للغطس و الويند سورفينج ، و مايو Maio ، و ساونيكولاو Sao Nicolau ، و سانتو انتاو Santo Antao اللى جنب جزيرة ساو فيسينتا و فيها مناظر طبيعيه خلابه ، و فوجو Fogo اللى من معالمها بركان قمته بيكو دو فوجو Pico do Fogo هى اعلى قمه فى الأرخبيل. كابو فيردا عندها شركة طيران اسمها TACV- Cabo Verde Airlines بتربطها باوروبا و افريقيا عن طريق مطارين دوليين واحد فى جزيرة سال ( مطار اميلكار كابرال الدولى Amílcar Cabral International Airport ) و التانى مطار احدث فى جزيرة برايا ( مطار برايا الدولى Praia International Airport ) ، غير المطارين دول فيه مطارات صغيره فى غالبية الجزر بتستخدم فى النقل الداخلى و النقل الدولى ، و فيه باخره ركاب كبيره بتنقل المسافرين و السياح يوماتى مابين جزيرة ساو فيسينتا و سانتو انتاو القريبين من بعض.