تقويم قبطى

تقويم قبطى
تقويم قبطى
صنف فرعى من	تقويم شمسى ، وتقويم 13 شهر ، والتقويم الليتورجى
اشتق منه	تقويم مصرى
الاستعمال	التقويم الليتورجى
بيتكون من	شهر التقويم القبطى
مختلف عن	تقويم مصرى
بيتكون من	شهر التقويم القبطى

النهارده:

2 يونيه 2023 ميلادى - 25 بشنس 1740 قبطى

نقش على سقف مقبرة سنموت يوضح توزيع أيام التقويم المصري

An 11th-century Coptic calendrical icon displaying two months of saints

التقويم القبطى او تقويم الشهداء هوه تقويم معتمد أساسا على التقويم المصرى القديم وهو تقويم شمسي وضعه قدماء المصريين لتقسيم السنه الى 13 شهر، ويعتمد على دورة الشمس. ويعتبر التقويم المصري من أوائل التقاويم اللي عرفتها البشرية. كمان أنه ادق تقويم الايام دى من ظروف المناخ والزراعة خلال السنه؛ فيعتمد عليه المزارع المصري فى مواسم الزراعة والمحاصيل اللي بيقوم بزراعتها ، من آلاف السنين ولغاية دلوقتى.

تاريخ

فى ايام دقلديانوس حدثت اضطهادات قاسية على الديانة المسيحية سنهة وبالخصوص الأقباط ، ابتدت الاضطهادات فى الدولة الرومانية على المسيحية ابتداء من نيرون لكن بتتضاءل قدام قساوة ووحشية سلسلة الاضطهادات اللي ابتداها "دقلديانوس" وكملها أعوانه.

فاصدر دقلديانوس بالاتفاق مع معاونيه فى 23 فبراير سنه 303م منشور يقضى بهدم الكنائس وحرق الكتب المقدسة وطرد كل ذوى المناصب الرفيعة من المسيحيين وحرمانهم من الحقوق المدنية، وحرمان العبيد من الحرية ان أصروا على الاعتراف بالمسيحية.

كما نص المنشور على معاقبة من يخالف ذلك دون تحديد العقوبة.

كمان أصدر دقلديانوس منشورين متلاحقين فى مارس سنه 303م يقضى اولهما بسجن كل رؤساء الكنائس، ويقضى ثانيهما بتعذيبهم بقصد قسرهم على جحد الايمان.

فاستشهد من الأقباط مئات الالاف من جراء الاضطهادات، ورغم أن دقلديانوس لم يبدأ اضطهاده للمسيحيين الا سنه 303م الا أنه لفظاعة ده الاضطهاد اتخذت الكنيسة القبطية بداية حكم ده الطاغية وهى سنه 284م- بداية لتقويمها المعروف باسم تاريخ الشهداء.

ويسير تقويم الشهداء على نظام التقويم المصرى القديم اللي بيتخذ نجم سبدت Spdt (الشعري اليمانية) اساسا لبناء وعدد ايام السنه ويوم الكبير، اى أن كل اربع سنين يكون تلاته منها طول الواحدة 365 يوم بس وسنه واحدة يكون طولها 366 يوما ويضاف اليوم الزائد الى الشهر الصغير اى الى ايام النسئ الخمسة فتصبح ستة ايام فى تلك السنه.

أسامى الشهور القبطيه

توت, بابه, هاتور, كياك (كيهك), طوبه, امشير , بارمهات, بارموده , بشنس, بؤونه, ابيب, مسرا , نسئ

