صفيه بنت حيي بن أخطب

صفية بنت حيي من يهود بني النضير، هى صفية بنت حيى بن أخطب النضيريه كانت يهوديه من بنى قريظة و النضير و من السبايا اللى اخدهم المسلمين من حصون خيبر. اتجوزت سلام القرظى و بعدين كتانة بن الربيع النضرى. بتقول القصه ان ان كتانه كان عنده كنز بنى النضير ، فسأله النبى عنه فأقسم انه مايعرفش مكانه فقاله: " ان وجدناه عندك أأقتلك " ، فرد: " نعم ". لكن فيه واحد شاف كتانة بيلف فى خرابه فقال للنبى فأمر بحفر الخرابه و لقيو الكنز فأمر بقتل كتانه و بكده صفية بقت أرمله و ماعادلهاش جوز ، فاتقال للنبى: " صفية سيدة بنى قريظة والنضير لا تصلح الا لك " فعتقها و اتجوزها. و لما دخل عليها فى الخيمه و هو راجع المدينه من خيبر خاف ابو أيوب خالد الأنصارى منها عليه انه قتل أبوها و جوزها و جايز تحاول تنتقم منه فبات الليله جنب الخيمه و هو ماسك سيفه. فى الصبح لما شافه النبى سأله: " مالك ؟ " ، فرد عليه: " خفت عليك من هذه المرأة و قتلت أباها وزوجها وقومها ". لكن صفية فضلت مع النبى لحد وفاته و كانت مع ستاته اللى وقفو حواليه وقت عياه الاخير ، و قالت: " اما والله يا نبى الله لوددت أن الذى بك بى " ، فاتغماز ستاته التانين فقالهم: " مضمضن " ، فقالو " من أى شىء يا نبى الله ؟ " ، فرد عليهم: " من تغامزكن بصاحبتكن، والله انها لصادقة". عاشت صفية بعد وفاة النبى لحد خلافة معاوية و اتوفت سنة 670 و اندفنت فى البقيع. ليها عشر احاديث فى الصحيحين.

الصفحه دى ممكن تحتاج تتويك علشان تبقا حسب معايير ويكيپيديا كمان يمكن الصفحه مافيهاش لينكات لصفحات تانيه, حاول تضيف فيها لينكات لصفحات تانيه متعلقه بيها او تحسين تنسيق الصفحه.

صفيه بنت حيي بن أخطب
قبر السيدة صفية فى البقيع
معلومات شخصيه
الميلاد	سنة 610   المدينة المنورة
الوفاة	سنة 670 (59–60 سنة)[1]  المدينة المنورة [2]
الزوج/الزوجه	محمد (629–632)