ݣرينادا

ݣرينادا (ب لينݣليزية: Grenada) هي بلاد جات فلجزر د لهند لغربية ف لبحر د لكاريبي. جات ݣرينادا فالشمال لغربي د طرينيضاض ؤ طوباݣو، و 140 كلم على الشمال الشرقي د ڤينيزويلا، و جات تحت (ف لجنوب) ديال لجزر د سانت ڤينسنت و لݣرونادين.[1]

ݣرينادا
State of Grenada (en)
نشيد	تحية لڭرينادا [[فيشي:|100px]]
لعاصيمة	سانت جورجز
الساكينة
شحال دالسكان	114,299 (2023)
السمية ديال السكان	ڭرينادي، ڭرينادية، ڭريناديين, ݣريناديات
اللوغات الرسمية	نڭليزية كريول إينڭليزي ديال ڭرينادا
متوسط ديال لعمر	73.659 (2016)
لجغرافيا
لميساحة	348.5 كم²
لقمة لعالية	Mount Saint Catherine (840 م)
لبلاصة الطايحة	لبحر د لكاريبي (0 م)
لإدارة
لملك د ڭرينادا	تشارلز التالت
رئيس لووزارا د ڭرينادا	كيث ميتشيل
لبرلمان	لبرلمان د ڭرينادا
لقتيصاد
الناتج الداخلي لكامل	1,122,800,000 $ (2021)
مؤشر التنمية لبشرية	0.795 (2021)
لفلوس	الدولار د شرق لكاريبي
معلومات خرة
توقيت ديال لبلاد	ڭرينيتش - 4 America/Grenada
رمز لبلاد	GD
رمز لانترنيت	‎.gd‎
رمز التيليفون	+1473
نماري د ليرجونس	911، 434، 724 و 774
جيهة د صوڭان	ليسر
السيت الرسمي	gov.gd

لأصل ديال السمية ديال ݣرينادا هو لمدينة د غرناطة ف صبانيا، و تسمات بيها ف 1498 ملي داز كريسطوف كولومبوس على لمنطقة فالسفر التالت ديالو. ماعمّر الصبليون ما ستعمرو لجزيرة، و كانو لفرانساويين هوما أول أوروپيين اللي ستعمروها ف 1650. ف 10 فبراير 1763، مورا ليتيفاقية ديال باريز عطات فرانسا ݣرينادا لبريطانيا، اللي بقات مستعمراها تال 7 فبراير 1974، اللي هو التاريخ د لإستقلال د لبلاد.

تيسكنو ف ݣرينادا شويا كتر من 100.000 واحد، و لعاصمة ديالها و أكبر مدينة فيها هي سانت جورجز. اللغة الرسمية د لبلاد هي لينݣليزية، و لكن لكريويل د لفرانساوية و ديال لينݣليزية معتارفين بيهم لغات جهوية. لفلوس ديال ݣرينادا هي الدولار د شرق لكاريبي. ݣرينادا تابعة للمنضمة د لكومونويلث و نضام لحكيم فيها هو ملكي، عندو نفس لملك ديال بريطانيا.