جان بول مارات

چان پول مارات (24 مايو 1743 - 13 يوليه 1793) بالفرنساوى : Jean-Paul Marat كان صحفى و دكتور و سياسى. بيعتبروه صحفى الثوره الفرنسيه الخصوصى و كان بيعتبر من اهم تلات شخصيات اللى كانت بتسيطر على فرنسا وقت الثوره مع روبسبير و دانتون. اتولد فى سويسرا ودرس الطب فى انجلترا وسافر فرنسا وعاش هناك وبعد كدا اتفقر وبقى على الحديده و ماكنش لاقى ياكل و عاش فتره فى مجارى باريس , اللى جابتله مرض جلدى فضل معاه طول عمره واللى خلاه لازم يفضل ساعات كتيره فى بانيو بسوايل معينه ولما قامت الثوره الفرنسيه اتشهر كصحفى و ساند الثوار جامد و بقى من التيار المتطرف للثوار الجاكوبين, كان الحل عنده العنف والقتل, كان بيكتب مقال بيهاجم ناس وبيطالب باعدامهم عشان هما اعداء الناس واعداء الثوره وتانى يوم يجى الناس و الغوغاء مع نفسها و تروح تقتل الناس اللى بيهاجمها و يمثلوا بجثثهم بعد ما يقتلوهم. اتشهر مارات بغله الجامد و طلباته باعدام "اعداء الثوره". وكانت وجهة نظره "ان الوضع بايظ عشان الناس دى...عشان كدا لازم يتقتلوا..ولما يتقتلوا و الوضع يفضل زى ما هو يقولوا...اه كان لازم نقتل دول عشان الدنيا تتصلح وهكذا.....". اتقتل فى الاخر على ايد شارلوت كورداى بعد ما اتسبب و طالب بقتل الاف الناس و توليع الدنيا. بعد ما اتقتل قواد الثوره و انصاره اعتبروه شهيد وقديس, بالرغم ان اغلب الناس بتقول ان مرات هو من اسباب العنف والقتل اللى منغير اى لازمه اللى حصل فى الثوره الفرنسيه, اللى هى اكتر ثوره دمويه فى التاريخ, و مقالاته اللى كانت بتهيّج العامه والناس البسيطه اللى مش فاهميين حاجة و يخيلهوم يقتلوا ويدمروا. بيعتبر المتسبب بحكم الارهاب مع روبسبير.

جان بول مارات
(بالفرنساوى: Jean-Paul Marat)
معلومات شخصيه
الميلاد	24 مايو 1743 [1][2][3][4][5][6][7]
الوفاة	13 يوليه 1793 (50 سنة)[1][2][3][4][5][6][7]  باريس [8][6]
مكان الدفن	مقبرة العظماء
قتله	شارلوت كورداى [6]
مواطنه	فرنسا [9][6]
الحياه العمليه
المدرسه الام	جامعة سانت اندروز
المهنه	سياسى [10][11][12][13]،  وصحفى [14]،  ودكتور [14]
الحزب	الجاكوبيين
اللغه الام	لغه فرنساوى
اللغات المحكيه او المكتوبه	لغه فرنساوى
التوقيع

لوحة اغتيال مارات اللى رسمها چاك لوي دافيد تخليدا لذكرى مارات. )