فؤاد الاول

فؤاد الاول ( القاهره، 26 مارس 1868 - القاهره، 28 ابريل 1936 ) ملك مصر و تاسع حكامها من اسرة محمد على ، ابن الخديوى اسماعيل ، اتنصب بعد اخوه السلطان حسين كامل فى 9 اكتوبر 1917 ، بعد ما اتنازل الامير كمال الدين حسين ابن السلطان حسين كامل عن حقوقه فى تولى السلطنه المصريه ، و اتلقب بملك مصر فى مارس 1922 ، و حكم لغاية وفاته. قامت فى عهدة ثورة 1919 ، و اضطر الانجليز رفع حمايتهم عن مصر بمقتضى تصريح 28 فبراير 1922 و اتعمل دستور 1923 و اتعملت فى مصر اول وزاره شعبيه برياسة سعد زغلول. حصلت فى عهده مفاوضات كتيره بين مصر و انجلترا بريطانيا بهدف تحديد العلاقات بين البلدين ( مفاوضات زغلول - مانر 1920 ، و عدلى - كرزن 1921 ، و زغلول - رامزى مكدونلد 1924 ، و ثروت - اوستن تشمبرلين 1927 ، والنحاس - هندرسن 1929 - 1930 ) ، و انتهت المفاوضات بتوقيع معاهدة 1936 اللى اعترفت فيها بريطانيا باستقلال و سيادة مصر. بعد ما اتوفى فؤاد الاول خلفه ابنه فاروق الاول.

فؤاد الاول هوه حاكم مصر رقم 458
 جلالة الملك فؤاد الاول
 
معلومات شخصيه
الميلاد 26 مارس 1868 [1][2][3][4][5][6][7] 


القاهره  

الوفاة 28 ابريل 1936 (68 سنة)[1][2][3][4][5][6][7] 


القاهره  

مكان الدفن جامع الرفاعى  
مواطنه
امبراطوريه عثمانيه (1868–1914)
السلطنه المصريه (1914–1922)
المملكه المصريه (1922–1936) 
عضو فى اكاديمية الكتابات و الاداب الجميله [8] 
الزوجة الأميرة شويكار خانم أفندى
نازلى صبرى [9] 
ابناء الامير اسماعيل بن فؤاد الاول ،  والأميره فوقيه ،  وفاروق الاول ،  والأميره فتحيه  
الاب الخديوى اسماعيل  
الام فريال كادينفندى  
اخوه و اخوات
عيله عيلة محمد على  
معلومات أخرى
المهنه عاهل [10]،  وملك [10] 
اللغات المحكيه او المكتوبه عربى [11] 
 فؤاد الاول
 
معلومات شخصيه
الميلاد 26 مارس 1868 [1][2][3][4][5][6][7] 


القاهره  

الوفاة 28 ابريل 1936 (68 سنة)[1][2][3][4][5][6][7] 


القاهره  

مكان الدفن جامع الرفاعى  
مواطنه
امبراطوريه عثمانيه (1868–1914)
السلطنه المصريه (1914–1922)
المملكه المصريه (1922–1936) 
عضو فى اكاديمية الكتابات و الاداب الجميله [8] 
الزوج/الزوجه الأميرة شويكار خانم أفندى
نازلى صبرى [9] 
ابناء الامير اسماعيل بن فؤاد الاول ،  والأميره فوقيه ،  وفاروق الاول ،  والأميره فتحيه  
الاب الخديوى اسماعيل  
الام فريال كادينفندى  
اخوه و اخوات
عيله عيلة محمد على  
الحياه العمليه
المهنه عاهل [10]،  وملك [10] 
اللغات المحكيه او المكتوبه عربى [11] 
فؤاد الاول 1868 - 1936
الملك فؤاد الاول

حياته

اتولد الملك فؤاد الاول فى قصر ابوه الخديوى اسماعيل باشا فى القاهره فى 26 مارس سنة 1868 و كان أصغر اولاد الخديوى اسماعيل ولما كبر شويه دخله ابوه المدرسه الخاصه اللى كان انشأها فى قصر عابدين عشان يعلم فيها ولاده و لما فؤاد بقى عنده سبع سنين بعته سويسرا و دخل هناك مدرسة " تودكيم " الخاصه ، لكن و هو فى سويسرا اتخلع ابوه واتنفى على ايطاليا فراح فؤاد على هناك و دخل المدرسه الملكيه الاعداديه فى تورينو و بعدها دخل مدرسة تورينو العسكريه و اتخرج منها سنة 1888 و انضم للجيش الطليانى لمدة سنتين بعدها عينه السلطان العثمانلى عبد الحميد ياور ليه فى البلاط السلطانى فى استنبول و بعدين استدعاه الخديوى عباس التانى لمصر و عينه ياور ليه.

