جمال عبد الناصر
جمال عبد الناصر حسين سلطان (اسكندريه، 15 يناير 1918 - القاهره، 28 سبتمبر 1970) عسكرى و سياسى مصرى اتولد لأب فى منطقة بني مر فى الصعيد. كان رئيس الجمهورية فى مصر من سنة 1954 لغاية سنة 1970.
| جمال عبد الناصر هوه حاكم مصر رقم 462 |
|---|
.svg.png.webp){kind=small}
.svg.png.webp){kind=small}
حياته
اتولد و نشأ فى اسكندريه من عيله من بنى مر - اسيوط. مع انه اسكندرانى بالمولد و النشأه و كل قرايبه كانوا عايشين فى اسكندريه لكن اتروج لموضوع بنى مر عشان تديه صفة مواطن مصرى بسيط من قريه مصريه.
اتخرج من الكليه الحربيه فى القاهره سنة 1938 و اتعين ظابط فى سلاح المشاه فى أسيوط. اشتغل فى العلمين و السودان ، و بعدين اتعين مدرس فى الكليه الحربيه. اشترك فى حرب فلسطين سنة 1948 و اتحاصر مع فرقته فى الفالوجا. شارك فى تنظيم الظباط الاحرار 1951 ، و انتخب رئيس لهيئتها التأسيسيه فى ديسمبر 1951.
انقلاب 1952
جمال عبد الناصر شارك فى ثورة 23 يوليه 1952 و الظباط لغو الحكم الملكى فى 18 يونيه 1953، و اعلنو الجمهوريه فى مصر.
جمال عبد الناصر مسك الحكم بعد ما شال اللوا محمد نجيب بقى رئيس وزرا مصر سنة 1954 ، و عمل مع بريطانيا فى 27 يوليه 1954 اتفاقية جلاء القوات البريطانيه عن قاعدة القنال. لعب دور كبير فى مؤتمر باندونج (1955) اللى اطلق دعوة الحياد الايجابى. و كسر احتكار السلاح فى سبتمبر 1955.
حكم شمولى
جمال عبد الناصر لغا نظام الاحزاب السياسيه فى مصر و عمل استفتاء على دستور مصر الجديد و انتخاب رئيس الجمهوريه (أخد 99.9% من الأصوات).
فى 26 يوليه 1956 فى خطبه حاشده فى اسكندريه أعلن تأميم شركة قناة السويس ،فردت بريطانيا و فرنسا بتوجيه انذار و شنوا بعده هجوم عسكرى على مصر اتعرف باسم " العدوان الثلاثى " بسبب مشاركة اسرائيل فيه. اضطر يسحب قواته من سينا واحتلتها اسرائيل لكن اضطرت تنسحب بعد معارضة الاتحاد السوفيتى و امريكا على العدوان الثلاثى.
افتتح اول مجلس امه فى 22 يوليه 1957 و اتولى رياسة " الجمهوريه العربيه المتحده " دى كانت اتحاد بين مصر و سوريا ، و استمرت من فبراير 1958 لغاية سبتمبر 1961 لكن ما رجعش اسم مصر بعد فشل مشروعه و احسن اسمها الجمهوريه العربيه المتحده لغاية ما اتوفى و رجع انور السادات الرئيس اللى خلفه لمصر اسمها.
اقتصاد
أصدر قانون الاصلاح الزراعى ( رقم 171 لسنة 1952 ) عشان يقضى على النظام الاقطاعى ، اللى كان موجود فى مصر ، و حط حجر اساس بنا السد العالى بالتعاون مع الاتحاد السوفيتى فى 9 يناير 1960 ، و فى يوليه 1961 أصدر قرارات اشتراكيه واسعه النطاق زى تحديد الملكيه الزراعيه بمية فدان للاسره الواحده، و تأميم المؤسسات الكبيره، و ادى الفلاحين و العمال مزايا ما كانتش موجوده.
فى 21 مايو 1962 أعلن " الميثاق الوطنى " اللى أقره المؤتمر الوطنى لقوى الشعب العامله، فى المؤتمر ده أعلن عن انشاء " الاتحاد الاشتراكى العربى ".
