أحمد ذو الفقار

اتولد احمد مراد صلاح الدين ذو الفقار سنة 1952 فى حي العباسيه فى القاهره. ابوه هو الفنان صلاح ذو الفقار اللي كان ظابط شرطة فى الوقت ده ووالدته هيا السيدة نفيسة بهجت من رائدات العمل الاجتماعي فهي من مؤسسي الجمعية النسائية لتحسين الصحة فرع القاهره مع صديقتها الفنانة فاتن حمامه وله اخت واحدة هيا مني ذو الفقار المحاميه.[2]

علي الرغم من نشأته فى وسط عائله فنية فابوه الفنان صلاح ذو الفقار اللي كان ممثل مشهور وعمامه هما الفنانين عز الدين ذو الفقار ومحمود ذو الفقار وكانوا مخرجين ومنتجين كبار فى السينما المصريه فى الوقت ده الا ان احمد ماكانش متحمس للشغل فى السينما. اختار طريق تاني بعيد عن الشهره والاضواء وبقي مهندس زي ما حلم من الطفولة. كان متجوز وله ولدين هما كريم وصلاح.

جامعة عين شمس

هو من أوائل اللي دخلوا تكنولوجيا نظم الري الحديث فى مصر فى نهاية السبعينات من القرن العشرين. حصل احمد ذو الفقار علي البكالوريوس فى الهندسة الميكانيكيه من جامعة عين شمس فى سنة 1976. بدأ أحمد حياته العملية مهندس فى شركة المقاولون العرب وشارك معاهم فى مشاريع كتير واستمر 3 سنين.

ساب احمد ذو الفقار الشغل فى شركة المقاولون العرب واستقال فى سنة 1979 وسافر لدراسة تكنولوجيا الري الحديث فى المانيا ورجع مصر وأنشا شركته الخاصة توسيج مصر وهو فى سن 27 سنة. اشتغل احمد لسنين كتير فى تصميم وانشاء نظم الري الحديث وكان له دور كبير فى تحويل عشرات الاف من الافدنه من الري بالغمر الي الري الحديث فى فترة 30 سنة. وكمان شارك فى تنفيذ المنتجعات السياحية وملاعب الجولف واعادتها لمصر بالنظام الجديد وطبقا للمواصفات العالميه.

في يوم السبت 1 مايو 2010 اتوفي أحمد ذو الفقار بعد أزمة قلبيه مفاجئه فى سن 57 سنه. واتشيعت جنازته من جامع عمر مكرم فى ميدان التحرير واتدفن فى مدافن عيلة ذو الفقار فى الامام الشافعي بالقاهرة.

• مصريين
• شخصيات مصريه مشهوره
• الاقتصاد المصري

1. "Landscaping in Egypt | ZULFIKAR LTD". zulfikarltd (in الإنجليزية). Retrieved 2021-08-15.
2. "«زي النهارده».. وفاة الفنان صلاح ذو الفقار 23 ديسمبر 1993 | المصري اليوم". www.almasryalyoum.com (in العربية). Retrieved 2021-08-15.