احمد محمد خشبه

اتولد في أسيوط سنة 1886م، درس القانون واشتغل بالمحاماة وكان عضو بارز في حزب الأحرار الدستوريين . كان خشبة باشا سياسي بارع، و واحد من وزرا مصر البارزين إيام العهد الملكي بمصر؛ بدأ حياته السياسية مع حزب الوفد و بعد كده انضم إلي حزب الأحرار الدستوريين سنة 1929م.

مسك أحمد محمد خشبة باشا وزارات كتيرة منها الخارجية والمعارف والحربية والبحرية والمواصلات و(الحقانية) العدل والداخليه …، و ده في الفترة من 24 نوفمبر 1924 إلي 16 أغسطس 1949م. ولما اتولي وزارة الحقانية سنة 1928م كان معروف بالتدقيق الشديد في اختيار وكلاء النيابة العامة والقضاة، وكان متشدد في مراعاة الأصول العائلية والأوضاع الاجتماعية،وكان حريص على سلوك ومظهر رجال الهيئة القضائية.

وكان وزير الحقانية في وزارة محمد محمود باشا، وكان الوفديون مضايقين منه لما كان وزيـر وفدي في وزارة مصطفى النحاس، واستقال من الوزارة لما قرأ وثايـق الأميـر سيـف الديـن، وقال أحمد باشا خشبة إن ضميره ما يطاوعهوش يبقي وزير في وزارة النحاس. وكان وزير في وزارة احمد زيور، واستقال عشان رفض أن يوافق علي قبول الإنذار البريطاني بعد مقتل السردار، وكان موقف مشرفًا من غير شك، بعد كده دخل وزير وفدي في وزارة عدلى يكن ثم وزارة عبد الخالق ثروت ثم وزارة النحاس اللي استقال منها لأنه استنكر أن ياخد رئيس الوفد الأتعاب الكبيرة من الأمير سيف الدين .

• وزير الحقانية ووزير المعارف العمومية في وزارة أحمد زيور باشا الأولى (24 نوفمبر 1924 - 13 مارس 1925)
• وزير الحربية والبحرية في وزارة عدلى يكن التانية (7 يونيو 1926 - 21 أبريل 1927)
• وزير المواصلات في وزارة عبد الخالق ثروت التانية ( 25 أبريل 1927 - 16 مارس 1928) وفي وزارة حسين سرى التانية (31 يوليه 1941 - 4 فبراير 1942)
• وزير الخارجيه مرتين: الأولى من 19 نوفمبر 1947 إلى 28 ديسمبر 1948، والتانية في الفترة من 27 فبراير 1949 إلى 25 يوليو 1949.[1]
• وزير الداخلية في عصر الملك فاروق.

وشاف الوفديون أن في الموقف ده تذبذب وتنقل بين الأحزاب... بالرغم من أن اللى عرفوا الرجل ده قالوا إنه كان من أنزه المصريين وأيده نضيفة، وصدره واسع، وفكره لامع.

وحصل بعد ذلك بعشرين سنة أن فكر الأحرار الدستوريون في انتخابه رئيس ليهم بعد استقالـة عبد العزيز فهمى من رئاسة الحزب، واتفاجئوا بأن الناس لسه يرددون الموال الخطير. ولما كان وزير للخارجية كان خشبة باشا هو اللى فاوض السفير البريطانى رونالد كامبل فى حوار السودان، وسماها معاهدة (خشبة - كامبل).

وبيسجل التاريخ النيابي أنه كان واحد من الأعضاء السبعة بمجلس الشيوخ اللى صوتوا ضد معاهدة 1936م. وتم تكريمه فى مجلس الشورى فى يوم 7 يونيو 1999 فى الاحتفال بيـوم المحرر البرلمانى كرمز من الرموز المهمة والبارزة فى الصحافة البرلمانية اللى تم تأسيسها فى 24 مايو 1909. و أناب عنه وحضر التكريم ا.د.عمرو شعراوى (حفيد أحمد باشا خشبة).

توفى أحمد باشا خشبة فى 20 يناير 1954.