حارب حلف بغداد ، و ساند حركات التحرر الوطنى ، و شارك فى مؤتمرات كتيره زى مؤتمرات باندونج ( 1955 ) و الدار البيضاء (1962) ، و اديس ابابا (1964) فى سنة 1967 اتعرض لنكسه كبيره معروفه باسم " حرب يونيه 1967 " او " حرب الايام السته " ، كان من نتايجها احتلال اسرائيل ل سينا، و اتنحى عن الحكم لكن قامت مظاهرات ايام 9 و 10 يونيه تطالبه انه ما يمشيش ، فاستمر فى الحكم.
فى 30 مارس 1968 أصدر بيان اتعرف باسم " بيان 30 مارس " و عمل استفتاء شعبى أيده.
بعد ما قام صراع مسلح فى الأردن بين السلطات الأردنيه و المنظمات الفلسطينيه المسلحه. عمل مؤتمر قمه عربى فى القاهره ، و قدر فى 27 سبتمبر 1970 يوصل لاتفاق بين الأردن و الفلسطينيين اتعرف باسم " اتفاقية القاهرة ". ودى كانت اخر اعماله و اتوفى فى 28 سبتمبر 1970 ، و اتشيع جثمانه فى جنازه شاركت فيها اعداد ضخمه من المصريين ، بتعتبر من اكبر الجنازات الشعبيه اللى شافها العالم فى تاريخه.
الناصريين بيأيدوا سياسته و بيعتبروه بطل ، لكن فيه كتير بيعادوا نظامه الديكتاتورى اللى حكم مصر بالحديد و النار و انتشرت فى وقته المعتقلات و زوار الفجر اللى كانوا بيعتقلوا الناس من بيوتهم و يخفوهم فى المعتقلات لأتفه الاسباب على مجرد كلمه اتفوهوا بيها من غير لحد اهاليهم مايعرفوا هما راحوا فين ، و الرقابه على كل صغيره و كبيره فى مصر لحد الجوابات و المكالمات التليفونيه لعامة الناس و كان المصرى ما يقدرش يخرج من مصر من غيرة تأشيرة خروج تتحط على باسبوره فى كل مره يعوز يسافر فيها ، و طويله بسبب الحرب و الطيران الاسرائيلى اللى كان داخل طالع و بيخترق حاجز الصوت فوق منشية البكرى فى حى مصر الجديده عشان يسمع صوتها عبد الناصر اللى كان ساكن هناك ،
حروب
حرب فلسطين سنة 1948 و اتحاصر مع فرقته فى الفالوجا احسن الحصار لمدة خمس شهور صمد فيها الجيش المصري بقيادة اللوا سيد طه ومساعده الصاغ جمال عبدالناصر وبعد الحصار ما اتفك رجعوا مصر واتكرموا من الملك فاروق
حرب العدوان الثلاثي سنة 1956 لما اعلنت اسرائيل دخولها الحرب فى يوم 29 اكتوبر ودخلت بريطانيا وفرنسا الحرب يوم 31 أكتوبر وكانت اسباب الحرب هو تاميم عبدالناصر لقناة السويس، ودعم عبدالناصر للثورة فى الجزائر الامم المتحده طلعت قرار بوقف القتال يوم 7 نوفمبر من تبعات الحرب: استقالة أنتوني ايدن رئيس وزراء بريطانيا، المؤرخين شايفين ان الحرب دي كانت نهاية الإمبراطورية البريطانية كدولة عظمى فى العالم.
حرب النكسة 1967 في يوم 5 يونيه سنة 67 اتفاجئ المصريين بهجوم الطيارات الاسرائلية على سينا واحتلوها فى خمس تيام يوم 9 يونيه اتنحى عبدالناصر عن الحكم بس الشعب مرضيش ونزل فى مظاهرات كبيره ورجع عبدالناصر للحكم يوم 11 يونيه
حرب الاستنزاف ودي بدأت من بعد حرب 67 بالظبط من 1 يوليه لغاية 7 اغسطس سنة 1970 وكان ليها دور كبير فى رفع معنويات الجيش والمصريين بعد ما المصريين كسبوا معارك كبيره ومهمه وقت الحرب دي، زي معركة رأس العش 1 يوليه 1967 و تدمير المدمرة إيلات 21 اكتوبر 1970وتدمير ميناء إيلات 15 مايو 1970 في 30 يونيه 1970 اسقط الدفاع الجوي المصري 24 طيارة فانتوم وسكاي هوك واتسمى الحدث دا ب أسبوع تساقط الفانتوم
وفاته
بعد انتهاء القمة العربية فى 28 سبتمبر 1970 تم نقل جمال عبدالناصرالي منزلة بعدين توفى فى حوالي الساعة السادسة مساء , بعد الاعلان عن وفاتة كانت صدمة لكل المصرين والعرب واتعمله اكبر جنازة فى تاريخ العالم العربي ومن اضخمها فى تاريخ البشر.
