المملكه العربيه السعوديه
المملكه العربيه السعوديه او السعوديه ، مملكه مساحتها حوالى 2,149,690 كم2 فى جنوب غرب اسيا ، و عدد سكانها 27,123,977. السعوديه بتغطى معظم شبه جزيرة العرب و بتمتد عرضياً من الخليج العربى للبحر الاحمر. عاصمتها الرياض و اهم موانيها جده على البحر الاحمر. بتشترك السعوديه فى حدودها مع اليمن و سلطنة عمان و الامارات و قطر و الكويت و العراق و الأردن.
| ||||
|---|---|---|---|---|
| (بالعربى: الْمَمْلَكَةُ الْعَرَبِيَّةُ السُّعُودِيَّة) | ||||
 | ||||
 المملكه العربيه السعوديه |
 المملكه العربيه السعوديه |
|||
.svg.png.webp) | ||||
| الشعار الوطنى (بالانجليزى: There is no god but God; Muhammad is the messenger of God)، و(بالعربى: لَا إِلٰهَ إِلَّا ٱلله مُحَمَّدٌ رَسُولُ ٱلله)، و(بالعربى: Lā ilāha illā llāh Muhammadun rasūlu llāh.)، و(بالألمانى: Es gibt keinen Gott außer Gott und Mohammed ist der Gesandte Gottes.)، و(بالدنماركى: Jeg bekender, at der ingen der må tilbedes, undtagen Allah, og jeg bekender, at Muhammed er Allahs profet)، و(بالانجليزى: Experience to discover) | ||||
| النشيد :النشيد الوطنى السعودى | ||||
| الاسم الاصلى | (بالعربى: المملكة العربية السعودية) | |||
| اسماء تانيه | سعود الاول | |||
| رمز يونيكود | 🇸🇦 | |||
| الارض و السكان | ||||
| إحداثيات | 23°43′00″N 44°07′00″E [1] | |||
| القاره | اسيا | |||
| مسطحات مائيه قريبه | الخليج الفارسى البحر الاحمر | |||
| اعلى قمه | ||||
| اخفض نقطه | ||||
| المساحه | ||||
| عاصمه | الرياض | |||
| اللغه رسميه | عربى [2] | |||
| الدين | وهابيه [3][4][5][6] | |||
| الدين الرسمى | ||||
| التعداد السكانى | ||||
| عدد الاسر | ||||
| متوسط العمر | ||||
| الحكم | ||||
| نظام الحكم | ملكية مطلقة | |||
| ملوك المملكه العربيه السعوديه | سلمان بن عبد العزيز آل سعود (23 يناير 2015–) | |||
| رئيس وزرا المملكه العربيه السعوديه | سلمان بن عبد العزيز آل سعود (23 يناير 2015–) | |||
| السلطه التشريعيه | رئيس وزرا المملكه العربيه السعوديه | |||
| التأسيس و السياده | ||||
| التاريخ | ||||
| تاريخ التأسيس | 1727[7][8] | |||
| مؤشر التنميه البشريه | ||||
| المؤشر | ||||
| معدل البطاله | ||||
| متوسط الدخل | ||||
| اقتصاد | ||||
| معدل الضريبه القيمه المضافه | ||||
| السن القانونيه | ||||
| سن التقاعد | ||||
| بيانات تانيه | ||||
| العمله | ريال سعودى | |||
| الرمز الرسمى | صقر | |||
| دومين اعلى مستوى | .sa | |||
| أرقام التعريف البحريه | 403 | |||
| الموقع الرسمى | الموقع الرسمى | |||
| ايزو 3166-1 الفا-2 | SA | |||
| رمز التيليفون الدولى | +966 | |||
بتعتبر السعوديه من البلاد المهمه فى النواحى الاقتصاديه و السياسيه و الدينيه. فاقتصادها هو أقوى اقتصاد فى المنطقه العربيه و هى اكبر مصدر للبترول فى العالم. موقع السعوديه ما بين البحر الاحمر و الخليج بيديها اهميه استراتيجيه و سياسيه ، و وجود اهم مقدسات المسلمين على اراضيها فى مكه و المدينه بيدوها مكانه مركزيه فى العالم الاسلامى. ازدهرت الثقافه فى السعوديه فى السنين الاخيره و بقى فيها باحثين و كتاب على مستوى عالى من العلم و الاستناره و كتير منهم اتلقوا تعليمهم فى اكبر جامعات العالم.
