البطالمه

امبراطورية الاسكندر اتقسمت بعد وفاته

الاسكندر قبل ما يموت ماكانش لديه اولاد كي يكون ولى العهد فعندما مات تصارع قوداه على امبراطوريته و اتقسمت عليهم، و كانت مصر من نصيب حاكمها بطليموس الذى قام بصدهجوم عمله انطيوخوس ( اللى سوريا و ميسوبوتاميا كانوا من نصيبه ). و فى 305 ق.م نصب بطليموس نفسه فرعون على مصر باسم بطليموس الاول سوتر ( المنقذ ). و من يوميها بدا عصر مصر البطلميه اللى استردت مصر فيه مركزها الحضاري واصبحت اكبر مركز ثقافي و علمي فى العالم.

امبراطورية مصر البطلمية

فى عصر بطليموس الاول سوتير اتحولت عاصمة مصر اسكندرية لعاصمة الحضاره الاغريقيه و مركز للثقافه الهيلينستيه فى البحر المتوسط من غير منازع. اسس بطليموس جامعة الاسكندريه اللى كانت تضم مكتبة اسكندرية المشهوره. و انشأ مدينة بطولومايس فى الصعيد و كات تتمتع بنظام الحكم الذاتي. علشان يوجد المصريين و اليونانيين ابتدع بطليموس الاول ديانه جديده بتجمع ما بين الديانه المصريه و الديانه اليونانيه، و عمل الاله اسمه " سيرابيس " اللى كان توليفه مصريه-يونانيه وكان له معبد ضخم فى منطقة ابو قير. بطليموس الاول سوتر كان محبوب من المصريين و بعد ما اتوفى حكم بعده ابنه بطليموس التاني فيلادلفيوس ( محب أخته ).

بطليموس التاني فيلادلفيوس ( محب أخته ) عمل اصلاحات كثيره و قدر يمد نفوذه بالطرق الدبلوماسيه ، و لانه ليس كان قادر علي ان يحقق طموحاته السياسيه عن طريق الحروب اعتمد على المفاوضات و التحالفات و المصاهرات. مشى بطليموس التانى على درب أبوه فطور الزراعه و التجاره فى مصر و فى عهده ازدهرت الثقافه و العلوم فى مصر و احتلت جامعة الاسكندريه و مكتبتها المشهوره دور رياضي فى نشر المعارف و العلوم و الفنون فى نواحي البحر المتوسط. و اسس مدينة برينيكى (على اسم امه ) فى الصعيد علي البحر الاحمر و وصلها بطريق ممهد الي قفط فبقت مينا تجارى مهم بيربط بين مصر و الهند. فى عهده اترجم كتاب " العهد القديم " للغه اليونانيه. و اتبنى فنار اسكندريه اللى بقى من عجايب الدنيا السبعه .بعد ما اتوفى بطليموس فيلادلفيوس قعد مكانه بطليموس التالت يورجيتس ( الخير ) على عرش مصر.

معبد ادفو من تحف مصر البطلميه.

بطليموس التالت يورجيتس ( الخير ) حاول دايماً انه يجنب مصر الحروب لكن اضطر يهاجم سوريا و يتوغل فى ميسوبوتاميا و عن طريق اتفاقية سلام قدر يضم جزء من سوريا من ضمنه انطاكيه و مناطق فى اسيا الصغرى و منطقة كليكيا للمملكة المصرية البطلمية. بطليموس التالت كان همه انه يحافظ على مملكته و يخلي مصر قويه و مستقره و متقدمه، فكان بيعتمد على الدبلوماسيه فى تسيير علاقات مصر بالعالم الخارجي. جوه مصر استمر بطليموس التالت فى تطوير منطقة الفيوم اللى بدأها أبوه، و عدل التقويم و خلاه يبدأ من سنة 311 ق.م باعتبارها السنة اللى اتأسست فيها الدوله البطلميه فى مصر، و بكده بدل السنه المقدونيه بالسنه الشمسيه المصريه و خلا السنة الحقيقيه مدتها 365 و ربع يوم مع اضافة يوم زياده كل اربع سنين. و من اعماله المشهوره انه صلح التماثيل و المعابد المصريه اللى كان الفرس خربوها لما غزوا مصر قبل الاسكندر الاكبر و اتبرع للمعابد المصريه و بكده كسب حب المصريين ، و كمان بدأ يبني معبد ادفو فى الصعيد اللى بقى تحفه من تحف العصر البطلمي. استمرالنمو الثقافي و النشاط العلمى فى اسكندريه اللى بقت عاصمة العلم و النور فى العالم ، و فى عهده عاش عالم اللغات اريسطوفانس اللى درس فى مدارس اسكندريه و بقى رئيس مكتبة اسكندريه، و عاش اراتوسثينس مخترع الجغرافيا الفلكيه و اللى كان رئيس مدرسة الرياضيات السكندريه ، و الشاعر ابولونيوس ، و كاتب التراجيديات ليكوفورن. لما اتوفى بطليموس يورجيتس بعد ما حكم مصر 25 سنه كانت مصر قوه كبيره وبلد غنيه و مستقره. مصر فى عهده وصلت ثروة قوتها و غناها و سابها لابنه مملكه عظيمه اللى ليس ليها مثيل فى الدنيا وقتها. بعد ما اتوفى بطليموس يورجيتس قعد مكانه ابنه بطليموس الرابع فيلوباتور (محب أبوه)

• 
  Ptolemy of Macedon founded the Ptolemaic Dynasty.
• 
  Ptolemy II
• 
  Ptolemy III
• 
  Ptolemy IV
• 
  Ptolemy V
• 
  Ptolemy VI
• 
  Cleopatra II (right)
• 
  Ptolemy VIII
• 
  Ptolemy IX
• 
  Ptolemy X
• 
  Ptolemy XI
• 
  Ptolemy XII
• 
  Ptolemy XIII and Isis
• 
  Ptolemy XIV
• 
  Cleopatra VII
• 
  Ptolemy XV, commonly called Caesarion.
• 
  Sardonyx cameo of a Ptolemaic prince as the Greek god Hermes, Cabinet des médailles, Paris.

Holbl, Gunther, A History of The Patolemaic Empire , Routledge, London & New York 2007, ISBN 978-0-415-23489-4

• Sharpe, Samuel, The History of Egypt Under the Ptolemies, Edward Moxon, London 1838, Kessinger Publishing's Reprints, USA 2007, ISBN 1-4325-4859-X