توت عنخ امون

توت عنخ امون'(مصري قديم: twt-ˁnḫ-ı͗mn; تقريب النطق: /təwaːt ʕaːnəx ʔaˈmaːn/) (1361 - 1352 ق.م)، ملك مصر، من العيله الثامنة عشرة. أظهرت الدراسات المعملية اللى تمت على الحمض النووي DNA لأكثر من مومياء أنه على الأرجح ابن اخناتون و أمه بنت الملك امنحتب التالت و الملكة تي لكن يظل اسمها مش معروف بالضبط ، وهكذا تي كانت جدته مش أمه مثل ما كان البعض يعتقد، و لا الملكة نفرتيتى

قناع توت عنخ امون

توج توت عنخ آمون و هو فى بداية المطلع التانى من عمره و توفي و هو لم يكمل التاسعة عشرة من عمره. اتنصل من دين أبوه إخناتون و رجع من أخت اتون (تل العمارنه دلوقتى ) على طيبة و عبادة الإله آمون. رغم أنه لم يقم بأعمال كبيرة، لكنه يعتبر من أشهر ملوك مصر فى العالم علشان تحفه و كنوزه اللى تضم قناعه البديع عثر عليها المصرولوجى هوارد كارتر سليمة فى مقبرته فى وادي الملوك سنة 1922. دى الكنوز معروضة حالياً فى المتحف المصري فى القاهرة.

بينت دراسات أجريت على حمضه النووي اللى أعلنت نتائجها فى فبراير 2010 أن توت عنخ آمون توفي سنة 1324 قبل الميلاد ولم يكمل التاسعة عشرة من عمره و أنه على الأرجح توفي بسبب ملاريا حادة وأنه كان يعاني من قصور فى الدورة الدموية فى أنسجة العظم، وبكده انتهت أسطورة مقتله.

توت عنخ آمون كان فرعون مصر من سنة 1334 ولغاية سنة 1325 قبل الميلاد. وفي زمن الدولة الجديدة. كان توت عنخ آمون من أشهر الفراعنة لأسباب مش ليها علاقة بإنجازاته أو بالحروب اللى انتصرت فيها مصر بحكمة مثل فراعنة تانيين؛ لكن فى الحقيقة كانت لأسباب تانيه تعتبر مهمة بالنسبة للتاريخ والمؤرخين ومن أهمها اكتشاف مقبرته وكل كنوزه سليمة لا شيء منها مخرب أو مسروق . وذلك و موته فى سن صغير خصوصاً أنهم وجدوا كسوراً فى العظم والفخد والرأس، وأسباب تانيه بعد موته زادت غموض حكاية وفاته فى سن صغير مثل زواج زوجته بوزير من وزرائه اللى أعلن نفسه فرعون من بعده.