اتولى حكم المملكه العربيه السعوديه لغاية دلوقتى سبع ملوك اخرهم الملك الحالى سلمان بن عبد العزيز.
جغرافيا و اقتصاد
بتتكون السعوديه من سهل ساحلى ( تهامه ) فى الغرب و وراه جبال السراة ، و المنطقه الوسطى فيها هضبة نجد اللى بتنتهى فى الشرق عند منطقه رمليه واسعه اسمها النفود الكبير ، وفى الجنوب عند صحارى الربع الخالى. صحرة الدهناء بتوصل مابين الصحرتين و وراها اقليم الاحساء.
مناخ السعوديه قارى جاف و بتعتمد فيها الزراعه البسيطه على المايه الجوفيه من الابيار و العيون الطبيعيه او على ماية المطر القليله اللى بتخزنها السدود المبنيه فى الاوديه. اهم الغلات الزراعيه هى الشعير و القمح و البرسيم و الخضار و الفواكه.
البترول بعد اكتشافه بقى اساس الاقتصاد السعودى بعد الحرب العالميه التانيه و اهم حقوله موجوده فى الاحساء ، وفيه معامل لتكريره فى راس تنوره على الخليج. خط انابيب " التابلين " بيوصل لسواحل البحر المتوسط. السعوديه بتصدر كمان البلح و بتستورد مواد غذائيه و منسوجات و عربيات و ماكينات حديثه.
مناطق السعوديه
السعوديه بتتقسم لأربع مقاطعات كبيره هى :
تاريخ الدوله السعوديه
الاسره السعوديه الحاكمه ظهرت فى القرن التمنتاشر لما بقت الدعوه الوهابيه دعوة دين و دوله نتيجه لتعاهد رجل الدين محمد بن عبد الوهاب و رجل الدوله محمد بن سعود امير الدرعيه. الاتنين و ولادهم بعدهم نشروا الدعوه الوهابيه و مدوا السيطره السعوديه على جزء كبير من شبه جزيرة العرب ، فكان ده تهديد لزعامة الخلافه العثمانيه الدينيه فى العالم الاسلامى ، و لما ماقدرت جيوش الاتراك على اخضاع الوهابيين استعانوا بمحمد على باشا واليهم فى مصر فبعت ابنه طوسون على راس جيش عشان يحاربهم ، و بعدين بعت ابنه ابراهيم باشا اللى قدر يغلبهم فى مواقع كتيره و خرب عاصمتهم الدرعيه. بعد خروج قوات محمد على من الجزيره العربيه سنة 1840 الاتراك عملوا جهد للسيطره على نواحيها و ايدوا ابن الرشيد امير حائل و ادوه سلطات واسعه عشان يكون قوه تقدر تغلب ال سعود اللى لجأوا للرياض. ابن رشيد بتحريض من الاتراك هاجم السعوديين فى الرياض سنة 1865 و اخدها منهم فاضطروا انهم يهاجروا على الكويت لغاية ما قدر الامير عبد العزيز بن سعود انه يسترجع ملك ابوه و نجح فى سنة 1925 فى تأسيس مملكه سعوديه وهابيه فى نجد و ملحقاتها و الحجاز ، و بعدين فى سنة 1932 قدر انه يوحد اجزاء مملكته تحت اسم المملكة العربية السعودية. بعد وفاته اتولى الحكم ابنه الملك سعود اللى اتنازل للحكم لأخوه الملك فيصل سنة 1964.
بتعتبر السعوديه من البلاد المهمه انها اكبر منتج للبترول و هى مركز الاسلام فى العالم اكمن فيها اهم مقدسات المسلمين فى مكه و المدينه ، ده بيدى السعوديه قيمه دينيه و ثقافيه كبيره و ملوك السعوديه حرصوا دايماً ان الحجاج المسلمين يتمتعوا بالراحه و الامان وقت حجهم. فى السنين الاخرانيه اهتم الملوك بتوسيع الحرم المكى و تسهيل عمليات الانتقال بالطرق الحديثه و كانت اخر التطويرات فى عهد الملك الحالى عبد الله بن عبد العزيز الملقب بـ خادم الحرمين الشريفين.
