عز الدين عبد العزيز
السلطان الملك المنصور عز الدين ابو العز عبد العزيز ، خامس سلاطين الدوله المملوكيه البرجيه (الشركسيه). إتسلطن فى 20 سبتمبر 1405 و اتخلع سنة 1406 بعد ما اتسلطن شهرين و عشر ايام. ابن السلطان الظاهر برقوق و اخو السلطان الناصر فرج بن برقوق.
| عز الدين عبد العزيز هوه حاكم مصر رقم 426 |
|---|
| ||||
|---|---|---|---|---|
| معلومات شخصيه | ||||
| تاريخ الميلاد | العقد 1390 | |||
| تاريخ الوفاة | 20 سبتمبر 1406 | |||
| مواطنه |  | |||
| الاب | الظاهر برقوق (فترة حكم أولى) | |||
| اخوه و اخوات | ||||
| عيله | الدوله المملوكيه البرجيه | |||
| معلومات تانيه | ||||
| المهنه | سياسى | |||
عهد الفرج بن برقوق شاف اضطرابات كتيره و دخل فى مشاكل مع رجال دولته و امراءه فخلعوه ونصبوا اخوه عز الدين عبد العزيز و هو عنده عشر سنين.
عز الدين كان وصى ابوه الظاهر برقوق انه يبقى سلطان بعد اخوه فرج فإتنصب بلقب " المنصور " و كنية " ابو العز ". و إكمن السلطان كان صغير فى السن اتعين الأتابك " ببرس " مدبر ليه فغار الامير " يشبك العثمانى " اللى رجع لمنصبه فى " مجلس الوصايه " و بقى عايز يرجع الناصر فرج للعرش.
عز الدين عبد العزيز بقى تحت كفالة امه ، و الامير " ابن غراب " اتولى اعباء المملكه و بقى بيمشى الامرا على هواه و السلطان المخلوع فرج كان مستخبى عنده ، و الامير " ببرس " بقى هو الحاكم الفعلى. عز الدين عبد العزيز كان سلطان بالاسم بس و ما كانتش ليه أى سلطه. و بيحكى المؤرخ ابن إياس إن أنصار السلطان المخلوع " فرج " قعدوا يمهدوا لرجوعه للعرش و قامت معركه بينهم و بين انصار عبد العزيز اللى كان منها الأتابكى ببرس انتهت بإنتصار أنصار " فرج " اللى كان بيقودهم الامير " يشبك الشعبانى " فرجعوا " الناصر فرج " لقلعة الجبل و بايعوه من تانى و بعتوا عبد العزيز لأمه فى دار الحريم بعد ما اتسلطن سبعين يوم ودى كانت مدة اختفاء اخوه الناصر فرج.
عملاته و ألقابه
ما اتلقاش لعز الدين عبد العزيز غير درهم واحد سنة ضربه ممسوحه. ظهر لقبه على الدرهم : " السلطان الملك المنصور ".
المراجع
- ابن إياس: بدائع الزهور فى وقائع الدهور، الهيئة المصرية العامة للكتاب، 1982
- ابن تغرى: النجوم الزاهرة فى ملوك مصر و القاهرة، دار الكتب و الوثائق القومية، مركز تحقيق التراث، القاهرة 2005، ISBN 977-18-0373-5
- المقريزى : السلوك لمعرفة دول الملوك, دار الكتب, القاهرة 1996.
- شفيق مهدى ( دكتور) : مماليك مصر و الشام, الدار العربية للموسوعات, بيروت 2008.
| الناصر فرج | مدة الحكم: 70 يوم | الناصر فرج |