تقويم سريانى
التقويم السريانى او الاشهر السريانية هوا تقويم شمسى من 12 شهر اصولها فى اللغه الأراميه، دخلت اللغه العربيه من اللغة السريانيه، اللى اتعربت فالتقويم السريانى هو المستعمل رسميا فى دول المشرق العربى (سوريا وفلسطين والأردن ولبنان والعراق). و الشهور هى :
| رقم الشهر | شهور سريانيه | شهور قبطيه | شهور رومانيه (معربة عن اللاتينيه) | شهور رومانية (معربة عن الفرنسيه) | شهور عربيه |
|---|---|---|---|---|---|
| 01 | كانون الثانى | طوبه | يناير | جانفى | محرم |
| 02 | شباط | امشير | فبراير | فيفرى | صفر |
| 03 | اذار | برمهات | مارس | مارس | ربيع الاول |
| 04 | نيسان | بارموده | ابريل | افريل | ربيع التانى |
| 05 | ايار | بشنس | مايو | ماى | جمادى الاولانىى |
| 06 | حزيران | بؤونه | يونيو | جوان | جمادى الاخرة |
| 07 | تموز | ابيب | يوليو | جويليه | رجب |
| 08 | اب | مسرا | اغسطس | اوت | شعبان |
| 09 | ايلول | توت | سبتمبر | سبتمبر | رمضان |
| 10 | تشرين الاول | بابه | اكتوبر | اكتوبر | شوال |
| 11 | تشرين الثانى | هاتور | نوفمبر | نوفمبر | ذو القعدة |
| 12 | كانون الاول | كياك | ديسمبر | ديسمبر | ذو الحجة |
- طول كل شهر من الشهور القبطيه 30 يوم تضاف ليها 5 ايام فى السنة البسيطة و6 ايام فى السنة الكبيسه .. وتسمى تلك الايام ايام النسيء
- اتعربت اسماء الشهور الرومانيه عن اللاتينية بالأندلس لما دخلها العرب .. تستعمل اساسا فى المغرب
- اتعربت اسماء الشهور الرومانية عن الفرنسية فى الجزائر بعد الإستعمار الفرنساوى لها.. وتستعمل الاسماء فى الجزائر و فى تونس برضه
| ||||
|---|---|---|---|---|
 | ||||
امثله عربيه للشهور السريانيه فى بلاد الشام
ارتبطت الاشهر دى بالأمثال الشعبية المتعلقة بمواسم الزراعة والحصاد والأمطار والطقس، ومن الأمثال:
- شباط ما عليه رباط
- شباط لباط روايح الصيف فيه
- آذار ابو الزلازل والأمطار
- آذار الغدار
- إذا إجت (كان المحصول غزيراً) وراها آذار، وإذا أمحلت وراها آذار
- مطر نيسان بيحيي الانسان
- آب اللهاب
- بين تشرين الاول وتشرين التانى صيف ثاني
- إيلول ذنبو مبلول (أواخر شهر أيلول تغمره الأمطار)
- تموز يفور الماء فى الكوز
- إجى كانون تختبى ببيتك يا مجنون (دلالة على البرد)
- هواء كوانين(كانون الاول والثاني) يخرق المصارين (يخترق الأمعاء الداخلية)
امثله مصريه للشهورالقبطيه
- توت 11 سبتمبر - 10 اكتوبر
- فى توت لا تدع الفرصة تفوت
- فى توت أروى ولا تفوت
- توت يقول للحر موت
- توت حاوي توت
- توت يقول للبرد إتفضل فوت
- بابه 11 اكتوبر - 9 نوفمبر
- بابه خش واقفل الدرابة
- بابة ادخل واقفل البوابة ..
- إن صح زرع بابه يغلب النهابة
- إن خف زرع بابه مايبقاش فيه ولا لبابه
- هاتور 10 نوفمبر - 9 ديسمبر
- هاتورأبو الذهب المنثور او
- إن فاتك زرع هاتور, إستنى لما السنه تدور
- كياك 10 ديسمبر - 8 يناير
- كيهك صباحك مساك, تقوم من فطورك تحضر عشاك
- البهايم اللى متشبعش فى كياك ادعى عليها بالهلاك
- كياك صباحك مساك، شيل يدك من غداك ، وحطها فى عشاك
- طوبه 9 يناير - 7 فبراير
- طوبه يخلى العجوزة كركوبة
- الغِطاس عيد القلقاس
- اللى مايأكلش قلقاس يوم الغطاس يصبح جته من غير راس
- طوبه تزيد الشمس طوبة
- طوبه تخلي الصبية جلدة والعجوزة قردة
- الاسم لطوبة والفعل لأمشير
- طوبه ماتبلش ولا عرقوبة ..
- امشير 8 فبراير - 10 مارس
- امشير ابو الزعابيب الكتير ياخد العجوزة ويطير
- أمشير ابو الزعابير
- بارمهات 10 مارس - 8 ابريل
- بارمهات روح الغيط وهات
- بارموده 9 ابريل - 8 مايو
- فى بارموده دق العمودة
- بشنس 9 مايو - 7 يونيه
- بشنس يكنس الغيط كنس
- بؤونه 8 يونيه - 7 يوليه
- بؤونه ابو الحراره الملعونه
- شهر بؤونة يفلق الحجر
- بؤونه نقل وتخزين المونة
- ابيب 8 يوليه - 9 اغسطس
- إن كلت ملوخيه ابيب, هات لبطنك طبيب
- فى ابيب يفور النيل
- ابيب فيه العنب يطيب
- ابيب مية النيل فيه تريب
- ابيب اللى ياكل ملوخية يروح للطبيب
- مسرا 7 أغسطس - 5 سبتمبر
- مسرى تجرى فيه كل ترعة عسرة
- عنب مسرى إن فاتك متلقاش ولا كسرة
- ماشوفتش زى ما فى مصر من مايّة طوبة، ولبن أمشير، وخروب برمهات، وورد برمودة، ونبق بشنس، وتين بؤونة، وعسل ابيب، وعنب مسرى، ورطب توت، ورمان بابة، وموز هاتور، وسمك كيك.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.