دين
الدين او الدِيانه هو مجموعة من النظم الثقافية ، نظم المعتقدات ، و وجهات نظر عالميه الى بتحدد الرموز اللى بتتواصل بين الانسانية والقيم الروحانية و الأخلاقية[1]
| ||||
|---|---|---|---|---|
 | ||||
| ايديولوجيا | ||||
| جنب من | جواز ، وثقافه | |||
كتير من الديانات فيها حكايات ، رموز ، تقاليد و تاريخ مقدس هدفها إنها تدى معنى للحياه ، او تفسير اصل الحياه او الكون . الديانات بتميل انها تحدد الأخلاق ، القوانين الدينية او اسلوب مفضل من افكارهم عن الكون و الطبيعة البشرية.
كلمة الدين بتستخدم احيانا بالتبادل مع كلمة الإيمان او نظام الاعتقاد ، لكن الدين بيختلف عن الاعتقاد الخاص فى ان الدين بيكون له جانب جماعى. و معظم الأديان نظمت السلوكيات ، بما فيها التسلسل الهرمى الدينى و تعريف و تحديد إيه اللى بيشكل الانضمام او العضويه فى دين معين و التجمعات من العلمانيين ، و عمل اجتماعات منتظمة او الخدمات لأغراض تبجيل الاله المعبود او علشان الصلاه.
تطور الدين حصل بطرق مختلفة فى ثقافات مختلفة. بعض الديانات بتركز على الاعتقاد ، و بعض الديانات بتركز على الأفعال.هنلاقي ديانات بتعتبر نفسها ديانات عالمية ، على اساس إن قوانينها لازم يلتزم بيها كل البشر ، وبيبان ارتباط الدين مع المؤسسات العامة زي مثلا المستشفيات، والتعليم، والأسرة، والحكومة، والسياسة. و عالما الانثروبولوجيا(علم الانسان) جون موناغان وبيتر جست بيقولوا: "يبدو واضحا أن شيئا واحدا (الدين او المعتقد) يساعدنا على التعامل مع مشاكل الحياة البشرية الهامة. هناك طريقة واحدة مهمة, (اكتمال المعتقدات الدينية) من خلال تقديم مجموعة من الافكار حول كيف ولماذا تم وضع العالم معا, اللى تسمح للناس باستيعابهم والتعامل مع المحن".
اصل الكلمة
الدِين او الدِيانة,كلمة اصلها من دان خضع وذل ودان بكذا فهي ديانة وهو دين، وتديّن به فهو متديّن, لو كانت متديِّن مطلقة وحدها بدون كلمة بعدها تعرّف إيه وجه او مجال التدين فدا معناه: ما يتديّن به البشر، ويدين به من اعتقاد وسلوك؛ و بمعنى تاني، هو طاعة الانسان للي بيصدقُه ويعتنقه من فكر ومبادئ. الدين فى مصطلح اللغة العربية: بنقصد بيها العادة والشأن. والتدين: الخضوع والاستعباد، الدين بيتبني على اساس المكافأة والجزاء، يعني الانسان بيتجازى بأفعاله وبيتحاسب على اللى عمله عن طريق الحساب. ومنه جات صفة الديّان اللى الناس بيوصفوا بيها ربهم؛ وجمع كلمة دين: أديان. فنقول : دانَ بديانة وتدين بها، فهو متديّن، والتديّن: إذا وكَّل الانسان اموره لدينه.
الدين بيتمثل بالطاعة والانقياد، يعني رجال الدين: هم المطيعون المنقادون، و الدين بيُحمّل الانسان حاجات مش محببة له، ومن هنا جات كلمة الدَين (القرض): اللى هى الأخد او العطاء لأجل محدد، كما اجله الجزاء والحساب والعبادة والطاعة والمواظبة والقهر والغلبة والاستعلاء والسلطان والملك والحكم والتسيير والتدبير والتوحيد، وجميع ما يتعبد به للإله، من مذاهب وورع وإجبار، فالإله هو الديّان: اى القهار، والقاضي، والحاكم، والسائس، والحاسب، والمجازي اللى لا يضيع عملاً، بل يجزِي بالخيرِ والشرِ. ففي الديانة: عزة ومذلة، وطاعة وعصيان، وعادة فى الخير او الشر، والابتلاء.
مصادر
- While religion is difficult to define, one standard model of religion, used in religious studies courses, was proposed by Clifford Geertz, who simply called it a "cultural system" (Clifford Geertz, Religion as a Cultural System, 1973). A critique of Geertz's model by Talal Asad categorized religion as "an anthropological category." (Talal Asad, The Construction of Religion as an Anthropological Category, 1982.)
خطأ: الوظيفة "hPortal" غير موجودة.