الهام شاهين
الهام شاهين (3 يناير 1960 -) ممثلة مصرية
| ||||
|---|---|---|---|---|
 | ||||
| معلومات شخصيه | ||||
| الميلاد | 3 يناير 1960 (63 سنة) | |||
| مواطنه |  | |||
| الطول | ||||
| الحياه العمليه | ||||
| المدرسه الام | المعهد العالى للفنون المسرحيه | |||
| المهنه | ممثله | |||
| اللغات المحكيه او المكتوبه | عربى | |||
| بداية فترة العمل | 1981 | |||
| المواقع | ||||
| IMDB | صفحتها على IMDB | |||
| السينما.كوم | صفحتها على السينما.كوم | |||
نشأتها
اتولدت الهام شاهين يوم 3 يناير 1960 فى القاهره عاصمة مصر ، اخدت بكالوريوس من معهد الفنون المسرحية قسم تمثيل سنة 1982. بدأت حياتها الفنية لما قدمها المخرج كمال ياسين فى مسرحية (حورية من المريخ) . بدأت حياة الهام شاهين السينمائية فى التمانينات فى فيلم (أمهات فى المنفى) سنة 1981 و بعدين فيلم (العار) سنة 1982 الي كان بدايتها الحقيقية وبداية معرفة الجمهور بيها، وكانت فترة التمانينات هيه الفترة الأكتر ظهور لإلهام شاهين لأنها قدمت خلالها 33 فيلم منها (السجينتان) و (ايام الغضب) و (بستان الدم) وكانت أكتر سنين ظهور وتألق سنتين 86 و 87 لأنها قدمت خلال سنة 86 لوحدها 10 افلام وخلال سنة 87 قدمت 8 افلام وفى سنة 1992 قدمت (الحجر الداير) و (الحب المر) . اجمالي افلامها تقريبا 74 فيلم منها (رزق البنات) و (سوق المتعة) و (الأخطبوط) و (نساء بلا تجارب) و (الرغبة) وغيرها .
قدمت الهام شاهين عدد من المسلسلات الجديدة للتليفزيون أهمها : (اخو البنات) و(قال البحر) و (حتى لا يختنق الحب) و (ليالى الحلمية) و (نصف ربيع الاخر) و (البرارى والحامول) و (الحاوى) و (سامحونى ماكنش قصدى) و (بنات أفكارى) .
خدت إلهام شاهين جوايز كتير من المهرجانات المصرية والعالمية عن افلامها زي فيلم (يا دنيا يا غرامى) وفيلم (الجنتل).
إلهام شاهين اتجوزت الخبير السياحي عادل حسني وانفصلت عنه مرتين بسبب مشاكل متعلقة بانتاجه أفلام فى السر، و بعد كده اتجوزت رجل الاعمال اللبنانى عزت قدوره اللى وافق على ان العصمة تبقى فى إيديها وطلقت نفسها منه بسبب رفضه إعلان جوازهم وده عمل بينهم مشاكل كبيرة وصلت لدرجة أنه بعت واحد يرمى على وشها مية نار لكن محاولته فشلت .
من اعمالها
- لحم رخيص
- أمهات فى المنفي
- سوق المتعة
- الحجر الداير
- نساء بلا تجارب
- يا دنيا يا غرامي
- موعد مع الرئيس
- رزق البنات
- ايام الغضب
- جنون الحياة
- السيرة العاشورية
- الجنتل
- خالى من الكوليسترول
- خلطة فوزية
- واحد صفر
- قضية معالى الوزيرة
- نظرية الجوافة
- هز وسط البلد
- ريجاتا
مصادر
لينكات برانيه
- الهام شاهين على موقع قاعدة بيانات الأفلام على الإنترنت - IMDb (الإنجليزية)
- الهام شاهين على موقع قاعدة بيانات الأفلام المصريه (العربية)
| ||||
|---|---|---|---|---|
