قنسطنطين الاول

قسطنين الاول المعروف باسم قسطنطين العظيم و القديس قسطنطين (باللاتيني : Flavius Valerius Aurelius Constantinus Augustus) هو امبراطور روماني حكم من سنة 306 لحد سنة 337. قسطنطين هو ابن قسطنطيوس كولوروس ظابط فى الجيش الروماني من صاحبته هيلانه . ابو قسطنين اترقى لرتبة امبراطور معاون "قيصر" فى حكم الجزء الغربي من الامبراطوريه سنت 293. بس قسطنين اتبعت ضمن وحده عسكريه للجزء الشرقي و وصل لرتبة قائد ايام حكم دقلديانوس و ماكسيميان . و سنت 305 اترقا لرتبت امبراطور كامل "اغسطس" هو و تلاته قاده تانيين هاينازعوه على الحكم بعد كده . قسطنطين راح للغرب لمساعدت ابوه فى حملته ضد تمرد كاروسيوس فى بريطانيا . بعد وفات ابوه فى نهايت المعارك الجيش اعلن قسطنين وريث لعرش ابوه سنت 306. بعدها قسطنين دخل فى سلسله من الحروب الاهليه ضد القياصره التانيين اللى كانوا بينازعوه على الحكم و هما لايكنيوس و ماكسمينوس و سفيروس بالإضافه لـمكسينتوس ابن الامبراطور السابق ماكسيميان اللى حاول يقود تمرد و يعلن نفسو امبراطور . الحروب دي انتهت بانتصار كاسح لقسطنطين اللى بقا الامبراطور الاوحد على عرش الامبراطوريه الرومانيه بالنصين الشرقي و الغربي سنت 324.

 قنسطنطين الاول
(باللاتينى: Flavius Valerius Aurelius Constantinus) 
 
معلومات شخصيه
اسم الولاده (باللاتينى: Flavius Constantinus) 
الميلاد 27 فبراير 274 [1] 


نيش [2] 

الوفاة 22 مايو 337 (63 سنة) 
مكان الدفن كنيسه الرسل المقدسه  
مواطنه روما القديمه  
رتبة التقديس قديس  
يوم العيد 21 مايو
6 ابريل  
الزوجة ماريوس فوسطا  
ابناء قنسطنطينا ،  وقنسطنس [3]،  وقسطنطين التانى [4]،  وقنسطانطيوس التانى [3] 
الاب قسطنطيوس كولوروس [2][5] 
الام القديسه هيلانه [2][6] 
اخوه و اخوات
معلومات أخرى
المهنه سياسى ،  وعسكرى  
اللغات المحكيه او المكتوبه لاتينى [7] 
 قسطنطين الاول
الإمبراطورالـ57 فى الامبراطورية الرومانية
(باللاتينى: Flavius Valerius Aurelius Constantinus) 
تمثال راس قسطنطين العظيم فى متاحف كابيتوليني. الراس مصنوعه من الحجر و كانت جزء من تمثال كامل مصنوع من البرونز .[8]
الإمبراطورالـ57 فى الامبراطورية الرومانية
الفترة 25 يوليه 306  – 29 اكتوبر 329 [notes 1]
29 اكتوبر 312  – 19 سبتمبر 234 [notes 2]
19 سبتمبر 324  – 22 May 337[notes 3]
(&0000000000000030.00000030 سنه, &0000000000000301.000000301 يوم)
مرافق مينرفينا, ماتت او اطلقت سنت 307
فاوستا
معلومات شخصيه
اسم الولاده (باللاتينى: Flavius Constantinus) 
الاسم الكامل Flavius Valerius Aurelius Constantinus Augustus
الميلاد 27 فبراير 272


نايسس, مويزيا

الوفاة 22 مايو 337(337-05-22) (العمر 65)


نيقوميديا

مكان الدفن كنيسه الرسل المقدسه  
مواطنه روما القديمه  
رتبة التقديس قديس  
يوم العيد 21 مايو
6 ابريل  
الزوجة ماريوس فوسطا  
ابناء قنسطنطينا ،  وقنسطنس [3]،  وقسطنطين التانى [4]،  وقنسطانطيوس التانى [3] 
الاب قسطنيطيوس كولوروس
الام هيلانه
اخوه و اخوات
نسل قسطنطينا
هيلانه
كريبوس
قسطنطين التاني
قسطنطيوس التاني
قنسطنس
سلالة الاسرة القسطنطينية
معلومات أخرى
المهنه سياسى ،  وعسكرى  
اللغات المحكيه او المكتوبه لاتينى [7] 

