عبد الوهاب مورو

اتخرج مورو من مدرسة الطب سنة 1915، وخد ليسانس الكلية الملكية للأطباء الباطنيين من لندن سنة 1919، وبعدين زمالة كلية الجراحين سنة 1920، وليسانس أمراض النساء والولادة من دبلن سنة 1921، وماجستير الجراحة من الجامعة المصرية سنة 1930.

اتنقل مورو فى وظايف هيئة التدريس لغاية ما بقا أستاذ الجراحة ورئيس أقسام الجراحة فى كلية طب قصر العيني بين سنة 1936 وسنة 1949، وعميد كلية الطب بين سنة 1949 وسنة 1951، واشتغل مدير جامعة القاهرة من 5 مايو 1951 لـ 24 يونيه 1953.

عمل مورو قسم الجراحة العامة بكلية طب عين شمس وكان لسه رئيس قسم الجراحة فى قصر العيني، وعمل أقسام التخصص فى جراحة الأعصاب والمسالك البولية وقسم الأمراض النفسية وهو عميد كلية طب قصر العيني، كمان عمل كلية الصيدلة ومعهد العلوم السياسية فى جامعة القاهرة وهو مدير للجامعه.

كان مورو عضو فى لجنة الخمسين اللي اتكلفت سنة 1954 عشان تعمل دستور جديد للبلاد بعد ثورة يوليه 1952.[2]

• خد رتبة الباشوية فى 11 فبراير 1946[3]
• جايزة الدولة التقديرية (1965)[1]

ابنه د. هاشم مورو (مات سنة 2008) أستاذ جراحة المسالك البولية فى جامعة القاهرة، وابنه التانى د. هشام مورو (اتولد فى 16 سبتمبر 1931) أستاذ الجراحة العامة فى الجامعة.

• عمداء كلية طب القصر العينى
• رؤساء جامعة القاهرة