ابن اياس

زين العابدين محمد بن احمد بن إياس الحنفى الناصرى القاهرى اتلقب بـ " ابو البركات" .( اتولد فى القاهره سنة 1448 - اتوفى فى القاهره سنة 1523 )، مؤرخ مصرى من اصل شركسى. من اشهر و أهم المؤرخين اللى أرخوا للعصر المملوكى و بالذات فى نهاياته قبل و فى فترة الغزو العثمانلى لمصر سنة 1517. و بكده بيعتبر من أهم مؤرخين مصر فى العصور الوسطى.

 ابن اياس
معلومات شخصيه
الميلاد سنة 1448 [1][2][3][4][5][6][7] 


القاهره  

الوفاة سنة 1524 (75–76 سنة)[8][2][4][9][10] 


القاهره  

الحياه العمليه
اتعلم عند السيوطى  
المهنه مؤرخ  
اللغه الام عربى  
اللغات المحكيه او المكتوبه عربى [11] 
اعمال بارزه بدائع الزهور فى وقائع الدهور  
بدائع الزهور من بدائع مؤرخين مصر فى العصور الوسطى.
ابن إياس ابدع فى بدائع الزهور.

كتابه " بدائع الزهور فى وقائع الدهور " (5 اجزاء فى 6 مجلدات ) بيعتبر أهم مؤلفاته و أرخ فيه لتاريخ مصر الضخم من بداية التاريخ لغاية سنة 1522. وبيحكى فيه عن اللى حكموا مصر و المناطق اللى جنبها و الحاجات اللى حصلت و عن الوفود اللى كات بتيجى مصر من البلاد التانيه زى الهند و تركيا و اوروبا و شمال افريقيا و الحبشه و غيرها.[12]

جده الامير إياس الفخر الظاهرى كان من مماليك الظاهر سيف الدين برقوق، و أبوه كان امير و على اتصال بالامرا و موظفين الدوله المصريه. ابن إياس كان بيكتب الشعر و كان بيحبه و فى كتابه أشعار من تأليفه و من تأليف غيره.[13]

اسلوبه فى الكتابه و ترتيب الحوادث مميز جداً، و كان بيكتب بلغه عربيه بسيطه وواضحه مخلوطه باللغه المصريه اللى الناس بيتكلموها فى عيشتهم اليوميه .[14] وكان حريص على توضيح المصادر اللى إعتمد عليها فى الأحداث اللى ما عاصرهاش.[13] ابن إياس عاش فى عصر مؤرخ مصري كبير تاني اسمه " السيوطى " ( نسبه لأسيوط ).

ابن إياس عاصر حوادث نهاية عصر المماليك الشراكسه ( المماليك البرجيه ) و حضر الغزو العثمانلى ، و بيعتبر كتابه " بدائع الزهور فى وقائع الدهور " أهم مصدر للمعلومات عن الفتره دى اللى كتب عنها بالتفصيل بطريقة الحوليات يوم بيوم، وبيعتبر المؤرخ الوحيد اللى كتب عن الفتره دي.

الباحثين و المستشرقيين الغربيين اهتموا جداً بكتاب ابن إياس و عملوا عنه دراسات كتيره ، و كلفت جمعية المستشرقين الألمانيه باحثين مصريين بتحقيق الكتاب و نشرته ، و بكده قدمت خدمه كبيره لمصر و الباحثين و الدارسين.[12]

" الزيني بركات " شخصيه حقيقيه من كتاب " بدائع الزهور فى وقائع الدهور " استلهمها الروائي المصري الكبير جمال الغيطانى فى روايته " الزينى بركات " اللى اشتهرت و إترجمت للغات كتيره بين قد إيه العالم المتقدم مهتم بتاريخ مصر و الادب المصري.

