فتح الغال

الفتح الاسلامي للغال او الغزو الاسلامي للغال هوا سلسله من الحملات العسكريه اللى عملها المسلمين لفتح بلاد الغال و ما وراء جبال البرتات بعد فتح الاندلس.

 فتح الغال
جزء من الفتوحات الإسلاميه  
 
بداية 719 
نهاية 759 
الموقع الغال  
فتح الاندلس  
 

كانت بدايات الفتوح ضروره استراتيجيه لحماية المكتسبات الاسلاميه فى ايبيريا,لان قسم من نبلاء القوط - ساده الاندلس السابقين - انسحبو من استقرو فى مقاطعة سپتمانيه بجنوب الغال, فكان لازم ملاحقتهم و القضاء على نفوذهم تماما لحد يستقر الامر للاسلام و المسلمين فى الاندلس.[1]

اتوغل المسلمين بعد فتح سپتمانيه فى بلاد الغال, فسقطت قدامهم الحصون و القلاع و المدن واحدهبعد التانيه, و فتحو قسم من اقليم اقطانيه و هزمو جيوش الامرا الافرنج.

لما عرف الافرنج ان بلادهم هتسقط بايد المسلمين تماما بعدما وصلو اسوار مدينة بريش (باريس) عاصمة المملكه, اتحد الامرا تحت راية الدوق الاكبر فيهم, و اللى كان بيتولى نظاره البلاط الافرنجى, قارله مارتل (شارل مارتل), و حاربو المسلمين و قدرو يهزموهم عند مدينة طرش (تور) فى معركة «معركة بلاط الشهداء».

تابع المسلمين رغم خسارتهم فتح بعض المدن و المناطق الغاليه, فسقطت فى ايديهم مدن ابينيون ولوطون (ليون) و اوتن و رجعت كلها لايد الافرنج.[2] سنة 759م كان المسلمين خسرو سپتمانيه كمان بعدما اتحاصرت قصبة الاقليم, و هى مدينة اربونه, من الملك الافرنجى پپين القصير,[3] و اضطرت حاميتها و من سكنها من المسلمين الوافدين و الاهالى الاصليين اللى اسلمو للانسحاب للاندلس, بعد حوالى 40 سنه من دخول الاقليم فى حوزة الدوله الامويه.

لينكات برانيه

مصادر
  1. Tricolor and crescent: France and the Islamic world by William E. Watson p.1 Archived 2016-05-01 at the Wayback Machine
  2. Tricolor and crescent: France and the Islamic world by William E. Watson p.1 Archived 2016-05-01 at the Wayback Machine
  3. Tricolor and crescent: France and the Islamic world by William E. Watson p.1 Archived 2016-05-01 at the Wayback Machine
 فتح الغال على مواقع التواصل الاجتماعى
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.