فلسطين

المؤرخين العرب فى القرون الوسطى اعتبرو منطقة فلسطين جزء من الشام بتسكنها قبايل و كانت متقسمه على اعمال بتديرها الدول اللى كانت بتحكم شرق البحر المتوسط زى الدوله الايوبيه و الدوله المملوكيه. منطقة فلسطين بشكلها الجغرافى الحالى عمرها ماكانت فى التاريخ بلد او دوله إلا مرتين، مره وقت مملكة بيت المقدس اللاتينيه و مره بعد تأسيس دولة اسرائيل.

عبر التاريخ شافت المنطقه دى حروب و معارك و صراعات كتيره بين امبراطوريات و ممالك و كانت ساحه مفتوحه للمعارك بين جيوش الامم, الصراعات القديمه فى عصور ماقبل الميلاد ما كانتش بسبب مقدسات و لا كان ليها ابعاد دينيه لكن كانت صراعات على السيطره على منطقة شرق البحر المتوسط. منطقة فلسطين فى حد ذاتها ما كانتش بلد و لا كان ليها اهميه كبيره بإستثناء انها ارض معارك عسكريه بتحارب الجيوش بعضها فيها، عادة بين الجيوش الاسيويه اللى رايحه على مصر و جيش مصر اللى رايح على اسيا.

تقريباً كل القوى اللى ظهرت فى الشرق الادنى سيطرت على منطقة فلسطين، زى المصريين، و الاشوريين، و البابليين، و الفرس ، و اسكندر الاكبر و خلفائه بطالمة مصر و السلوقيين ، و الرومان و البيزنطيين .[1] فى العصور الوسطى فضلت المنطقه دى تأدى دورها القديم كساحه للمعارك بين الامم وان خدت الصراعات ساعات شكل دينى و حصلت فيها معارك كبيره زى معركة حطين و معركة عين جالوت و غيرها و فضلت على الوضع ده لغاية ما قامت عليها دولة اسرائيل سنة 1948.

تحوتمس التالت فرض سيطرة مصر على منطقة فلسطين

بعد ما طرد المصريين الهكسوس من مصر حوالى سنة 1567 ق.م .[2] ، و طاردوهم و حاصروهم تلت سنين فى " شاروهين " جنب العريش فى سينا لغاية ما طردوهم بره حدود مصر الشرقيه فى منطقة فلسطين اللى بيعتقد انها كانت المكان اللى جم منه او اتجمعو فيه [3][4]، ابتدى المصريين من الزمن ده يتنبهوا لأهمية حماية مصر بره حدودها فى اسيا ، فبدأ عصر التوسع المصرى فى اسيا و ابتدت مصر تفرض سيطرتها على منطقة فلسطين و سوريا من عصر تحوتمس الاول ( 1525 - 1512 ق.م ) ، و فى عهد الملك تحوتمس التالت (1504 - 1450 ق.م ) وصل جيشها لغاية الفرات ، و اسس امبراطوريه مصريه واسعه بعد ما عدى فلسطين و خاض معركة مجيدو بنجاح حوالى سنة 1457 قبل الميلاد. الامبراطوريه المصريه كانت بتشمل مناطق فلسطين و سوريا اللى لما دخلها المصريين كانوا متقسمين سياسياً على امارات صغيره كتيره و ما كانتش فيه دوله محدده سايداها[5]

فى عهد الملك امنحوتب الرابع ( 1369 - 1354 ق.م ) انشغلت مصر بموضوع دينى-سياسى بعد ما امنحوتب عمل دين جديد و سمى نفسه اخناتون ، و ساب طيبه و راح على عاصمته الجديده اخت اتون (تل العمارنه) ، و دخل فى صراع مع كهنة امون. فى الفتره دى بدأت قوى جديده تظهر على مسرح الاحداث فى اسيا.

• فلسطين – صور وتسجيلات صوتيه و مرئيه على ويكيميديا كومونز
• فلسطين على موقع كيورا - Quora
• فلسطين معرف مخطط فريبيس للمعارف الحره
• فلسطين معرف جران منشورات الموسوعه الكتالانيه
• فلسطين معرف قاعده بيانات الضبط الوطنيه التشيكيه
• فلسطين معرف مايكروسوفت اكاديمك
• فلسطين معرف مكتبه الكونجرس (LCAuth)
• فلسطين معرف ملف استنادى دولى افتراضى (VIAF)
• فلسطين معرف ملف استنادى متكامل

• Herodotus , The Histories, Penguin Books, 1979 هيرودوت
• Sharpe, Samuel, The History of Egypt Under the Ptolemies, Edward Moxon, London 1838, Kessinger Publishing's Reprints, USA 2007, ISBN 1-4325-4859-X
• Toynbee, Arnold J. , Mankind and Mother Earth, Oxford University Press, 1976 ارنولد توينبى
• The New Encyclopædia Britannica, Macropædia, H.H. Berton Publisher,1973-1974
• The New Encyclopædia Britannica, Micropædia, H.H. Berton Publisher,1973-1974

فلسطين على مواقع التواصل الاجتماعى
فلسطين  على كورا.