دون ابن إياس قصيده شعريه جميله و مؤثره مشهوره عن غزو العثمانليه لمصر سنة 1517 و اللى بيها انتهى العصر المملوكي و ضاع من مصر إستقلالها. بيقول مطلعها :

نوحوا على مصر لأمر قد جرى .:. من حادث عمت مصيبته الورى

من مؤلفاته
  • بدائع الزهور فى وقائع الدهور : موسوعه ضخمه عن تاريخ مصر من بداية التاريخ لسنة 1522 ، بيعتبر الجزء الاخير منه عن الغزو العثمانلى أهم اللى إتكتب فى التاريخ بخصوص الموضوع ده.
  • نشق الأزهار فى عجايب الاقطار ، و اسمه كمان " خريدة العجائب وبغية الطالب " : كتاب عن جغرافية مصر و مناطق تانيه منها الأندلس.
  • عقود الجمان فى وقائع الأزمان و ده غير كتاب المؤرخ بدر الدين العينى اللى له نفس العنوان.
  • نزهة الأمم فى العجائب والحكم : تاريخ مختصر للعالم.
  • مرجع الدهور.

فهرست
  1. مُعرِّف الملفِّ الاستناديِّ المُتكامِل (GND): https://d-nb.info/gnd/118928465 — تاريخ الاطلاع: 16 اكتوبر 2015 — الرخصة: CC0
  2. http://data.bnf.fr/ark:/12148/cb12988617z — تاريخ الاطلاع: 10 اكتوبر 2015 — المؤلف: مكتبة فرنسا الوطنية — الرخصة: رخصة حرة
  3. مُعرِّف المكتبة المفتوحة (OLID): https://openlibrary.org/works/OL173438A?mode=all — باسم: Ibn Iyās — تاريخ الاطلاع: 9 اكتوبر 2017 — المؤلف: آرون سوارتز — الرخصة: رخصة جنو أفيرو العمومية العامة، الإصدار 3.0
  4. مُعرِّف الموسوعة العالمية: https://www.universalis.fr/encyclopedie/ibn-iyas/ — باسم: IBN IYĀS — تاريخ الاطلاع: 9 اكتوبر 2017 — الناشر: الموسوعة البريطانية، المحدودة
  5. باسم: 1448-ca 1524 Muḥammad ibn Aḥmad ibn Iyās — مُعرِّف دليل المكتبة الوطنيَّة السويديَّة - ليبيرس (LIBRIS): https://libris.kb.se/auth/62932 — تاريخ الاطلاع: 9 اكتوبر 2017
  6. مُعرِّف VcBA لمكتبة الفاتيكان: https://wikidata-externalid-url.toolforge.org/?p=8034&url_prefix=https://opac.vatlib.it/auth/detail/&id=495/21144 — باسم: Ibn Iyās
  7. مُعرِّف دليل مركز مكتبة جامعة وارسو (NUKAT): https://wikidata-externalid-url.toolforge.org/?p=1207&url_prefix=http://nukat.edu.pl/aut/&id=n2009149154 — باسم: Muhammad ibn Ahmad Ibn Iyâs
  8. وصلة : 118928465  — تاريخ الاطلاع: 2 ابريل 2015 — الرخصة: CC0
  9. مُعرِّف دليل الألماس العام: https://opac.diamond-ils.org/agent/26000 — باسم: Muḥammad ibn Aḥmad Ibn Iyās
  10. مُعرِّف نفائس المكتبة الوطنية في أستراليا (NLA Trove): https://trove.nla.gov.au/people/823509 — باسم: Ibn Iyās — تاريخ الاطلاع: 9 اكتوبر 2017
  11. http://data.bnf.fr/ark:/12148/cb12988617z — تاريخ الاطلاع: 10 اكتوبر 2015 — المؤلف: مكتبة فرنسا الوطنية — الرخصة: رخصة حرة
  12. ابن إياس، مقدمة الطبعه التانيه، 1
  13. ابن إياس، مقدمة الطبعه التانيه، 9
  14. مدحت الجيار، 31-12

المراجع
  • محمد بن احمد بن إياس الحنفى بدائع الزهور فى وقائع الدهور ( 6 مجلدات )، الهيئة المصرية العامة للكتاب، 1982
  • ابن إياس : بدائع الزهور فى وقائع الدهور ( ملخص ), مدحت الجيار (دكتور)، الهيئة المصرية العامة للكتاب، القاهرة 2007.
  • المقريزي : السلوك لمعرفة دول الملوك ، دار الكتب, القاهرة 1996.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.