اوروبا

اوروپا (يونانى: Ευρώπη; انجليزى: Europe) هى واحدة من السبع قارات اللى موجودين فى الكورة الارضية و مساحتها حوالى 10 مليون كيلومتر مربع و بكده تكون تاني اصغر قارة فى العالم بعد اوستراليا. اوروپا هى تالت قارة فى العالم من عدد السكان بعد اسيا و افريقيا و عايش فيها دلوقتي 731,000,000 انسان. القارة بيحدها من الشمال المحيط القطبي ومن الغرب المحيط الاطلنطي و يفصلها عن قارة افريقيا البحر المتوسط. اما من ناحية الشرق فبيفصلها عن قارة اسيا جبال الاورال و بحر قزوين و البحر الاسود و جبال القوقاز. اوروپا فيها عدد كبير من الدول المستقلة ( 50 دولة )اكبر دولة بينهم هيا روسيا و اصغر دولة بينهم هيا الفاتيكان. اوروپا هى اصل الحضارة الغربية و من زمان هيا فيها مراكز حضارية عظيمة زي الحضارة اليونانية و الرومانية و من اول القرن الستاشر بدات قوتها و نفوذها يتوسع لحد ماسيطرت الدول الاوروپية على معظم دول افريقيا و امريكا الشمالية و الجنوبية و اسيا و اوستراليا. اوروپا دخلت حربين عالميتين ورا بعض و اللى قصقصو نفوذها و دمرو اقتصادها و خلوها تخسر معظم مستعمراتها. دلوقتي اغلب دول القارة بيجمعهم اتحاد سياسي-اقتصادي هو الاتحاد الاوروپي. من اكبر المدن اللى فى اوروبا باريس و لندن و روما و بوخارست و برلين و استانبول و موسكو ومدريد و اتينا.

قارة اوروپا متعلّم عليها بالاخضر
صورة ل قارة اوروپا متاخدة ب القمر الصناعي

اللغات

 
اوروبا قارة غنية باللغات الكتيرة وكلها تقريبا بتتبع عيلة اللغات الهندوأوروبية و أغلب اللغات دي ممكن تتقسم فى تلات مجموعات رئيسية: اللغات الرومانسية اللى جاية من اللاتينبي

، اللغات الجيرمانية واللي جاية من جنوب أسكندنافيا و اخيرا اللغات السلافية فى شرق أوروبا وكمان فى لغات زي المالطي اللى بيعتبر لهجة جاية من العربي و التركي و الباسكي اللى بره العيلة او المجموعات دي.

اللغات الهندو-اوروپيه

كما رأينا فى الأعلى فهده اكبر عيلة لغويةفي اوروبا و تضم :

  1. اللغات الرومانسية كالايطالي و الفرنسية و الاسباني و اللغة الرومانيه و البرتغالي
  2. اللغات الجيرمانية كالانجليزي و الألماني و الأيسلاندي والدانيماركي و السويدي و النوريجي
  3. اللغات السلافية كالروسي و الأوكراني و البولجاري و التشيكي و البولاندية و الصربي و الكرواتي و البوسني.
  4. الألباني
  5. اليوناني

اللغات الألتية

و هى بتضم شوية لغات أهمها التركي.

الباسكى

و هى لغة معزوله و ملهاش قرايب من نفس العيله فى اوروپا و بيتكلمها دلوئتى سكان اقليم الباسك فى شمال اسبانيا.

اللغات الأورالية

وهي بتضم الفنلندي و المجري.

اللغات السامية

اللغات السامية ليها تمثيل واحد بس :المالطي و اللى بيتفرع من العربي و بيكتب بحروف لاتيني.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.