بلال فضل

بلال فضل سيناريست و صحفى و كاتب ساخر مصرى من مواليد سنة 1974 و عاش و اتربى فى محرم بك فى اسكندريه ، اتخرج من كلية الإعلام جامعة القاهرة قسم الصحافة سنة 1995 بتقدير امتياز مع مرتبة الشرف. اشتغل تحت التمرين فى جرنال روز اليوسف و بعدين سكرتيرا لرئيس تحرير لجرنال الدستور (ابراهيم عيسى) لحد ما طلع قرار حكومى بقفل الجرنال سنة 1998 بعدها اشتغل فى اكتر من مجلة و جرنال لحد ما ساب الصحافة و قرر انه يتجه لكتابة السيناريو. اشهر الافلام اللى كتبها هى واحد من الناس ، الباشا تلميذ ، بس رجع يكتب تانى فى الجرايد لما رجعت جرنال الدستور مرة تانيه فى سنة 2005 و بقى بيكتب بشكل اسبوعى و بيحرر صفحة اسبوعية فى الجرنال و بعدين بقى بيكتب فى المصرى اليوم و بعدين دلوقتى بيكتب فى جرنال الشروق و بيقدم المعصرة ، كتابة و رسومات ساخرة سياسية، مع رسام الكاريكاتير عمرو سليم. كان قدم كمان برنامج اسبوعى على قناة دريم 2 اسمه عصير الكتب ، و كان بيناقش و بيعرض كتب من مجالات مختلفه. بلال فضل كتب اكتر من كتاب و معروف بكتابته الساخرة السكان الاصليين لمصر ، ما فعله العيان بالميت و غيرها.

 بلال فضل
معلومات شخصيه
اسم الولاده (بالعربى: بلال محمد ناصر فضل بابريك) 
الميلاد 5 سبتمبر 1974 (49 سنة)[1] 


القاهره  

مواطنه
مصر
اليمن  
الحياه العمليه
المدرسه الام جامعة القاهره  
المهنه سيناريست ،  وكاتب ،  وممثل  
اللغه الام عربى  
اللغات المحكيه او المكتوبه عربى  
المواقع
IMDB صفحته على IMDB 
السينما.كوم صفحته على السينما.كوم 

من اشهر سيناريوهاته

مؤلفاته
  • بني بجم: مجموعة قصصية عن دار ميريت 4 طبعات.
  • قلمين: كتاب سياسي ساخر بيجمع المقالات اللى كتبها فى جرنال الدستور ، صادر عن دار ميريت 4 طبعات.
  • السكان الاصليين لمصر: عن دار ميريت قبل أسابيع.
  • ما فعله العيان بالميت:صدرت طبعتها السادسة فى معرض الكتاب 2010.
  • ضحك مجروح: عن دار الشروق فى معرض الكتاب 2010 و خلصت الطبعة الاولي فى المعرض.
  • ست الحاجة مصر: عن دار الشروق.

لينكات برانيه

المصادر
  1. https://elcinema.com/person/1045300/ — تاريخ الاطلاع: 15 نوفمبر 2020
 بلال فضل على مواقع التواصل الاجتماعى
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.