بعد وصوله للكرسي الامبراطوري , قسطنطين قام بعدد كبير من الاصلاحات الاداريه و الاقتصاديه و الاجتماعيه و العسكريه اللى اسهمت بشكل كبير فى تقويت الامبراطوريه و فصل الجيش عن الحياه السياسيه. كمان قام بإصدار عمله جديده اسمها سوليدوس عشان يقضي ع التضخم الاقتصادي , العمله دي فضلت العمله الرسميه للامبراطوريه البيزنطيه و كتير من دول اوروبا بعد قسنطين بأكتر من الف سنه . قسطنين كان اول امبراطور روماني يتحول للمسيحيه و كان له دور مهم فى اصدار مرسوم ميلانو اللى كفل حريت العقيده و العباده فى كل انحاء الامبراطوريه . و كان هو الداعي لعقد مجمع نيقيا سنت 325 للاتفاق على الملامح الاساسيه للعقيده المسيحيه بشكلها الحالي . و من الناحيه العسكريه , قسطنطين اعاد تنظيم الجيش الروماني و قسمه لوحدات ثابته مهمتها تامين الحدود و الحصون المهمه و وحدات تانيه ميدانيه مهمتها الحروب المفتوحه , و دي كانت فكره جديده على وقته . القسمين بتوع الجيش كانوا خاضعين لقياده عسكريه موحده على عكس القيادات المتفرقه اللى كانت موجوده قبل كده , و ده ساعده انه يعمل حاميات قويه تقدر تصد هجمات برابرة الشمال و فى نفس الوقت يقوم بحملات ضخمه يقضي بيها على تهديدات القبايل الفرانكيه و الآلامانيه و القوطيه و قدر يضم مناطق للامبراطوريه كان الاباطره اللى قبليه خسروها سواء فى الحروب او فى المعاهدات.

عصر قسطنطين شهد انجازات كبيره و مهمه , من ضمنها انه بنى عاصمه جديده للامبراطوريه فى بيزانتيوم و سماها روما الجديده اللى بعد كده الرومان سموها على اسمه القسطنطينيه تكريماً ليه . القسطنطينيه فضلت عاصمه للامبراطوريه البيزنطيه لأكتر من 1000 سنه بعد وفات قسطنطين . اهم تأثير لقسطنطين على الحياه السياسيه هو انه استبدل نظام الحكم الرباعي المعروف باسم tetrarchy بنظام التوريث الملكي الاسري , اللى هايكون تاسيس لنظام الحكم فى اوروبا لغايت القرن التسعتاشر . تاريخياً , الكنيسه الكاثوليكيه فى العصور الوسطى كانت بتعتبر قسطنطين رمز للفضيله , و الحكام العلمانيين اللى حكموا اوروبا بعد كده اعتبروه نموذج يحتذى بيه فى الاصطلاح الاداري الهيكلي للدوله و رمز للهيبه الامبراطوريه . بس فى عصر النهضه ابتدا المؤرخين يعيدوا النظر فى شخصيت قسطنطين بشكل نقدي من خلال وثايق تاريخيه بينت ان قسطنين كان مجرد طاغيه مههوس بالسلطه و توافرت له الظروف انه يبني الامبراطوريه على حساب اضطهاد شعوب الاقاليم اللى الامبراطوريه احتلتها , لكن التوجهات الحديثه فى دراست التاريخ بتحاول توازن بين الاراء المعجبه و الناقده لحكم قسطنطين .

نتيجه علشان قسطنطين هو اول امبراطور روماني مسيحي , فا ده بيديله اهميه خاصه فى تاريخ المسيحيه . قسطنين هو اللى بنى كنيسة القيامه فى اورشليمالقدس فى مكان دفن السيد المسيح عشان تبقى قبله للحجاج من كل انحاء العالم . وجود قسطنطين على العرش إدا سلطه دنيويه كبيره للكنيسه , و ده اللى بيخلّي الكنايس على اختلاف الطوايف المسيحيه بتعتبر قسطنطين شخصيه محوريه فى المسيحيه و بعض الطوايف بتعتبره من ضمن الرسل .

شوف كمان

مصادر
  1. المؤلف: Alexander Lovyagin — العنوان : Константин Великий — نشر في: Brockhaus and Efron Encyclopedic Dictionary. Volume XVI, 1895
  2. المؤلف: Alexander Lovyagin — العنوان : Константин Великий — نشر في: Brockhaus and Efron Encyclopedic Dictionary. Volume XVI, 1895
  3. مُعرِّف قائمة اتحاد أسماء الفنانين (ULAN): https://www.getty.edu/vow/ULANFullDisplay?find=&role=&nation=&subjectid=500115703 — تاريخ الاطلاع: 21 مايو 2021 — المخترع: معهد جيتي للبحوث — تاريخ النشر: 27 يناير 2016
  4. مُعرِّف قائمة اتحاد أسماء الفنانين (ULAN): https://www.getty.edu/vow/ULANFullDisplay?find=&role=&nation=&subjectid=500115703 — العنوان : Constantinus — نشر في: القاموس الحقيقي للآثار الكلاسيكية للوبكر
  5. العنوان : Константин Великий (Гай Флавий Валерий) — نشر في: Military Encyclopedia. Volume 13, 1913
  6. العنوان : Елена святая — نشر في: Brockhaus and Efron Encyclopedic Dictionary. Volume XIа, 1894
  7. Identifiants et Référentiels — تاريخ الاطلاع: 4 مارس 2020 — الناشر: وكالة الفهرسة للتعليم العالي
  8. Jás Elsner, Imperial Rome and Christian Triumph, 64, fig.32

ملاحظات
  1. قيصر على الجزء الغربي سنت 309 , بس اعترفوا بيه فعلياً فى الجزء الشرقي فى ابريل 310
  2. امبراطور للامبراطوريه الموحده
  3. امبراطور للامبراطوريه الموحده.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.