فاروق حسنى

فاروق عبد العزيز حسنى ( اتولد فى اسكندريه سنة 1938 ) وزير الثقافه السابق فى مصر لغاية يناير 2011 ، و هو فى الاساس فنان تشكيلى. رأس ادارة قصر ثقافة الأنفوشى فى اسكندريه.

 فاروق حسنى
معلومات شخصيه
الميلاد سنة 1938 (العمر 84–85 سنة)[1][2] 


اسكندريه  

مواطنه
مصر  
الحياه العمليه
المدرسه الام جامعة اسكندريه  
المهنه رسام ،  وسياسى  
اللغه الام اللغه المصريه الحديثه  
اللغات المحكيه او المكتوبه عربى ،  واللغه المصريه الحديثه  

اتخرج من كلية الفنون الجميله فى اسكندريه قسم ديكور، و بيعتبر من أهم الرسامين المعاصريين فى مصر.

الانجازات

لفاروق حسنى انجازات ضخمة فى مصر من أهمها تطوير و إصلاح منطقة القاهره القديمه و شارع المعز لدين الله التاريخى اللى بيضم تراث مصر العمرانى الاسلامى و اللى كانت حالته اتدهورت جداً و مابقاش يليق بمكانة مصر التاريخيه، و اتنورت قلعة الجبل اللى مصر حكمت منها شرق وجنوب البحر المتوسط لسنين طويله، و تم تطوير متحف الفن الاسلامى و اتزود بأحدث ادوات العرض و بقى اكبر متحف للفنون الاسلاميه فى العالم ، و فى عهده افتتحت مكتبة اسكندريه الحديثه و بدا بنا المتحف المصرى الكبير اللى حايكون بعد افتتاحه اكبر متحف للأثار المصريه فى العالم، و تم افتتاح مبنى جديد لدار الكتب و الوثائق القوميه.

اليونيسكو

إترشح فاروق حسنى لمنصب مدير عام اليونسكو وخسر بسبب قوله - مع إنه متنور ومثقف وفنان - وهو فى خناقه كلاميه مع المتأسلمين فى مصر إنه حايحرق كتب بسبب عدم رضا المتطرفين عنها ودي كانت عاده من عصور الظلام ما عادتش مقبوله. فاروق حسنى قدم اعتذاره لكن بعد منافسه حاميه خسر قدام مرشحه أوروبيه هى وزيرة الخارجيه البلغاريه السابقه " ايرينا جيورجييفا بوكوفا " و هى اول ست تمسك المركز ده لأول مره فى تاريخ منظمة اليونسكو فبيعتبر فوزها مكسب إنسانى.

موقع " ويكيليكس " نشر فى نوفمبر 2010 وثيقه بينت ان امريكا كانت ضد ترشيح فاروق حسنى ، مش لإنه مصرى حيث انها طلبت من مصر ترشيح حد بداله ، لكن بسبب تصريحاته ضد اسرائيل و قوله انها دوله مالهاش ثقافه. فاروق حسنى علق بإنهم عملوا طيب انهم ما اختارهوش لانه لو كسب كانوا حايحطوله عراقيل كتيره.

انجازات فاروق حسنى الحضاريه

لينكات خارجيه

مصادر
  1. مُعرِّف قائمة اتحاد أسماء الفنانين (ULAN): https://www.getty.edu/vow/ULANFullDisplay?find=&role=&nation=&subjectid=500196978 — باسم: Farouk Hosny — تاريخ الاطلاع: 9 اكتوبر 2017 — المخترع: معهد جيتي للبحوث
  2. مُعرِّف دليل مركز مكتبة جامعة وارسو (NUKAT): https://wikidata-externalid-url.toolforge.org/?p=1207&url_prefix=http://nukat.edu.pl/aut/&id=n2015055664 — باسم: Farouk Hosny
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.