المراجع
- المحرر: الكسندر بروخروف — العنوان : Большая советская энциклопедия — الاصدار الثالث — الباب: Насер Гамаль Абдель — الناشر: الموسوعة الروسية العظمى، جسك
- مُعرِّف قاعدة بيانات الأفلام على الإنترنت (IMDb): https://www.imdb.com/name/nm0621959/ — تاريخ الاطلاع: 13 اكتوبر 2015
- مُعرِّف موسوعة بريتانيكا على الإنترنت (EBID): https://www.britannica.com/biography/Gamal-Abdel-Nasser — باسم: Gamal Abdel Nasser — تاريخ الاطلاع: 9 اكتوبر 2017 — العنوان : Encyclopædia Britannica
- معرف الشبكات الاجتماعيه: https://snaccooperative.org/ark:/99166/w61g0knh — باسم: Gamal Abdel Nasser — تاريخ الاطلاع: 9 اكتوبر 2017
- فايند اغريف: https://www.findagrave.com/memorial/8183644 — باسم: Gamal Abdel Nasser — تاريخ الاطلاع: 9 اكتوبر 2017
- مُعرِّف موسوعة بروكهوس على الإنترنت: https://brockhaus.de/ecs/enzy/article/nasser-gamal — باسم: Gamal Nasser — تاريخ الاطلاع: 9 اكتوبر 2017 — المحرر: Bibliographisches Institut & F. A. Brockhaus و Wissen Media Verlag
- مُعرِّف الموسوعة الكتالونية الكبرى (GEC): https://www.enciclopedia.cat/ec-gec-0045472.xml — باسم: Nasser — العنوان : Gran Enciclopèdia Catalana — الناشر: Grup Enciclopèdia
- وصلة : 118586505 — تاريخ الاطلاع: 25 يونيه 2015 — الرخصة: CC0
- http://data.bnf.fr/ark:/12148/cb126278401 — تاريخ الاطلاع: 10 اكتوبر 2015 — المؤلف: مكتبة فرنسا الوطنية — الرخصة: رخصة حرة
- الموسوعة الثقافية ، مؤسسة فرانكلين للطباعة والنشر، القاهرة - نيو يورك 1972.
- The New Encyclopædia Britannica, Micropædia,H.H. Berton Publisher,1973-1974
- The New Encyclopædia Britannica, Macropædia,H.H. Berton Publisher,1973-1974
اوسمه
- قلادة النيل العظمى
- وسام الجمهوريه من الطبقه الاولى
- وسام الاستحقاق (مصر)
لينكات برانيه
- كيف هزم عبد الناصر جيش مصر فى سيناء ... Archived 2012-06-05 at the Wayback Machine
- الامير حسن بن طلال: أبلغنا عبد الناصر بموعد حرب 1967 ... Archived 2012-01-18 at the Wayback Machine
| محمد نجيب | الحكم: من 1953 - 1970 | محمد أنور السادات |
- جمال عبد الناصر – صور وتسجيلات صوتيه و مرئيه على ويكيميديا كومونز
- جمال عبد الناصر على موقع كيورا - Quora
- جمال عبد الناصر معرف مخطط فريبيس للمعارف الحره
- جمال عبد الناصر معرف ملف المرجع للتحكم بالسلطه فى WorldCat
- جمال عبد الناصر معرف النظام الجامعى للتوثيق
- جمال عبد الناصر معرف جران منشورات الموسوعه الكتالانيه
- جمال عبد الناصر معرف المكتبه الوطنيه اليونانيه
- جمال عبد الناصر ارشيف مونزينجر
- 0001 1262 8020 جمال عبد الناصر المعرف المعيارى الدولى للاسماء
- جمال عبد الناصر خدمه المكتبه الوطنيه
بوابة مصر