خالد الامير

خالد الامير موسيقار مصرى التحق بمعهد الموسيقى العربى وعنده 11 سنه ساعده فى ده خاله الدكتور شرف الدين سليمان اللى كان يعمل مشرف على الموسيقى بوزاره المعارف وحصل على دكتوراه فى الموسيقى وفاز ببعثه لايطاليا قضى فيها 12 سنة من عمره وفى واحد من زياراته اكتشف موهبته وسعى لاخذه معاه لايطاليا بس ابوه رفض لأنه كان يؤهله عشان يبقى ظابط فى الجيش مثل كل أفراد العائلة وكان جده هو خليل الأمير حكمدار أسيوط والقاهرة وجده الاكبر امير الحاج أركان حرب وكانو بيسموه بلقب الأمير وده كان فى فترة تولية المنصب ومن هنا بقى اللقب ده لصيقا بكل أفراد الأسرة . ورغم انه درس بالمعهد لمدة 3 سنوات وأجاد عزف الكمان واجتاز امتحان قسم الأصوات وصار مهيأ تماما لبدء مشواره مع الفن الا ان والده كان له راى تانى, فعقب حصوله على التوجيهيه اجبره والده على دخول الكليه الحربيا واتخرج منها سنة 1956 عقب اعتماده فى الاذاعه كمطرب وملحن بلحن اعده لنفسه بعنوان ( صلاه الحب ) للشاعر محمود الماضى بالإضافه إلى أن الموسيقار خالد الامير تزوج للفنانه ليلى طاهر وهو من قام باكتشاف المطرب هانى شاكر وقام بعمل مجموعه الحان قدمها له, قدموا له حوالى 50 لحن, من ابرزها كده برضه يا قمر ونسيانك صعب اكيد وبقولك ايه وغيرها من الألحان التى قدمها لعدد كبير من المطربين ومن بينهم مياده الحناوى, لطيفه, شاديه, محرم فؤاد، فهد بلان، فايزه احمد، سعاد محمد..وغيرهم. وكمان قام بتلحين اغلب مسرحيات الفنان فؤاد المهندس وشويكار ومن روائع خالد الامير موسيقى فيلم الراقصة والسياسى. ويذكر أن الفنانة شويكار ابنه عم الموسيقار خالد الامير اتزوج خالد الامير خمس مرات وله ابنه وحيده اسمها ندى واخر زوجه له هى للفنانه ليلى طاهر واللى دام الزواج بينهم 10 سنوات حتى تم الانفصال بداخل منزل الفنانه فايزه احمد.

خالد الامير
معلومات شخصيه
تاريخ الميلاد	سنة 1936
الوفاة	23 ابريل 2021 (84–85 سنة)[1]  القاهره [1]
سبب الوفاة	كوڤيد-19
مواطنه	المملكه المصريه (1936–1952) جمهورية مصر (1953–1958) الجمهوريه العربيه المتحده (1958–1971) مصر (1971–2021)
الحياه العمليه
المدرسه الام	المعهد العالى للموسيقى العربيه
المهنه	عسكرى ،  وملحن
اللغه الام	عربى
اللغات المحكيه او المكتوبه	عربى