فى اكتوبر 1917 اتوفى اخوه السلطان حسين كامل و حسب نظام وراثة العرش كان المفروض ان ابنه الامير كمال الدين حسين يتنصب سلطان على مصر مكانه لكن الامير كمال لسبب او تانى ما رضييش يخلف ابوه على عرش السلطنه المصريه فاتنصب بداله عمه فؤاد يوم 9 اكتوبر سنة 1917 و اتغيرت مصر من سلطنه لمملكه فبقى فؤاد الاول ملك مصر.

حكم

اتلقب الملك فؤاد بـ " سيد النوبة وكردفان ودارفور " ، و اترأس اللجنه اللى اتشكلت لتأسيس و تنظيم الجامعه الاهليه ( جامعة القاهرة دلوقتى ). عهد الملك فؤاد الاول حصلت فيه ثورة 1919، ورفعت فيه بريطانيا الحمايه عن مصر و اعترفت بيها مملكه مستقله ليها سياده فأعلن فؤاد الاول استقلال مصر فى 12 مارس 1922. و فى عهده صدر دستور 1923 ، و اتشكلت اول وزاره شعبيه برياسة سعد زغلول.

بعد ما لغى مصطفى كمال اتاتورك الخلافه العثمانليه فى تركيا فى بداية عشرينات القرن العشرين اتعملت محاولات فى مصر عشان يبقى الملك فؤاد " خليفة المسلمين " لكن المحاولات فشلت ، لكن الملك فؤاد سعى عند بريطانيا لتعديل نظام وراثة عرش مصر بحيث يبقى منحصر فى ذريته بدل اكبر افراد الاسره العلويه و نجح فعلاً فى مساعيه فأصدر فى 13 ابريل 1922 النظام الجديد لوراثة العرش فبقى اللقب الرسمى لابنه فاروق هو " حضرة صاحب السمو الملكى الامير فاروق " و " امير الصعيد ".

موته

حكم الملك فؤاد لغاية وفاته فى 28 ابريل 1936 و اتدفن فى جامع الرفاعى فى القاهره و خلفه ابنه فاروق الاول.

أسرته
الزوجة أبنائه منها
الاميرة شويكار خانم افندى الامير اسماعيل بك والاميره فوقيه
الملكه نازلى الملك فاروق، الاميره فوزيه، الاميره فايزه، الاميره فايقه، الاميره فتحيه

اولاد الملك فؤاد من الاميرة شويكار خانم افندى

اولاد الملك فؤاد من الملكة نازلى

مراجع
  1. فايند اغريف: https://www.findagrave.com/memorial/41264399 — باسم: Fuad — تاريخ الاطلاع: 9 اكتوبر 2017
  2. مُعرِّف موسوعة بريتانيكا على الإنترنت (EBID): https://www.britannica.com/biography/Fuad-I — باسم: Fu'ad I — تاريخ الاطلاع: 9 اكتوبر 2017 — العنوان : Encyclopædia Britannica
  3. مُعرِّف موسوعة بروكهوس على الإنترنت: https://brockhaus.de/ecs/enzy/article/fuad-i — باسم: Fuad I. — المحرر: Bibliographisches Institut & F. A. Brockhaus و Wissen Media Verlag
  4. مُعرِّف دليل الألماس العام: https://opac.diamond-ils.org/agent/105236 — باسم: Fuʼād I
  5. مُعرِّف موسوعة برولكسيس (Proleksis): https://proleksis.lzmk.hr/22243 — باسم: Fuad I. — العنوان : Proleksis enciklopedija
  6. مٌعَرِّف الموسوعة الكُرواتيَّة (LZMK ID): https://www.enciklopedija.hr/Natuknica.aspx?ID=20762 — باسم: Fuad I. — المؤلف: داليبور بروزوڤيك و توميسلاڤ لادان — العنوان : Hrvatska enciklopedija — الناشر: Miroslav Krleža Lexicographical Institute — ISBN 978-953-6036-31-8
  7. معرف شخص في لجنة العمل التاريخي والعلمي: https://cths.fr/an/savant.php?id=121297 — باسم: Ier Fouad — تاريخ الاطلاع: 9 اكتوبر 2017 — العنوان : Annuaire prosopographique : la France savante
  8. https://aibl.fr/academiciens-depuis-1663/ — تاريخ الاطلاع: 3 ابريل 2023
  9. مُعرِّف شخص في موقع "النُبلاء" (thepeerage.com): https://wikidata-externalid-url.toolforge.org/?p=4638&url_prefix=https://www.thepeerage.com/&id=p70153.htm#i701527 — تاريخ الاطلاع: 7 اغسطس 2020
  10. وصلة : 133467503  — تاريخ الاطلاع: 30 مارس 2015 — الرخصة: CC0
  11. Identifiants et Référentiels — تاريخ الاطلاع: 11 مايو 2020 — الناشر: وكالة الفهرسة للتعليم العالي
شوف كمان
مسك قبله
اسرة محمد على
مسك بعده
السلطان حسين كامل حكم: 1917 - 28 ابريل 1936 فاروق الاول

شوف كمان
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.