پيرو

	پيرو
نشيد	النشيد لوطني د پيرو
لعاصيمة	ليما
	الساكينة
شحال دالسكان	29,381,884 (2017)
السمية ديال السكان	پيروڤي، پيروڤية، پيروڤيين, پيروڤيات
اللوغات الرسمية	صبليونية ; آيمارا ; كيتشوا
متوسط ديال لعمر	74.983 (2016)
	لجغرافيا
لميساحة	1,285,216 كم²
لقمة لعالية	هواسكاران (6,768 م)
لبلاصة الطايحة	لهبطة د سيشورا (−34 م)
	تاريخ
أعياد	حتفالات وطنية (28 يوليوز)
	لإدارة
نضام الدولة	جمهورية
رئيس بيرو	دينا بولوارت
رئيس بيرو	دينا بولوارت
لبرلمان	لكونڭريس د لپيرو
	لقتيصاد
الناتج الداخلي لكامل	223,717,791,483 $ (2021)
لبيطالة (شوماج)	4 % (2014)
مؤشر التنمية لبشرية	0.762 (2021)
لفلوس	صول جديد
	معلومات خرة
توقيت ديال لبلاد	التوقيت د لپيرو; ڭرينيتش - 5; America/Lima
رمز لبلاد	PE
رمز لانترنيت	‎.pe‎
رمز التيليفون	+51
نماري د ليرجونس	911، 105، 116، 111، 117 و 106
جيهة د صوڭان	ليمن
السيت الرسمي	gob.pe

پيرو، رسميا لجمهورية د پيرو (بالصبليونية: República del Perú - بل كيتشوا: Piruw Ripuwlika - بلآيمارا: Piruw Suyu) هي بلاد جات ف لغرب ديال أمريكا لجنوبية. تايحدّوها من الشمال لإكواطًور و كولومبيا، من الشرق لبريزيل، من لجنوب الشرقي بوليڤيا، من لجنوب شيلي، ومن لغرب لمحيط لهادي. هي بلاد عندها جغرافيا متنوعة بزاف، فيها الصحرا ولغابات والجبال و لبحورا، و مقسومة على 25 منطقة. من جيهت لمساحة، هي تالت أكبر بلاد ف أمريكا اللاتينية، من مورا لبريزيل و لارجونتين.

لبلاصة اللي فيها پيرو عندها تاريخ قديم و دازو عليها بزاف د لحضارات. أول وحدا فيهم (نوتي شيكو) كانت هادي 3500 عام من قبل لميلاد. ف لقرن 16 دخلو الصبليون للمنطقة و ستعمروها. ف 1821 ستاقلات لبلاد رسميا و ولاّت جمهورية. ف لقرن 20، دازت لبلاد من بزاف ديال لمشاكل، آخر واحد فيها كان هو لوقت ديال الديكتاتورية ديال آلبيرطو فوجي موري.[1]

تيسكنو ف پيرو تقريبا 32.8 مليون د الناس و لعاصمة ديالها هي ليما. اللغة الرسمية د لبلاد هي الصبليونية، و على حساب الدستور، كاين لغات رسمية آخرا، ولكن غي فلبلايص اللي كيتهضرو فيهم (بحال لكيتشوا ولآيمارا). لفلوس اللي كاتخدّم ف لبلاد هي الصول، و التقافة د لبلاد مخلّطة من بين ݣاع التقافات اللي تلاقاو فيها د السكان لأصليين و لأوروپيين و لأفارقة و لآسياوين. پيرو داخلة ف بزاف د لمنضمات الدولية بحال لأمم لمتحدة و منضمة التجارة لعالمية و التحالف د لمحيط لهادي و ميركوسور و لمنضمة د لبلدان لأمريكية.

عيون لكلام

"ديكتاتور البيرو ينال "عفوا إنسانيا" - سكاي نيوز عربية (2021)". مأرشيڤي من لأصل ف 2022-08-12. تطّالع عليه ب تاريخ 2021-05-27.

تقدر تزيد شوف بزاف د تّصاور و لمعلومات ديال Peru ف ويكيميديا كومنز.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "ديكتاتور البيرو ينال "عفوا إنسانيا" - سكاي نيوز عربية (2021)". مأرشيڤي من لأصل ف 2022-08-12. تطّالع عليه ب تاريخ 2021-05-27.