ابن رشد

ابن رشد هو أبو الوليد محمد بن أحمد بن محمد بن أحمد بن أحمد بن رشد الأوروبيين بيسموه Averrtoes و انشهر باسم ابن رشد الحفيد (مواليد 14 إبريل 1126م, كوردوبا - اتوفى 10 ديسمبر 1198م, مراكش) هوا فيلسوف و طبيب و فقيه و قاضى و فلكى و فيزيائى مسلم أندلسى.حفظ موطأ مالك, و ديوان المتنبى. و درس الفقه على المذهب المالكى و العقيده على المذهب الأشعرى.

 ابن رشد
 
معلومات شخصيه
اسم الولاده (بالعربى: أبو الوليد محمد بن أحمد بن محمد بن رشد) 
الميلاد 14 ابريل 1126 [1] 


كوردوبا [2][1] 

الوفاة 10 ديسمبر 1198 (72 سنة)[1] 


مراكش [3][1] 

الديانه الاسلام [1] 
الحياه العمليه
اتعلم عند ابن بشكوال ،  وابن طفيل  
المهنه دكتور [1]،  وعالم فلك ،  وقاضى [1]،  وكاتب [4] 
اللغه الام عربى  
اللغات المحكيه او المكتوبه عربى  
مجال العمل فلسفه اسلاميه ،  وفلك ،  وعقيده اسلاميه ،  والفقه الاسلامى ،  وطب ،  وعلم اللغويات ،  ورياضيات ،  وجغرافيا  
اتأثر بـ اريسطو [1]،  ومحمد ،  وافلاطون ،  وافلوطين ،  ومالك بن أنس ،  وابو حامد الغزالى ،  وابن باجه ،  وابن زهر ،  وابن طفيل ،  والفارابى ،  وابن سينا  
تمثال ابن رشد فى كوردوبا
ابن رشد

ابن رشد من أهم فلاسفه الإسلام. دافع عن الفلسفه وصحح لعلما و فلاسفه سابقين ليه زى ابن سينا و الفارابي, فهم نظريات أفلاطون و أرسطو. قدمه ابن طفيل لأبو يعقوب خليفه الموحدين فعينه طبيب ليه و بعدين قاضى فى كوردوبا. اتولى ابن رشد منصب القضاء فى أشبيليه, و فسر آثار أرسطو حسب رغبه الخليفه الموحدى أبو يعقوب يوسف, فى آخر حياته اتهمه علماء الأندلس و المعارضين ليه بالكفر و الإلحاد و أبعده أبو يوسف يعقوب لمراكش و اتوفي فيها (1198 م)

علاقته بالحكم

اتعرف على خليفه الموحدين ابو يعقوب يوسف سنه 1182م فعينه طبيبه الخاص و بعدها قاضى لكوردوبا و اترقى فى المناصب. ابتدى يترجم و يشرح فلسفه ارسطو عشان كان الخليفه مهتم بالفلسفه. ابن رشد مع الوقت بقى من اكبر حاشيه الخليفه و معلم اولاده و ليه وضعه, بس الحاقدين عليه و اعدائه و مجموعات من المتشددين الدينيين بدأوا يقلقوا الخليفه منه و من افكاره و آرائه اللى ماكنتش عجباهم, و فعلا نجحوا فى انهم يوقعوا الخليفه مع ابن رشد و كفروا ابن رشد و اعلنوا انه كافر و كل كتبه الفلسفيه خصوصا لازم تتحرق لان مش عجباهم كلامها. اتنفى ابن رشد لبلد صغيره اسمها "أليسانه". و سيطر المتدينين على افكار الخليفه و اتدخلوا فى الحكم و اعلنوا ان وِحِش و كٌخه و حرام حرام حرام حد يشتغل فى الفلسفه و العلوم كلها معدا الطب و الفلك و الحساب دول مسموح بيهم هبابه بس.

من اشهر اعماله
لوحه لرفايل سانزيو "مدرسه أثينا"
Colliget
متخيل فيها ابن رشد

ابن رشد كتب الكثير فى مجالات مختلفه. كتب حوالى 108 كتاب, لكن ما وصلناش منهم الا 58 بس

من شروحاته وتلاخيصه لارسطو:

  • تلخيص وشرح كتاب ما بعد الطبيعه(ميتافيزيتا)
  • تلخيص وشرح كتاب البرهان او الأورغنون.
  • تلخيص كتاب المقولات (قاطيفورياس).
  • شرح كتاب النفس
  • شرح كتاب القياس.

من مقالاته:

  • مقاله فى العقل
  • مقاله فى القياس
  • مقاله فى اتصال العقل المفارق بالانسان.
  • مقاله فى حركه الفلك

مقاله فى القياس الشرطى

من كتبه:

  • كتاب مناهج الأدله, وهو من المصنفات الفقهيه والكلاميه فى الاصول.
  • كتاب فصل المقال فيما بين الحكمه و الشريعه من الاتصال], وهو من المصنفات الفقهيه والكلاميه.
  • كتاب تهافت التهافت الذي كان يرد ابن رشد على الامام الغزالي حول كتاب " تهافت الفلاسفه".
  • كتاب الكليات.
  • كتاب "الحيوان".
  • كتاب "المسائل" فى الحكمه.
  • كتاب "بدايه المجتهد ونهايه المقتصد" فى الفقه.
  • كتاب "جوامع كتب أرسطاطاليس" فى الطبيعيات والإلهيات.
  • كتاب "شرح أرجوزه ابن سينا" فى الطب.

قالوا عنه
  • ابن رشد اكبر مترجم و شارح لنظريات أرسطو.
  • ابن رشد واحد من اشهر مترجمين العرب , لأنه كان أعظم المترجمين فى نقل الفكر الأوروبى للمجتمع العربى, فكانت طريقته فى شرح أرسطو جيده و صحيحه ".
  • الفيلسوف الأندلسي ابن رشد سبق عصره, و سبق كل العصور اللى سبقته , و سبق العصور اللى بعده كمان و قدم للاسلام ترجمه لافكار الحضاره الاوروبيه اللى قامت عليها الحضاره الاوروبيه ".

مصادر
  1. المؤلف: Paul de Roux — العنوان : Nouveau Dictionnaire des œuvres de tous les temps et tous les pays — الاصدار الثاني — المجلد: 1 — الصفحة: 188 — الناشر: Éditions Robert Laffont — ISBN 978-2-221-06888-5
  2. وصلة : 118505238  — تاريخ الاطلاع: 10 ديسمبر 2014 — الرخصة: CC0
  3. وصلة : 118505238  — تاريخ الاطلاع: 30 ديسمبر 2014 — الرخصة: CC0
  4. العمل الكامل مُتاحٌ في: https://www.bartleby.com/library/bios/ — المحرر: تشارلز دودلى وارنر — العنوان : Library of the World's Best Literature
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.