سيد مكاوى

سيد محمد سيد مكاوى اتشهر باسم الشيخ سيد مكاوى ( القاهره ، 8 مايو 1927 - القاهره، 21 ابريل 1997 ) ملحن و مطرب مصرى موهوب اتولد فى حى الناصريه فى السيده زينب فى القاهره فى 8 مايو 1927.

 سيد مكاوى
معلومات شخصيه
الميلاد 8 مايو 1927  


القاهره  

الوفاة 21 ابريل 1997 (70 سنة) 


القاهره  

مواطنه
مصر  
مشكله صحيه عما  
الحياه العمليه
المهنه موسيقى ،  ومغنى ،  وملحن  
الآلات الموسيقيه عود ،  وصوت بشرى  
المهنه موسيقى ،  ومغنى ،  وملحن  
اللغات المحكيه او المكتوبه عربى ،  واللغه المصريه الحديثه  
المواقع
IMDB صفحته على IMDB 
سيد مكاوى

سيد مكاوى
الجنسية  مصر
اتولد 8 مايو 1927
السيده زينب ,القاهره
مات21 ابريل 1997
القاهرة

وجهته اسرته لحفظ القرآن بعد ان فقد عينه نتيجة للجهل الطبي ايام زمان و تعلم الانشاد الدينى فبقى يقرا قرآن و يأدن فى جوامع ابو طبل و الحنفى فى حى الناصريه. بعد ما دخل سن الشباب بقى يتابع اساطين الانشاد و التلاوه و يتعلم منهم و يقلدهم و ساعدته امه على كده فكانت بتشترى له اسطوانات قديمه من بتوع الروبابيكيا ، و اتعرف على اتنين صاحبهم هما اسماعيل رأفت و محمد رأفت و كانو من ولاد الاغنيا و بيحبو المزيكا و واحد فيهم كان بيعزف ع الأنون و التانى ع الكمنجه ، و كونو هما التلاته تيريو و بقو بيشاركو فى حفلات المعارف و الصحاب.

اتقدم سيد مكاوى للجنة الاذاعه المصريه عشان يختبروه كمغنى فنجح فى الاختبار واعتمد و غنى اول اغنيه و كان اسمها " محمد " من الحان عبد العظيم عبد الحق. و بعدها غنى كمان اغنيه لأحمد صدقى و لحنلمحمد عبدالمطلب تلت اغانى هما " اتوصى بيا " و " قلت لابوكى عليكى و قالى " و " كل مرة لما أواعدك " و عمل اغنيهلشريفة فاضل اسمها " مبروك عليك يا معجبانى يا غالى " و اغنيهلليلى مراد اسمها " حكايتنا احنا الاتنين " ولشاديه عمل " هوى يا هوى ياللى انت طاير " ولنجاة الصغيره " لو بتعزنى " ولصباح " انا هنا يا ابن الحلال "لطيفة "عندك شك ف اية".

سيد مكاوى كان ليه الفضل فى ابتكار مقدمات غنائيه لمسلسلات الراديو و التلفزيون المصرى و لحن مقدمات كتيره لمسلسلات مشهوره زى " شنطة حمزه " و " رضا بوند " و " عمارة شطاره " و غيرها.

الراديو المصرى قدم فى شهر رمضان حلقات اسمها " المسحراتى " بيلحنها كذا ملحن و ادو سيد مكاوى تلت حلقات فقدمها بالطبله من غير فرقة مزيكا و نجحت جداً فإدوله كل حلقات رمضان اللى بعده.

شارك سيد مكاوى فى احتفالات مصر الوطنيه بالغنا و التلحين و كانت ليه تلت محطات فنيه مهمين فى مسيرته الفنيه مع صلاح جاهين فى اوبريت الليله الكبيره و الرباعيات و مع ست الغنا المصرى ام كلثوم بتلحينه ليها اغنية " يامسهرنى " و لحن ليها اغنيه تانيه اسمها " اوقاتى بتحلو " اللى كانت المفروض تغنيها لكن اتوفت قبلها.

كرمته مصر بوسام العلوم والفنون من الدرجه الأولى ، و اتوفى فى 21 ابريل 1997 و ساب لمصر تراث فنى جميل و اصيل.

أهم اعماله

مقدمات غنائيه لمسلسلات
  • شنطة حمزة
  • رضا بوند
  • عمارة شطارة
  • حكايات حارتنا

اوبريتات
  • القاهرة فى الف عام
  • الحرافيش
  • دايرة الطباشير القوقازية
  • الصفقة
  • مدرسة المشاغبين
  • سوق العصر
  • هاللو دوللي

الارض بتتكلم عربي

مسرح العرايس

Left

صور غنائية
  • سهرة فى الحسين
  • على دمياط
  • هنا القاهرة

فيلموجرافيا

تمثيل

  • العروسة الصغيرة (1956)

موسيقى

  • فوازير رمضان (فوازير فطوطة) الموسم التانى [مسلسل] (1984) .... لحن المقدمة والنهاية
  • العاشقة (1980) .... تلحين الأغانى
  • السندباد الاخضر (1980) .... الموسيقى التصويرية و الاغانى
  • مدرسة المشاغبين [مسرحية] (1973) .... الألحان
  • المصيدة (1963) .... تلحين الأغانى
  • عنتر يغزو الصحراء (1960) .... موسيقى

اوسمة
  • وسام العلوم والفنون من الدرجه الأولى

شوف كمان

شخصيات مصريه مشهوره

لينكات برانيه

مصادر
  • المصرى اليوم ، مؤسسة المصرى اليوم للصحافة و النشر ، عدد 2138 ، 21 ابريل 2010
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.