جمال الدين الشيال

جمال الدين الشيال ( دمياط ، 27 يونيه 1911 - اسكندرية ، 2 نوفمبر 1967 ) مؤرخ مصرى و استاذ كبير مشهور فى التاريخ الاسلامي. إتخرج من جامعة القاهرة سنة 1936 ، و أخد الدكتوراه فى التاريخ من جامعة اسكندريه سنة 1947 بتفوق. كرمته مصر و أخد جوايز تقديريه كتيره من الدوله منها جايزة الدوله التشجيعيه فى التاريخ. إشتغل محاضر فى معاهد و كليات مختلفه و إشتغل ملحق ثقافى لمصر فى الخارج.

 جمال الدين الشيال
معلومات شخصيه
الميلاد 27 يونيه 1911  


دمياط  

الوفاة سنة 1967 (55–56 سنة) 


اسكندريه  

مواطنه
مصر  
الحياه العمليه
المدرسه الام جامعة اسكندريه  
المهنه مؤرخ  
اللغات المحكيه او المكتوبه لغه عربى [1] 
موظف فى جامعة عين شمس  
اعمال بارزه اتعاظ الحنفا بأخبار الأئمة الفاطميين الخلفا ،  والنجوم الزاهره فى ملوك مصر و القاهره  

حقق كتب تاريخيه مهمة منها كتاب المقريزي " إغاثة الامه بكشف الغمة ، و الجزء الاول من كتاب المقريزى اتعاظ الحنفا بأخبار الائمة الفاطميين الخلفا ، و كتاب ابن واصل " مفرج الكروب فى تاريخ بنى أيوب " و له مؤلفات قيمه فى التاريخ زى " تاريخ مصر الاسلامية " ( جزئين ) اللى كتب فيه عن تاريخ مصر فى العصور المختلفه و صحح فيه غلطات للكتاب و المؤرخين المعاصرين. بوفاة جمال الدين الشيال و هو عنده 56 سنه مصر ضاع منها مؤرخ فذ مااتعوضش فيها.

اتعاظ الحنفا
الشيال حقق المجلد الاول من كتاب اتعاظ الحنفا.

كتاب " اتعاظ الحنفا بأخبار الائمة الفاطميين الخلفا " لغاية اربعينات القرن العشرين ما كانش معروف منه غير نسخه مخطوطه ناقصه فى مكتبة توبنجن فى المانيا ، و نشر عنها المستشرق الالمانى بونز كتاب سنة 1909 ( طبعة دار الأيتام فى القدس ) و اثبت إن المخطوطه اتكتبت بخط المقريزى نفسه. جمال الدين الشيال نشر النص فى القاهره سنة 1948 بعد ما صححه بشكل علمى. بعد كده اكتشف المؤرخ و المستشرق كلاود كاهين Claude Cahen ان فيه نسخه كامله من الكتاب موجوده فى مكتبة احمد التالت فى استانبول ، و بين جمال الدين الشيال ان الكتاب الاولانى ما كانش اكتر من سدس الكتاب الكامل و قدر يجيب النص الكامل و نشر المجلد الاول فى القاهره سنة 1967 لكن اتوفى و كمل الموضوع محمد حلمى احمد و نشر مجلدين تانيين فى القاهره سنة 1971 و 1973 .[2]

فهرست
  1. Identifiants et Référentiels — تاريخ الاطلاع: 7 مارس 2020 — الناشر: وكالة الفهرسة للتعليم العالي
  2. عطا ، السلوك، مقدمه، 1/10-11

من مؤلفاته
  • الاسكندرية، طوبوغرافية المدينة و تطورها من اقدم العصور الى الوقت الحاضر (1952).
  • دراسات فى التاريخ الاسلامي (1966).
  • أعلام الاسكندرية (1965).
  • مجمل تاريخ دمياط (1949).
  • الوثائق الفاطمية (1956).
  • تاريخ مصر الاسلامية (1966).

فهرست

    المراجع
    • جمال الدين الشيال : تاريخ مصر الاسلامية، دار المعارف ، القاهرة 1966.
    • المقريزي : إغاثة الامة بكشف الغمة، تحقيق جمال الدين الشيال ، مكتبة الثقافة، القاهرة 2000
    • الموسوعة الثقافية ، مؤسسة فرانكلين للطباعة والنشر، القاهرة - نيو يورك 1972
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.