تقويم هجرى
التقويم الهجري او التقويم الاسلامي هو تقويم قمرى بيعتمد على دورة القمر لتحديد الشهور، وبيستخدمه المسلمين فى كل مكان خصوصاً فى تحديد المناسبات الدينية. انشأه الخليفة عمر بن الخطاب و خلى هجرة الرسول من مكة الى المدينة مرجع لأول سنة فيه، وده سبب تسميته بالتقويم الهجري. رغم أن التقويم اتعمل فى عهد المسلمين لكن اسامي الشهور والتقويم القمرى كات بتستخدم من ايام الجاهليه.
| ||||
|---|---|---|---|---|
 | ||||
| بيتكون من | شهر محرم ، وشهر صفر ، وربيع الأول ، وربيع التانى ، وجمادى الأولى ، وجمادى الآخرة ، وشعبان ، وشهر رمضان ، وشهر شوال ، وذو القعدة ، وذو الحجة | |||
| بيتكون من | شهر محرم شهر صفر ربيع الأول ربيع التانى جمادى الأولى جمادى الآخرة شعبان شهر رمضان شهر شوال ذو القعدة ذو الحجة | |||
وكان 1ربيع الاول هو بدايه السنه الهجرية لكن بعد فتره زمنيه وفي عهد الامويين تم رجوع شهران الى الوراء لاسباب دينية واعتبر 1محرم هو بداية السنه الهجريه وبقية الي اليوم.
فيه بلاد عربيه بتتخذ التقويم الهجري كتقويم رسمي لتوثيق المكاتبات الرسميه بين دواير الدوله الرسميه لكن عامّة الشعوب العربية بتألف وبتتعامل بالتقويم الميلادي اكتر من التقويم الهجري ما عادا المملكة العربية السعودية الي بتتعامل بالتقويم الهجري على المستويين، الرسمي والشعبي.
بيتكون التقويم الهجري من 12 شهر قمري، يعني السنه الهجريه بتساوي 354 يوم تقريباً، بالتحديد 354.367056 يوم، والشهر فى التقويم الهجري اما انه بيكون 29 او 30 يوم (لان دورة القمر الظاهرية بتساوي 29.530588 يوم). ولان هناك فرق 11 يوم بين بالتقويم الميلادي الشايع والتقويم الهجري فالتقويمين ما بيتزامنوش، فده بيخلي التحويل بين التقوميين صعب.
الشهور فى التقويم الهجري
- محرّم (محرّم او المحرّم) هو اول شهور السنه الهجريه وهو من الشهور اللى بتتسمى الاشهر الحرّم: اتسمى المحرّم لان العرب كانو بيحرموا القتل فيه.
- صفر: اتسمى صفر لان مساكن العرب كات "بتصفر"، يعني بتخلى من سكانها اللى بيروحوا يحاربوا. وفيه بيقولوا لان العرب كانو بيغزوا فيه القبايل فكانوا بيسيبوا اللى بيحاربوهم صفر المتاع.
- ربيع الاول: اتسمى كده لان تسميته حصلت فى الربيع.
- ربيع التانى: اتسمى كده لان تسميته حصلت فى الربيع.
- جمادى الاولانىى: كان بيتسمى قبل الاسلام "جمادى خمسة"، واتسمى جمادى لانه جه فى الشتا وقت التسمية، وقت تجمد الميه.
- جمادى الاخرة: كان اسمه قبل الاسلام "جمادى ستة"، اتسمى كده لان تسميته حصلت فى الشتا هو كمان.
- رجب من الاشهر الحرم. اتسمى كده عشان العرب كانو بترجبه و بيسيبوا القتال و الحروب فيه.
- شعبان: اتسمى كده عشان لتشعب القبائل العربية آو قوميتهم وافتراقها للحروب مرة تانيه بعد قعودها عنها فى شهر رجب وقت ما كانت محرمة عليهم
- رمضان وده شهر الصيام عند المسلمين. اتسمى كده بسبب "رموض" الحر وحرارة الشمس فيه وقت تسميته.
- شوال وفيه عيد الفطر. واتسمى كده بسبب شولان الجمال فيه بديولها لما بتحبل "يعني بينقص وبيجف لبنها"
- ذو القعدة وهو من الاشهر الحرم: اتسمى ذا القعدة بسبب قعودهم فى رحالهم ومابيغزوش بما انه من الشهور الحرم.
- ذو الحجة وفيه موسم الحج وعيد الاضحى و هو من الاشهر الحرم. اتسمى كده لان العرب كانو بيروحوا يحجوا فيه.
شوف كمان
| ايمان | توحيد • الله • نبوه • محمد • الايمان بالملائكه • ايمان الكتب • ايمان القدر • الايمان بالاخره • الجنه |  |
|---|---|---|
| اركان | ||
| مصادر | ||
| تاريخ | ||
| عالم اسلامى | ||
| تفقه | ||
| طوايف | ||
| غيرها | ||