جغرافية مصر
| الحياه فى مصر |
|---|
 |
| الثقافة |
| القانون والحقوق |
| الجغرافيا والسكان |
| السياسة |
| الاقتصاد |
| البنيه التحتيه |
جغرافية مصر ممكن تقسيمها لقسمين. مصر موجوده فى الجزء الشمالى من افريقيا ، لكنها تشمل شبه جزيرة سينا ، و اللى تعتبر جزء من جنوب غرب اسيا. ، علشان كده مصر جزء من شمال افريقيا و جنوب غرب اسيا.
وادى النيل بيشكل وحدة طبيعية جغرافية واقتصادية ، بتحدها من الشرق و الغرب الصحرا ، و من الشمال البحر ، و من الجنوب شلالات النيل, جغرافية مصر الخاصة خلتها بلد صعب تتهاجم ، و ده هو السبب إن مصر الفرعونية استمرت لفترة طويلة ، و كانت مستقله و قايمه بذاته.
من الوجهه الجغرافيه الطبيعيه من العصور الفرعونيه لغاية النهارده بتنقسم الأراضى المصريه لقسمين رئيسيين : الوجه البحرى اللى بيمتد فى شمال القاهره على شكل مروحه و بينهى حده البحرى عند البحر المتوسط و بيتسمى مصر السفلى. و الوجه القبلى اللى بيمتدعلى ضفتين النيل من جنوب القاهره لغاية حدود مصر الجنوبيه و بيتسمى مصر العليا او الصعيد
مساحة مصر 1001449 كيلومتر مربع من الارض ،تقريبا نفس مساحة ولاية تكساس و ولاية نيو ميكسيكو مع بعض ، او اربع مرات مساحة المملكة المتحدة ، او ضعف مساحة فرنسا.
أطول مسافة واحدة من الشمال للجنوب 1024 كيلومتر ، ومن الشرق للغرب 1240 كيلومتر . حدود مصر الطبيعية تتألف من أكتر من 2900 كيلومتر على طول ساحل البحر المتوسط ، و خليج السويس و خليج العقبة و البحر الاحمر.