صليب سامى

صليب باشا سامى 1883 - 1958 سياسى قبطى اتولى منصب الوزارة تسع مرات من 1933م- لغاية 1953م، وكان اول وزير مدنى وقبطي لوزارة الحربية واللي اتنقل ليها بعد وزارته للخارجية. اتولد بالمنصوره سنة 1883 ،وكانت أسرته من اكبر الاسر القبطية فى مصر فكانت تمتلك 1500 فدان، التحق صليب سامي بمدرسة دمنهور الأبتدائية سنة 1891م وبعدها بالمدرسة التوفيقية بالقاهرة سنة 1895م وحصل على شهادة البكالوريا فى سنة 1901م، وبعدها التحق بمدرسة الحقوق الخديوية واتخرج من القسم الفرنسى منها سنة 1905م وكان ده بعد تخرج الزعيم مصطفى النحاس باشا بأربع سنين.

صليب سامى
معلومات شخصيه
تاريخ الميلاد	سنة 1885 [1]
تاريخ الوفاة	سنة 1958 (72–73 سنة)
مواطنه	مصر
الحياه العمليه
المهنه	سياسى
اللغه الام	اللغه المصريه الحديثه
اللغات المحكيه او المكتوبه	عربى ،  واللغه المصريه الحديثه

اشتغل بالمحاماة فلمع اسمه واختير وكيل لنقابة المحامين سنة 1925م وأنضم لحزب الاحرار الدستوريين وكان عضو بمجلس إدارته سنة 1926م وخاض الانتخابات البرلمانية فى نفس السنه ، وأنفصل عنه فى اوائل الثلاثينيات وانضم الى حزب الأتحاد.

اتوفت زوجته فى 19 ابريل 1916م وهي فى سن 26 بعد صراع مع المرض تاركة له اربعة ابناء أصغرهم فى الثانية، وتوفى ولده راجح فى 16 يناير 1945م وهو فى سن السادسة والثلاثين

عمل صليب سامى مستشار ملكى لوزارات الزراعة والمعارف والحربية فى 30 يناير 1929م، وبعد سنتين اصبح صليب سامى رئيس لقسم قضايا المرافعات الاهلية.

اختير وزير للخارجية فى عهد وزارة اسماعيل صدقى باشا الأولى فى يوليو 1933م لغاية سبتمبر 1933م، وفى الوزارة التالية وهى وزارة عبد الفتاح يحيى باشا (1933- 1934)، وتولى وزارة الحربية طول عهد الوزارة.

بعد ست سنين شارك صليب سامى فى وزارة حسن صبرى وزير للتموين من بداية الوزارة فى 28 يونيو 1940م وكان هو اول وزير للتموين بعد انشأها، واستمر لغاية 21 سبتمبر 1940م، لما خرج الوزراء السعديون من الوزارة فترك صليب سامى وزارة التموين وتولى وزارة التجارة والصناعة خلفا لابراهيم عبد الهادى باشا، على حين خلفه فى وزارة التموين عبد المجيد ابراهيم صالح وزير الدولة وكان من الأحرار الدستوريين، واحتفظ صليب سامى بالتجارة والصناعة عند تشكيل وزارة حسين سرى الأولى فى 15 نوفمبر 1940م ولغاية 26 يونيو 1941م، لما ترك التجارة والصناعة ليتولى الخارجية وكان رئيس الوزراء يتولاها بنفسه، لغاية نهاية عهد هذه الوزارة فى 13 يونيو 1941م.

وفى وزارة حسين سرى باشا الثانية احتفظ صليب سامى بوزارة الخارجية طيلة عهد الوزارة 31 يوليو 1941 لغاية 4 فبراير 1942،واللي حدث فيها أزمة سياسية كبيره بقطع العلاقات مع حكومة فيشى

بقى صليب سامى بعيد عن المناصب الوزارية طول حكم الوفد فى الفترة من فبراير 1942م لغاية اكتوبر 1944م، والأحزاب المؤتلفة من اكتوبر 1944 لغاية فبراير 1946، لكنه فى نهاية عهد وزارة اسماعيل صدقى فى 10 نوفمبر 1946 بالتحديد رجع لوزارة ليتولى وزارة التجارة والصناعة طيلة الشهر الاخير من حكم اسماعيل صدقى.

شكل سرى باشا وزارته الرابعة فى نوفمبر 1949م، وتولى صليب سامى فيها وزارة التجارة والصناعة زى ما حصل مع صدقى باشا وسرى باشا، ولما تولى الوفد الحكم فى الفترة من 1950 لغاية 1952م فلا يكون لصليب سامى نصيب من المناصب الوزارية.

اتولى وزارة الزراعة فى عهد وزارة على ماهر التالتة واللي تولت فى 23 يناير وانتهت فى مارس 1952م ويتولى الوزارة لمدة عشرة ايام من 27 يناير 1952 لغاية 7 فبراير 1952)، ويكون هذا اول عهده بالعمل مع على ماهر باشا، وفى 7 فبراير 1952 يتولى وزارة المواصلات لغاية نهاية عهد وزارة على ماهر فى اول مارس 1952م، وأستمر فى الوزارة التالية لأحمد ماهر كوزير لوزارة الصناعة والتجارة والتموين فى وزارة احمد نجيب الهلالى واللي تولت فى مارس وأنتهت فى يوليو سنة 1952م

اشتغل صليب سامي بالمحاماة بعد قيام ثورة 1952م أعتزل المحاماة فى 3 مارس 1958م.