فرانكيين
الفرانكس او الفرنجة (لاتينى: Franci) , هما قبايل جرمانية غربية اتحددت اول مره فى القرن التالت كمجموعة عرقية بتعيش فى شمال و شرق نهر الراين المنخفضه.
| ||||
|---|---|---|---|---|
| شعب ، ومجموعه عرقيه | ||||
ميروڤينجيين
الفرانكيين تحت حكم الملوك الميروڤينجيين , اسسو واحده من الممالك اللى حلت محل الامبراطوريه الرومانيه الغربيه من القرن الخامس الميلادى . دولة الفرانكيين الموحده سيطرت على اجزاء كبيره من اوروبا الغربيه بحلول نهايت القرن التامن. و تحت حكم الملوك الكارولينجيين الفرانك كانوا من اهم العوامل فى نشر المسيحية فى اوروبا الغربيه.
الاسم
تعاريف الفرانكيين على انهم مجموعه عرقيه مختلفه حسب وجهت نظر المؤرخين. و مش واضح اذا كان الفرانكيين كانوا بيسموا نفسهم ده من زمان او اذا كان الفرانكيين من البدايه هما مجموعة مختلفه ف الثقافه عن الشعوب اللى حواليهم. المؤرخين المسلمين فى العصور الوسطى نسبوا الصليبيين ليهم و سموهم الفرنج او الفرنجه.
تاريخ
اول مره اتعرف حاجه عن الفرانكيين فى التاريخ كان حوالى سنة 250 لما غزوا منطقة الراين بسبب ضعف الامبراطورية الرومانية .
فى القرن التامن الشرق الأوسط ، و ساحل شمال افريقيا و شبه الجزيرة الايبيرية بقو تحت الحكم الاسلامى , واحد من الاسباب المهمه اللى وقفت توسع المسلمين فى الغرب كان بسبب خسارتهم معركة تور مع الفرانكيين.