زينون من ايليا

زينون من إيليا (Zeno of Elea ) (490 BC – 430 BC) دا واحد من فلاسفه ما قبل سوقراط اتولد فى مدينه إيليا اللى كانت مدينه يونانيه فى جنوب ايطاليا. زينون بيعتبر مخترع الجدل الفلسفى , قال عنه اريسطو " هو مؤسس علم الجدل الفلسفى, كان بيقبل افكار و قضايا خصومه و اللى معارضهم و بعدين يجادلهم فيها و يستنتج منها نتيجتين عكس بعض متناقضتين و بكدا يثبت ليهم ان افكارهم و آرائهم غلط." افكاره كانت من اسباب ظهور علم التفاضل و التكامل. فى وقته كان حكام أثينا واصحاب الرأى و المثقفيين كانو بيجيبو الفلاسفه و يدفعو لهم فلوس كتيره و يستضيفوهم عشان يتعلمو منهم و يعرفو افكارهم.

 زينون من ايليا
(باليونانى القديم: Ζήνων ὁ Ἐλεάτης) 
 
معلومات شخصيه
الميلاد سنة 490 ق م [1] 
الوفاة سنة 425 ق م [1] 
الحياه العمليه
اتعلم عند بارمنيدس  
المهنه كاتب [2] 
اللغات المحكيه او المكتوبه لغه يونانى قديم  
مجال العمل فلسفه  
اتأثر بـ بارمنيدس  

حياته

عاش زينون فى القرن الخامس قبل الميلاد , من إيليا وها مدينة يونانيه علا ساحلِ ايطاليا الجنوبى و هو من أنصار بارمنيدس فى أن عالم الحس وهم باطل .

ابو الجدل

ممكن اعتبار زينون هو مخترع الجدل الفلسفى اللى برع فيه افلاطون و ايمانويل كانط و هيجل.[3]

زينون كان فى بداية عصر السوفسطائيين ,و كانت للفلسفه فى زمانه منزله عظيمه , و كان حكام أتينا و اصحاب الرأى فيها بيستضيفو الفلاسفه فى بيوتهم و يدوهم فلوس و يستمعو لهم و يتعلمو علا ايديهم

اريسطو قال عن زينون انه مؤسس علم الجدل لأنه كان يسلم بقضايا خصومه ويستنتج منها نتيجتين متناقضتين ويثبت بكده بطلانهم.[4]

مصادر
  1. المخترع: جون أوكونور و إدموند روبرتسون
  2. العمل الكامل مُتاحٌ في: https://www.bartleby.com/library/bios/ — المحرر: تشارلز دودلى وارنر — العنوان : Library of the World's Best Literature
  3. مقدمة فى الفلسفة احمد سالم
  4. "زينون الأيلي أبو الجدل نبيل حاجى نائف". Archived from the original on 2009-02-28. Retrieved 2010-03-21.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.