سل

بكتيريا السل مايكوباكتيريوم تيوبركيولوسيس تنتقل بالهواء من شخص لآخر ( العطاس او السعال او البصق), و شخص واحد مريض بالسل ممكن ينقل العدوى الى الاشخاص من 10 – 15 شخص فى السنه.و موجود فى العالم دلوقتى حوالي 16 مليون شخص مصاب بالسل (الدرن) النشط . و ثلث سكان العالم معرضين للعدوى . شخص كل ثانية يصاب بالسل فى العالم حسب تقديرات منظمة الصحة العالمية. وكل سنه يموت من المرض 2 مليون منهم,90% فى الدول الفقيرة والنامية .

كان الدرن بيسمى بالسل {الاستهلاك} ، لانه يبدو انه بيستهلك الناس من جوه ، الكحة بالدم، الحمى ، الشحوب ،هزال طويل ؛ سل الغدد الليمفاويه (فى البالغين) ، اللى بتأثر على الجهاز اللمفاوي وغدد الرقبة ، درن البطن ، درن الجلد ؛ الهزال والمرض السل كان بيتسمى كمان بالطاعون الابيض ، لأنه يبدو أن المصابين بالدرن كانو بيعانو بشكل ملحوظ من الشحوب.

اختبار التيوبركولين فى الجلد

مرض السل بيتشخص بواحدة او اكتر من الطرق دي:

1. اشعة اكس على الصدر
2. اختبار التيوبركولين فى الجلد
3. تحليل الدم
4. فحص بالميكروسكوب لعينة من سوايل جسم المريض ( البلغم مثلاً)

علاج السل ليس سهل و يحتاج مضادات حيوية كتيره و لمدة طويلة و فى وهذا الوقت زادت مشكلة السل لما بدأت تظهر انواع جديدة من البكتريا اللى تقاوم العلاج.

العلاج ينقسم لادوية الخط الاول و ادوية الخط الثاني، بالنسبة للخط الاول فدى الادوية:

• ايتامبيوتول
• ايزونيازايد
• بايرازينامايد
• ريفامبيسين
• ستريبتومايسين

اما بالنسبة للخط التانى فدى اهم ادويته :

• سيبروفلوكساسين
• موكسيفلوكساسين
• بارا-امينوساليسيبيك اسيد

الوقاية من هذا المرض تكون عن طريق التطعيم البي سي جي و ايضاً عن طريق برامج الفحص للاشخاص المعرضين للمرض.

• منظمة الصحة العالمية