القانون الجنائى

هوا القانون اللى بينظم التعامل مع المجرمين أو المتهمين او لحد المشتبه فيهم . وبينظم ازاى البوليس بيقوم بدوره فى حفظ الامن و الامان فى المكان اللى هو مسئول عنه ، و بينظم كمان طريقة شغل النيابه العامه و هيا بتباشر الدعوى القضائيه من اول مابيتبدى فى التحقيق فيها , او لحد قبل ماتبدا التحقيق - فى القضايا اللى بتدى النيابه فيها اذونات او اوامر للبوليس سواء بالتفتيش او القبض .

هوا القانون اللى بيحدد الجرايم ( فى الدول اللى نظامها مش انجلو-امريكى) و بينص على العقوبه بتاعة كل جريمه - سواء بيحدد الجريمه بنص قانونى او بيدى تفويض لوزرا معينين انهم يحطو لوايح يوضحو فيها بالتفصيل الحاجات اللى بتعتبر جرايم - زى وزير الصحه فى مجال مكافحة المخدرات و وزير الماليه فى مجال مكافحة الجرايم الجمركيه و التهرب الضريبى . وده لان مبدا الشرعيه الجنائيه -فى النظام المش انجلو امريكى - بيقول ان مفيش جريمه و لا عقوبه الا بناء على نص فى القانون. فلازم يكون التجريم ياإما بنص فى قانون العقوبات او بلايحه من الوزير اللى القانون بيحدد اختصاصه . هو عباره عن القانون اللى بينظم التعامل مابين البوليس و المجرمين. القانون الجنائى قسم الجرايم لجرايم اعتياديه و جرايم دايمه و جرايم وقتيه