السنه القبطية

**السنه القبطية او المصرية القديمة**
الرقم	الشهر باللغه مصريه	الشهر باللغة قبطية	بحروف ابجدية لاتينية	الشهر بالديموطيقية	المقابل بتقويم ميلادي جريجوري
1	توت	Ⲑⲱⲟⲩⲧ	Thout	تحوت	11 سبتمبر - 10 اكتوبر
2	بابه	Παωπε	Paopi	هاپي	11 اكتوبر - 10 نوفمبر
3	هاتور	ϩⲁⲑⲱⲣ	Hathor	حتحور	11 نوفمبر - 9 ديسمبر
4	كياك (كيهك)	Ⲕⲟⲓⲁⲕ	Koiak	كا - ها - كا	10 ديسمبر - 8 يناير
5	طوبه	Τωβε	Tobi	أمسو - خـِم	9 يناير - 7 فبراير
6	امشير	Ⲙⲉϣⲓⲣ	Meshir	مـِچير	8 فبراير - 9 مارس
7	بارمهات	Ⲡⲁⲣⲉⲙϩⲁⲧ	Paremhat	مونت	10 مارس - 8 ابريل
8	بارموده	Παρεμουδε	Paremoude	رِنّو	9 ابريل - 8 مايو
9	بشنس	Ⲡⲁϣⲟⲛⲥ	Pashons	خنتي	9 مايو - 7 يونيه
10	بؤونه	Ⲡⲁⲱⲛⲓ	Paoni	Ⲉⲡⲓⲡ	8 يونيه - 7 يوليه
11	ابيب	Ⲉⲡⲓⲡ	Epip	أپيدا	8 يوليه - 6 اغسطس
12	مسرا	Ⲙⲉⲥⲱⲣⲓ	Mesori	مس - اُو - راي	7 اغسطس - 5 سبتمبر
13	نسيئ	Ⲡⲓⲕⲟⲩϫⲓ ⲛ̀ⲁⲃⲟⲧ	Pi Kogi Enavot		6 سبتمبر - 10 سبتمبر

امثله مصريه للشهورالقبطيه

توت 11 سبتمبر - 10 اكتوبر
- فى توت لا تدع الفرصة تفوت
- فى توت أروى ولا تفوت
- توت يقول للحر موت
- توت حاوي توت
- توت يقول للبرد اتفضل فوت
بابه 11 اكتوبر - 9 نوفمبر
- بابه خش واقفل الدرابة
- بابة ادخل واقفل البوابة ..
- ان صح زرع بابه يغلب النهابة
- ان خف زرع بابه مايبقاش فيه ولا لبابه
هاتور 10 نوفمبر - 9 ديسمبر
- هاتورأبو الذهب المنثور او
- ان فاتك زرع هاتور, استنى لما السنه تدور
كياك 10 ديسمبر - 8 يناير
- كيهك صباحك مساك, تقوم من فطورك تحضر عشاك
- البهايم اللى متشبعش فى كياك ادعى عليها بالهلاك
- كياك صباحك مساك، شيل يدك من غداك ، وحطها فى عشاك
طوبه 9 يناير - 7 فبراير
- طوبه يخلى العجوزة كركوبة
- الغِطاس عيد القلقاس
- اللى مايأكلش قلقاس يوم الغطاس يصبح جته من غير راس
- طوبه تزيد الشمس طوبة
- طوبه تخلي الصبية جلدة والعجوزة قردة
- الاسم لطوبة والفعل لأمشير
- طوبه ماتبلش ولا عرقوبة ..
امشير 8 فبراير - 10 مارس
- امشير ابو الزعابيب الكتير ياخد العجوزة ويطير
- أمشير ابو الزعابير
بارمهات 10 مارس - 8 ابريل
- بارمهات روح الغيط وهات
بارموده 9 ابريل - 8 مايو
- فى بارموده دق العمودة
بشنس 9 مايو - 7 يونيه
- بشنس يكنس الغيط كنس
بؤونه 8 يونيه - 7 يوليه
- بؤونه ابو الحراره الملعونه
- شهر بؤونة يفلق الحجر
- بؤونه نقل وتخزين المونة
ابيب 8 يوليه - 9 اغسطس
- ان كلت ملوخيه ابيب, هات لبطنك طبيب
- فى ابيب يفور النيل
- ابيب فيه العنب يطيب
- ابيب مية النيل فيه تريب
- ابيب اللى ياكل ملوخية يروح للطبيب
مسرا 7 أغسطس - 5 سبتمبر
- مسرى تجرى فيه كل ترعة عسرة
- عنب مسرى ان فاتك متلقاش ولا كسرة
ماشوفتش زى ما فى مصر من : مايّة طوبة، ولبن أمشير، وخروب برمهات، وورد برمودة، ونبق بشنس، وتين بؤونة، وعسل ابيب، وعنب مسرى، ورطب توت، ورمان بابة، وموز هاتور، وسمك كيك.

ايام الاسبوع بالقبطى

ايــام الاسبوع باللغــه القبطيـــه - ni ehoou nte pi ansas - نى ايهوؤ انتى بى ان شاشف :

الاحد - بى اوواى - pi ouai
الاثنين - بى اسناف - pi cnau
الثلاثاء - بى شومت - pi somt
الاربعاء - بى افتوؤ - pi ftoou
الخميس - بى اتيوو - pi tiou
الجمعة - بى سوو - pi coou
السبت - بى شاشف - pi sasf

شوف كمان

التاريخ النهارده حسب التقويم القبطى: 25 بشنس 1740

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.