الرتب العسكريه

هيا عباره عن نظام هرمى بيربط العلاقات بين الافراد فى اى قوات مسلحه أن الرتب الاعلى بتدى أوامرها للرتب الأصغر منها عشان تقوم بتنفيذها , نظام الرتب العسكريه معروف من زمان فى التاريخ العسكرى انه مفيد للعمليات الحربيه وبالذات من الناحيه اللوچستيه والأومار العسكريه والتنسيق بين الوحدات والأفراد. مع مرور الزمن اتسعت العمليات العسكريه وبقت ضخمه ومعقده ومحتاجه إداره كويسه ومنظمه عشان كده زادت الرتب العسكريه وكترت الرتب وبقت كمان معقده. أى قوات مسلحه فى عصرنا دلوقتى بتستعمل الرتب العسكريه يعنى نقدر نقول أن مفيش جيش نظامى فى العالم كله مش بيستخدم الرتب العسكريه لحد العصابات وقطاع الطرق بيدوا ساعات رتبه عسكريه للزعيم بتاعهم وده يبين أهمية الرتب دى ووقعها على الافراد, فى حبة دول شيوعيه كانت لاغيه للرتب دى زى(الجيش الاحمر السوڤيتى من سنت 1918 لحد سنت 1935 - جيش التحرير الصينى الشعبى من سنت 1965 لحد سنت 1988 - الجيش الألبانى من سنت 1966 لحد سنت 1991) لكن دلوقتى رجعولهم تانى بعد ما لقوا اد ايه صعب تتحكم فى إدارة العمليات الحربيه من غيرها.