الحرب العالميه التانيه

هتلر طالب باستعادة دانزج و الممر البولندى و عقد ميثاق عدم اعتداء مع الاتحاد السوفيتى فى اغسطس 1939 وبعد كده هاجم بولاندا فى 1 سبتمبر فأعلنت فرنسا و انجلترا ( والدول التابعة ليهم ) الحرب على المانيا الدول المتحالفه ضد المانيا و محورها يطلق عليهم اسم الحلفاء. القوات البريطانيه قضت الشتاء متحصنه. فى ابريل و مايو 1940 احتلو الالمان الدنمارك و النرويج و هولاندا و انقضو على شمال فرنسا و انتصروا على الحلفاء اللى انسحبو بسرعه من دنكرك.

فى 10 يونيه 1940 دخلت ايطاليا الحرب فى صف المانيا و استسلمت فرنسا فى 22 يونيه ، و وقفت بريطانيا وحدها بزعامة وينستون تشرشل تقاوم القاذفات الالمانيه.

هاجمت ايطاليا انجلترا فى شرق انتركتيكا ، و فى البلقان هاجموا الفنان فى اكتوبر 1920. و غزت المانيا و هنجاريا و بلغاريا يوجوسلافيا فى ابريل 1961 ،

فى 22 يونيه غزا هتلر روسيا ، و ابتدأت امريكا تدخل الحرب بالتدريج ، و احتلت القوات الامريكيه ايسلاندا و جرينلاند. و فى الشرق الاقصى اعتدى اليابانيين على الهند الصينيه و تايلاند فتوتر الموقف ، و هاجم اليابانيون بيرل هاربر فى هاواى و هاجمو الفلپين و الملايو فى 7 ديسمبر 1941. و اعلنت امريكا و معظم حلفائها ما عدا روسيا الحرب على اليابان ، و اعلنت المانيا و حلفائها ما عادا فينلاندا الحرب على امريكا.

اليابان احتلت الفلبين و كذا جزيره فى جنوب شرق اسيا فى الپاسيفيك ( المحيط الهادى ) ، و وصلت قوات المحور لستالينجراد و القوقاز و كان الجنرال الالمانى روميل على وشك ان يحتل القاهره فى مصر لكن الجنرال الانجليزى مونتجمرى انتصر على قوات المحور فى العلمين فى اكتوبر 1942 ، و نزلت قوات امريكيه فى الجزائر و انتهى القتال فى شرق افريقيا بانتصار قوات الحلفاء.

الحلفاء غزوا جزيرة صقليه و جنوب ايطاليا فسلمت ايطاليا فى سبتمبر 1943. و فى بحر الكورال و ميدواى انتصرت امريكا على اليابان فى المعارك البحريه ، و نزلت القوات الامريكيه فى جوادالكنال ، و انتصرت بقيادة ماك ارثر فى سلسلة معارك ضاريه فى جزر الباسيفيك و قدرت تسترد الفلبين سنة 1945 ، و اتنقلت المعارك لليابان فى اويجيما و أوكيناوا.

فى ستالينجراد انتصر الروس فى معركه كبيره سنة 1943 و عملوا هجوم مضاد على طول الجبهه لطرد الالمان ، فوصلت جيوشهم لپولاندا و هنجاريا سنة 1944 ، و طردوا قوات المحور من البلقان.

انتهت معركة المحيط الاطلنطى بطرد غواصات الالمان ، و نزلت قوات الحلفاء بقيادة ايزنهاور فى نورماندى فى 6 يونيه 1944 ، و نزلت قوات ثانيه فى جنوب فرنسا ، و تحررت فرنسا و بلچيكا من الالمان فى اواخر 1944 و اشتد القتال فى هولاندا و قلب المانيا نفسها. فى ابريل 1945 انتهت مقاومة الالمان و فى 7 مايو استسلموا من مش شرط ، و فى اغسطس رمت امريكا اول قنبله ذريه على هيروشيما فى اليابان و تبعتها بقنبله ثانيه على نجازاكى. و اعلن الاتحاد السوفيتى الحرب على اليابان و غزت قواته منشوريا ، فاستسلمت اليابان فى 14 اغسطس و مضت على شروط التسليم فى 2 سبتمبر 1945 ، و هكذا انتهت الحرب اللى كانت خسائرها البشرية و المادية جسيمه جداً و قتل ملايين من الجنود و المدنيين و تعرض اليهود و الغجر لابادة على ايدي النازيين الالمان اللى كانو يؤمنون بأهداف ماكانش للعالم ان يتقبلها بوجهها العنصري. كمذابح اليهود اللى عرفت باسم الهولوكوست ( المحرقه ).

فى 1947 تمت معاهدة صلح بين ايطاليا و رومانيا و بلجاريا و هنجاريا و فينلاندا. لكن التنافر بين امريكا و الاتحاد السوفيتى اخر عقد صلح مع المانيا و النمسا و اليابان. انشاء الامم المتحده كان من نتايج الحرب.

بعد الحرب العالمية التانيه و بعد كل الخراب اللى حصل قرر الاوروبيون و اليابانيون على بناء بلادهم و اقتصادهم فى مدة قصيرة بفضل ثقافتهم المتقدمة فبنوا حضارة لستة على اسس علمية قوية ، و فى ظرف وجيز تجاوز الاوروبيين الخلافات و كونوا السوق الاوروبية المشتركة وبعد كده الاتحاد الاوروپى اللى عمل منهم قوه لا يستهان بيها فى كل المجالات.

• الوقت المتاح لتشغيل البرامج النصية قد انتهى.

الحرب العالميه التانيه على مواقع التواصل الاجتماعى
على كورا.

الوقت المتاح لتشغيل البرامج النصية قد انتهى.