جامعة تل ابيب

جامعة تل ابيب - بالعبرى: אוניברסיטת תל אביב -، جامعه فى اسرائيل فى منطقة رامات ابيب. جامعة تل ابيب هى اكبر جامعه فى اسرائيل و من أهم مراكز الدراسات فى اسرائيل و منطقة الشرق الأوسط و بيدرس فيها حوالى 29 الف طالب و طالبه. بتتكون الجامعه من تسع كليات و 90 معهد دراسات.

لوجو جامعة تل ابيب

جامعة تل ابيب
(بالعبرى: אוניברסיטת תל אביב)
جامعه
البلد	اسرائيل [1]
فى التقسيم الادارى	تل ابيب
معلومات
التأسيس	1956
الموقع الجغرافى
احداثيات	32°06′45″N 34°48′18″E
احصاءات
الطلاب
الموقع	الموقع الرسمى

جامعة تل ابيب.

اتفتحت الجامعه سنة 1956 بعد ماانضمت تلت معاهد دراسيه لبعضها و كونو جامعه ، و هما مدرسة تل ابيب للدراسات القانونيه و الاقتصاديه ، و معهد العلوم الطبيعيه ، معهد الدراسات اليهوديه. و فى سنة 1963 بقت الجامعه مستقله و مش تابعه لإداره تانيه.

الجامعه بتشرف كمان على مركز التصميم التكنولوجى فى حولون ، و أكاديمية دراسات تل ابيب - يافا ، و معهد افيقا الهندسى فى تل ابيب.

بتضم الجامعه كليات العلوم ، و الهندسه ، و الطب ، و الدراسات الاجتماعيه ، و الحقوق و الاداره ، و الدراسات الانسانيه ، و السينما و التلفزيون ، و علم الحياه ، و الموسيقى.

جامعة تل ابيب ليها علاقات بالجامعات المتطوره فى العالم و ليها برنامج للدراسات اليهوديه للطلاب و المدرسين من امريكا و المكسيك و برازيل و الارجنتين و فرنسا. و فيها مدرسه مخصوصه للطلاب الاجانب بتدرس بالانجليزى. فى 2010 وصلت الجامعه للمرتبه ال 138 على مستوى جامعات العالم و بقت كليتها للعلوم الطبيعيه فى المركز ال 75.

اتخرج من جامعة تل ابيب علما و باحثين كبار زى المؤرخ شولمو بن عمى ، و عالم الاثار اسرائيل فينكيلستاين و عالم الرياضيات نوجا الون و عالم الفيزيا ياكير اهرانوف و رائد الفضاء إيان رامون و غيرهم.