التعليم
مع الازدهار الاقتصادى شافت السعوديه اذهار ثقافى و تعليمى. السعويه فيها النهارده جامعات كتيره على مستوى عالى و السعوديين المتفوقين بقوا بيدرسوا و بيكملوا دراساتهم فى ارقى جامعات العالم. ده سبب ظهور فئه من السعوديين على مستوى عالى من العلم و الثقافه.
من جامعات السعوديه :
- الجامعة الاسلامية
- جامعة ام القرى
- جامعة الامام محمد بن سعود
- جامعة الملك سعود
- مدينة الملك عبدالعزيز للعلوم والتقنية
- جامعة الملك عبدالعزيز
- جامعة الملك فيصل
- جامعة الملك فهد للبترول
- الجامعة العربية المفتوحة
- جامعة الملك خالد
- جامعة نايف العربية للعلوم الامنية
- جامعة الامير سلطان
- جامعة المدينة العالمية
- جامعة طيبة
- جامعة الطائف
- جامعة الجوف
- جامعة جازان
- جامعة حائل
- جامعة المعرفة العالمية
- جامعة القصيم
- جامعة نجران
- جامعة تبوك
- جامعة الباحة
التطوير الاجتماعى و السياسى
على طريق تطوير احوال المملكه الاجتماعيه و السياسيه أعلن الملك عبد الله بن عبد العزيز فى 25 سبتمبر 2011 عن منح الست السعوديه حق التصويت و عضوية مجلس الشورى السعودى و دى خطوه ايجابيه و مهمه اتخذها الملك عبد الله للنهوض بالحياه الاجتماعيه و السياسيه فى السعوديه و النهوض بالمرآه السعوديه كشريك مهم فى الحياه فى المملكه. الملك عبد الله اعلن القرار وقت افتتاحه للدوره الخامسه لأعمال مجلس الشورى السعودى. و قال الملك فى خطبته: "قررنا مشاركة المرأة فى مجلس الشورى عضواً، اعتباراً من الدورة القادمة وفق الضوابط الشرعية" و أكد : " لأننا نرفض تهميش دور المرأة فى المجتمع السعودي فى ظل مجال عملها وفق الضوابط الشرعية وبعد التشاور مع كثير من علمائنا فى هيئة كبار العلماء ومن خارجها واللى استحسنوا ده التوجه وأيدوه " و ان "التحديث المتوازن المتفق مع قيمنا الاسلامية مطلب هام فى عصر لا مكان فيه للمتخاذلين والمترددين ".
معلومات عامة
- الشعار الوطني: لا اله الا الله محمد رسول الله
- اللغة الرسمية: عربي
- العاصمة: الرياض
- اكبر مدينة: الرياض
- مدن كبيرة تانية: "جدة" و "الدمام"
- العملة: ريال سعودي
- النشيد الوطني: عاش المليك (سارعي للمجد و العلياء)
- كود التليفون: +966
- كود صفح الانترنت: .sa
شوف كمان
- الدوله السعوديه الاولى
- الدوله السعوديه التانيه
- الوهابيه
- قوميه دينيه
- ثيوقراطيه
- منتخب السعوديه لكورة القدم
خطأ: الوظيفة "hPortal" غير موجودة.
مصادر
- الموسوعة الثقافية ، مؤسسة فرانكلين للطباعة والنشر، القاهرة - نيو يورك 1972.
-
{{cite web}}: Empty citation (help) - الباب: 1
- https://2009-2017.state.gov/j/drl/rls/irf/2004/35507.htm
- https://www.pbs.org/wgbh/pages/frontline/shows/saudi/analyses/wahhabism.html
- https://www.britannica.com/place/Saudi-Arabia/Religion
- http://gulf2000.columbia.edu/images/maps/GulfReligionGeneral_lg.png
- http://www.libback.uqu.edu.sa/hipres/ABS/ind11576.pdf
- http://www.momra.gov.sa/About/KSA.PDF
